Listen Live: 

कालिका नगरपालिकालाई तीन बर्ष भित्र बालमैत्री बनाउने घोषणा ।

Radio Chitwan
बिहिबार, बैशाख २७, २०८१

कालिका । चितचवनको कालिका नगरपालिकालाई आगामी तीन बर्ष भित्र बालमैत्री नगर बनाउने घोषणा गरिएको छ । तीन बर्ष भित्र वालश्रमिकको संख्या शुल्यमा झारेर बालमैत्री सुचक पुरा गरी बालमैत्री नगर घोषणा गर्ने तयारी गरिएको मेयर विनोद रेग्मीले जानकारी दिनुभयो । वालमैत्री स्थानीय सासन लागु भएको सो नगरपालिकाले केही दिन अघि आयोजना गरेको अभिमुखीकरण कार्यक्रममा योजनाबद्ध रुपमा काम गरी तीन बजे भित्र पालिकालाई बालमैत्री बनाउने घोषणा गरिएको हो । बालमैत्री नगर घोषणाको लागि नगरभित्र रहेका बालश्रमिकहरुको पहिचान गरी उनीहरुलाई शिक्षा प्रदान गर्ने, अभिभावकको जीविकोपार्जनको आधार तयार गरिने मेयर रेग्मीले बताउनुभयो । जनप्रतिनिधि र कर्मचारीहरुलाई एउटै हलमा भेला गरी पालिकालाई २०८३ साल असोज महिलामा बालमैत्री घोषणा गर्ने गरी तयारी सुरु गरिएको उहाँको भनाई छ । वाल बचाउ, बाल संरक्षण, बाल विकास, बाल सहभागिताको सुनिश्चितता सहितको ५२ वटा सुचक पुरा गरेपछि पालिकालाई बालमैत्री घोषणा गर्न मिल्ने प्राबधान रहेको छ । नगरलाई बालश्रम मुक्त गरी बाल अधिकारको सुनिश्चितता सहित बालमैत्री घोषणा गर्ने कानुनी प्रबधान रहेको महिला विकास अधिकृत सम्झना ढकालले जानकारी दिनुभयो । आगामी आर्थिक बर्षबाट बजेट विनियोजन गरी श्रमिक बालबालिकाको तथ्याङ्क संकलन गर्ने, पहिचान भएका बालबालिकालाई श्रममुक्त गरी शिक्षा प्रदान गर्ने, अभिभावकको आयआर्जनको लागि सहयोग गर्ने लगायतका कामहरु सिलसिलाबद्ध रुपमा अगाडि बढ्ने उहाँले बताउनुभयो । साविकका गाविसहरु शक्तिखोर, सिद्धि, पदमपुर र जुटपानी समायोजना गरी २०७४ जेष्ठ ७ गते नगरपालिका घोषण गरिएको सो पालिकाका पहाडी क्षेत्रका सीमान्तकृत चेपाङ समुदायको बसोबास छ । शहरी विकासको प्रथम चरणमा रहेको सो नगरपालिकामा ठुलो बजार छैन् । सिछि, शक्तिखोर,जुटपानी, खोलेसिमल, पदमपुरमा मझौला प्रकारका बजारहरु रहेका छन् । अधिकाँस ग्रामिण क्षेत्र रहेको सो पालिकामा बालश्रमिकको संख्या ज्यादै न्यून रहेको अनुमान गरिएको छ ।

आन्य समाचारहरु:-
June 22, 2024
सक्षम आमा समुहमा महिला सशक्तिकरणका लागि प्रशिक्षण

रत्ननगर । रत्ननगर नगरपालिका वडा नं १० का महिलाहरुलाई महिला अधिकार, पहुँच तथा सशक्तिकरण सम्बन्धी प्रशिक्षण दिइएको छ । वडा कार्यालयको आर्थिक सहयोगमा सक्षम आमा समूहले आयोजना गरेको कार्यक्रममा ७५ […]

June 20, 2024
झुवानीमा विद्यार्थीलाई आत्महत्या राेकथाम तथा मनोसामाजिक सचेतना

रत्ननगर । रत्ननगर नगरपालिका वडा नं ५ स्थित झुवानी माविका विद्यार्थीहरुलाई मानसिक स्वास्थ्य, आत्महत्या रोकथाम तथा मनोसामाजिक परामर्श सम्बन्धी सचेतनामुलक प्रशिक्षण दिइएकाे छ ।  नेपाल रेडक्रस सोसाइटी उपशाखा बछौलीको आयोजना […]

June 17, 2024
प्रथम माधवपुर गाेल्डकपकाे आयव्याय सार्वजनिक

रत्ननगर । रत्ननगर नगरपालिका वडा नं १५ मा सम्पन्न प्रथम माधवपुर गाेल्डकपकाे आयव्याय सार्वजनिक गरिएकाे छ । आयाेजक माधवपुर खेलकेद विकास समितिले साेमबार पत्रकार सम्मेलनकाे आयाेजना गरि आयव्याय सार्वजनिक गरेकाे […]

June 17, 2024
बंगलादेशले नेपाललाई दियो १०७ रनको चुनौती

काठमाडौं – आईसीसी टी–२० क्रिकेटको अन्तिम खेलमा नेपाललाई बंगलादेशले १०७ रनको चुनौती दिएको छ । नेपालसँग बंगलादेश १९.३ बल खेल्दै १०६ रनमा अलआउट भएको हो । बंगलादेशलाई सस्तैमा समेट्न नेपालका […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram