रत्ननगर । चितवनको रत्ननगर बैशाख १९ गतेबाट सुरु हुने जेसीज सप्ताहमा जिल्लाको आर्थिक विकासको सम्भावनाको खोजी गरिने भएको छ । रत्ननगर जेसीजले तय गरेको सप्ताह व्यापी कार्यक्रम अन्तर्गत बैशाख २२ […]
रत्ननगरमा रोजगार मेलाको तयारी पूरा, एकसय युवालाई रोजगारी दिने लक्ष्य
रत्ननगर । रोजगारको खोजीमा रहेका युवा तथा विद्यार्थीलाई लक्षित गरी रत्ननगर नगरपालिका र भरतपुर महानगरपालिकाको संयुक्त आयोजनामा रत्ननगर—१, निपनीस्थित होटल स्टार चितवनमा शुक्रबार र शनिबार आयोजना हुन लागेको ‘वृत्ति मार्गनिर्देशन तथा रोजगार मेला’को तयारी पूरा भएको छ ।
बिहीबार रत्ननगर नगरपालिकाको सभाहलमा आयोजित पत्रकार सम्मेलनमा नगरप्रमुख प्रलाद सापकोटाले मेलाले रोजगारीको खोजीमा रहेका र रोजगारी दिनेबीचमा पुलको काम गर्ने बताए । विशेषगरी १२ कक्षा पास गरेका विद्यार्थी, पिछडिएको वर्ग तथा समुदाय र विदेशबाट फर्किएका युवालाई लक्षित गरेर मेला आयोजना गरिएको उनले जानकारी दिए । मेलाबाट कम्तीमा पनि एकसय जनालाई रोजगारी दिइने लक्ष्य रहेको उनले बताए ।
मेलामा उद्योग वाणिज्य संघ चितवन, चितवन चेम्बर्स अफ कमर्श, रत्ननगर उद्योग वाणिज्य संघ, चितवन उद्योग संघ रत्ननगर समिति, राप्ती उद्योग वाणिज्य संघ, होटल व्यवसायी संघ नेपाल, क्षेत्रीय होटल संघ नेपाल (हान) सौराहा, नेपाल पोल्ट्री महासंघ, रेस्टुरेन्ट एन्ड बार एसोसिएसन नेपाल सौराहाले सहकार्य गरेका छन् ।
इन्स्योर परियोजना र हेल्भेटास नेपालको प्राविधिक सहयोगमा हुने मेलामा ३४ वटा स्टल रहने छन् । मेलामा करिब ५ हजार जनाले अवलोकन गर्ने र दुई हजार युवालाई वृत्ति परामर्श दिइने लक्ष्य रहेको नगरशिक्षा अधिकारी बद्रिनारायण शर्माले बताए । मेलामा बेरोजगार युवाको क्षमता पहिचान गरी रोजगारको अवसर खोजी गरिने उनको भनाइ थियो ।
नगर उपमेयर यादवप्रसाद पाठकले बेरोजगार युवाहरुलाई रोजगारी सुनिश्चितताको लागि मेला आयोजना गरिएको बताए । उनले मेलामा परामर्श सेवा, सीपमूलक तालिम दिने संस्थाहरुको प्रर्दशनी, रोजगारीसम्बन्धी सूचना, रोजगारदातासँग प्रत्यक्ष भेट र स्थानीय उत्पादनको प्रदर्शनी गरिने जानकारी दिए ।
कार्यक्रमको सञ्चालन कार्यक्रम अधिकृत विश्वास श्रेष्ठले गरेका थिए ।
चितवनको कालिका नगरपालिकाले घुम्ती शिविर सञ्चालनबाट अपाङ्गता परिचयपत्र वितरण गरेको छ । शुक्रवार कालिका नगरपालिका वडा नं. १० र ११ का अपाङ्गता भएका व्यक्तिहरुलाई सहजताका लागि वडा नं. ११ को […]
रत्ननगर वडा नं १५ स्थित माधवपुरमा भाेली शनिबार देखि प्रथम माधवपुर गाेल्डकप सुरु हुँदैछ । वडा कार्यालयसंगकाे सहकार्यमा माधवपुर खेलकुद विकास समितिले आयाेजना गरेकाे साे प्रतियाेगितामा १२ टिमकाे सहभागिता रहेकाे […]
कालिका नगरपालिकाका प्रमुख विनोद रेग्मी र उपप्रमुख विमला तमाङले एक कार्यक्रमका बीच भित्तेपात्रोको विमोचन गर्नुभयो । विमोचन कार्यक्रममा बोल्दै नगरप्रमुख रेग्मीले प्राकृतिक प्रकोप जोखिम न्यूनिकरण व्यवस्थापनगर्न पूर्व तयारीगर्न आवश्यक […]