रत्ननगर । जीवन विकास लघुवित्त वित्तीय संस्था लि.ले शनिबार वित्तीय साक्षरता तथा उत्कृष्टक करोबार गर्ने सदस्यहरुलाई पुरस्कृत गरेको छ । सो संस्थाको राप्ती शाखाले खैरहनीमा केन्द्र प्रमुख गोष्ठी तथा वित्तीय […]
एमाले चितवनको अधिवेशन : प्रतिनिधि व्यवस्थापन समितिको बैठक सम्पन्न, २९ गते प्रतिनिधि छनोट गरिने
Radio Chitwan
आइतवार, बैशाख २३, २०८१
चितवन, बैशाख २३ –
नेकपा (एमाले) चितवनको ११ औं जिल्ला अधिवेशन सम्पन्न गर्न बनेको प्रतिनिधि व्यवस्थापन उपसमितिको बैठक सम्पन्न भएको छ ।
उपसमिति संयोजक श्यामकुमार विष्टको संयोजकत्वमा पार्टी कार्यालयमा बसेको बैठकले विभिन्न निर्णयहरु गरेको छ ।
जिल्ला पदाधिकारीको बैशाख २० गते बसेको बैठकको निर्णय अनुसार २९ गते एकैदिन जिल्ला भरी प्रतिनिधि छनोट गरिने छ । वडा कमिटीले २९ गते प्रतिनिधि छनोट गरेपछि जेठ दुई गतेभित्र प्रतिनिधिको नामलिस्ट जिल्लामा पठाइसक्नुपर्नेछ ।
उक्त नामलिस्ट जिल्लामा आइसकेपछि पुनः प्रतिनिधि व्यवस्थापन उपसमितिको बैठक बसेर प्रतिनिधिहरुको सम्पूर्ण विवरणको रेकर्ड व्यवस्थापन गर्ने निर्णय बैठकले गरेको छ ।
सबै वडाहरुमा प्रमाणित पार्टी सदस्यहरुको विवरण, अनुमानित प्रतिनिधि संख्याको लिस्ट, प्रतिनिधिले भर्नुपर्ने फारम लगायतका समाग्रीहरु आजको दुई दिनभित्र पठाइसक्ने निर्णय समेत बैठकमा गरिएको संयोजक विष्टले जानकारी दिए ।
बैठकमा पार्टी केन्द्रीय सदस्य यम बहादुर परियार, एमाले चितवनका जिल्ला अध्यक्ष रामप्रसाद न्यौपानेको विशेष उपस्थिति रहेको थियो । उक्त समितिका सदस्यहरुमा पालिका कमिटीका सबै पार्टी अध्यक्षहरु समेत रहेका छन् ।
जेठको १०, ११ र १२ गते एमाले चितवनको अधिवेशन हुन लागेको हो । अधिवेशन सम्पन्न गर्न एमाले चितवनका अध्यक्ष रामप्रसाद न्यौपानेको संयोजकत्वमा ४ सय ९९ सदस्यीय मूल व्यवस्थापन समिति बनाइएको छ । त्यसैगरी विभिन्न उपसमितिहरु समेत बनेका छन् ।
अध्यक्ष न्यौपानेको संयोजकत्वमा पार्टीको राजनीतिक तथा सांगठनिक प्रतिवेदन लेखन समिति बनाइएको छ । त्यसैगरी उपाध्यक्ष कमलराज पाठकको संयोजकत्वमा आर्थिक प्रतिवेदन उपसमिति, सचिव प्रकाश खनाल ‘शैलेश’को संयोजकत्वमा खाद्य तथा आवास व्यवस्थापन उपसमिति, उपसचिव प्रकाश ढुंगानाको नेतृत्वमा प्रचारप्रसार उपसमिति, उपसचिव चन्द्रकान्त न्यौपानेको संयोजकत्वमा सम्मान कार्यक्रम व्यवस्थापन उपसमिति, कार्यालय सचिव श्याम विष्टको संयोजकत्वमा प्रतिनिधि व्यवस्थापन उपसमिति, अन्जना गौतमको संयोजकत्वमा स्वागत सत्कार उपसमिति, भक्ति प्रसाद गौतमको संयोजकत्वमा मञ्च व्यवस्थापन उपसमिति बनाइएको छ ।
यसैगरी बागमती प्रदेशका पूर्वमन्त्री विजय सुवेदीको संयोजकत्वमा समृद्ध चितवन निर्माण कार्यदल समेत बनेको छ । एमालेले प्रत्येक ३÷३ वर्षमा जिल्ला अधिवेशन गर्ने गर्दछ ।
आन्य समाचारहरु:-
स्काउट पदाधिकारीलाई दलको सदस्यता त्याग्न खेलकुद मन्त्रालयको चेतावनी
काठमाडौं– युवा तथा खेलकुद मन्त्रालयले नेपाल स्काउटको सदस्यलाई राजनैतिक दलको सदस्यता त्याग्न निर्देशन दिएको छ । मन्त्रालयले स्काउटका सदस्य कुनै राजनीतिक दलको सदस्य रहेको भए तत्काल सदस्यता त्याग गरी राजनैतिक […]
पत्रकार गुरुङको गाडी तोडफोड गरी नगद चोरी
रत्ननगर । चितवनका क्रियाशिल पत्रकार राजनदिल गुरुङको गाडी तोडफोड गरी सञ्चार सामाग्री सहित नगद चोरी भएको छ । राप्ती नगरपालिका वडा नं ७ वीरेन्द्रनगर चोक नजिक पाकिङ गरेर राखेको गाडी […]
सुकुमबासी समुदायलाई लागुऔषध दुव्यशनी सम्बन्धी सचेतना
चितवन । चितवनको रत्ननगरमा सुकुमबासी समुदायलाई सोमबार लागुऔषध दुव्यशनी सम्बन्धी सचेतनामुलक प्रशिक्षण दिइएको छ । रत्ननगर जेसीजको सप्ताह व्यापी कार्यक्रम अन्तर्गत रत्ननगर वडा नं १२ स्थित शालघाली सुकुमबासी समुदायलाई लागुऔषध […]
