Listen Live: 

कालिका नगरपालिकाले ६५ जना महिलालाई हलुका सवारी चालक ( ड्राइभिङ ) तालिम दिएकाे छ ।

Radio Chitwan
शनिबार, बैशाख २९, २०८१

१५ दिन सम्म आयाेजना गरिएकाे तालिम शनिबार ( आज ) एक कार्यक्रमका बीच सकिएको छ । 

तालिममा सहभागी कालिका वडा नं ३ कि बन्दना न्युरेले तालिम लिन पाएकाेमा खुशी व्यक्त गरिन् । सुनिता शेर्पाले निशुल्क तालिमले आफुहरूमा आत्मविश्वास बढेकाे बताईन । नयाँ खालकाे सीप सिक्ने अवसर पाएकाेमा नगरपालिकालााई धन्यवाद दिईन ।

समय थाेरैभएकाले आफुहरूलाई थप तालिम आवश्यक रहेको बताईन । खाली समयकाे राम्रो सदुपयोग भएकोमा खुशी व्यक्त गरिन् । थप तालिमका लागि बरू सहभागीहरूले पनि कति प्रतिशत लगानी गर्नुपर्छ त्यसमा खर्च गर्न तयार छाैं उनले थपिन - हामीलाई थप तालिम चाहियो । 

समापन कार्यक्रमलाई संवाेधनगर्दै नगर प्रमुख विनाेद रेग्मीले सहभागीहरूले सिकेकाे सीपलाई निखार ल्याउन कालिका नगरपालिकाले थप तालिमको व्यवस्थापनगर्ने बताए । कार्यक्रमका प्रमुख अतिथि समेत रहेका नगर प्रमुख रेग्मीले नगर क्षेत्रका नागरिकहरूमा सीपकाे विकास नभए सम्म समृद्ध कालिका निमार्ण हुन नसक्ने बताए ।

कार्यक्रममा वडा नं ७ का वडा अध्यक्ष कमलराज माेक्तानले सवारी चलाउन सिकेको सीपलाई कार्यान्वयनमा ल्याउन जाेड दिए। कालिकाले महिला लक्षित थुप्रैखालका सीपमूलक कार्यक्रम संचालन गर्दै आएकाे जानकारी दिए । नगर क्षेत्र भित्रका महिलाहरू आत्मनिर्भर बन्दै गएकाेमा खुशी व्यक्त गरे । 

कार्यक्रममा कालिका वडा नं ४ का वडा अध्यक्ष समेत रहेका सामाजिक विकास संयाेजक मकरमान श्रेष्ठले सहभागीहरूकाे माग अनुसार आवश्यक  थप तालिम कालिकाले ल्याउने बताए । त्यसका लागि भित्रैदेखि सहभागीहरूमा रुचि हुनुपर्ने बताए । 

कार्यक्रममा वडा नं २ का वडा अध्यक्ष, लक्ष्मण पाैडेलले  कालिकाका हरेक नागरिकलाई  सीप संग जाेड्ने नगरपालिकाकाे याेजनाका साथ यस्ता खालका सीपमूलक कार्यक्रमगर्दै आएकाे बताए । 

नगरपालिकामा ५२ हजार जनसंख्या छ उनले भने - हामी सबैलाई कुनै न कुनै सीपसंग जाेड्न चाहन्छौं । सीपले राेजगारी सृजनागर्ने भएकाले हरेक नागरिकसंग कुनै न कुनै सीप हुन आवश्यक छ - उनले भने । 

कार्यपालिका सदस्य शान्ति  महताेले महिलाहरू सवारी चालकको रूपमा कामगर्ने संख्या न्यूनछ । कालिका नगरपालिकाले महिलाहरूलाई हाैसला प्रदान गरेको बताईन् । पुरूषहरूले मात्रै गर्ने काम हाे भनेर नसाेचि यसलाई व्यवसायीक रूपमै अगाडि बढाउने उद्वेश्य लिएर अगाडि बढ्न सुझाव दिईन । 

प्रमुख प्रशासकीय अधिकृत चुडामणी शर्माले स्वागत मन्तव्य राख्नुभएको कार्यक्रम नगर उपप्रमुख विमला तमाङकाे अध्यक्षतामा आयाेजना गरिएको हाे ।

आन्य समाचारहरु:-
June 22, 2024
सक्षम आमा समुहमा महिला सशक्तिकरणका लागि प्रशिक्षण

रत्ननगर । रत्ननगर नगरपालिका वडा नं १० का महिलाहरुलाई महिला अधिकार, पहुँच तथा सशक्तिकरण सम्बन्धी प्रशिक्षण दिइएको छ । वडा कार्यालयको आर्थिक सहयोगमा सक्षम आमा समूहले आयोजना गरेको कार्यक्रममा ७५ […]

June 20, 2024
झुवानीमा विद्यार्थीलाई आत्महत्या राेकथाम तथा मनोसामाजिक सचेतना

रत्ननगर । रत्ननगर नगरपालिका वडा नं ५ स्थित झुवानी माविका विद्यार्थीहरुलाई मानसिक स्वास्थ्य, आत्महत्या रोकथाम तथा मनोसामाजिक परामर्श सम्बन्धी सचेतनामुलक प्रशिक्षण दिइएकाे छ ।  नेपाल रेडक्रस सोसाइटी उपशाखा बछौलीको आयोजना […]

June 17, 2024
प्रथम माधवपुर गाेल्डकपकाे आयव्याय सार्वजनिक

रत्ननगर । रत्ननगर नगरपालिका वडा नं १५ मा सम्पन्न प्रथम माधवपुर गाेल्डकपकाे आयव्याय सार्वजनिक गरिएकाे छ । आयाेजक माधवपुर खेलकेद विकास समितिले साेमबार पत्रकार सम्मेलनकाे आयाेजना गरि आयव्याय सार्वजनिक गरेकाे […]

June 17, 2024
बंगलादेशले नेपाललाई दियो १०७ रनको चुनौती

काठमाडौं – आईसीसी टी–२० क्रिकेटको अन्तिम खेलमा नेपाललाई बंगलादेशले १०७ रनको चुनौती दिएको छ । नेपालसँग बंगलादेश १९.३ बल खेल्दै १०६ रनमा अलआउट भएको हो । बंगलादेशलाई सस्तैमा समेट्न नेपालका […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram