Listen Live: 

रत्ननगरमा रोजगार मेलाको तयारी पूरा, एकसय युवालाई रोजगारी दिने लक्ष्य

Radio Chitwan
शुक्रबार, असार १५, २०८०

रत्ननगर । रोजगारको खोजीमा रहेका युवा तथा विद्यार्थीलाई लक्षित गरी रत्ननगर नगरपालिका र भरतपुर महानगरपालिकाको संयुक्त आयोजनामा रत्ननगर—१, निपनीस्थित होटल स्टार चितवनमा शुक्रबार र शनिबार आयोजना हुन लागेको ‘वृत्ति मार्गनिर्देशन तथा रोजगार मेला’को तयारी पूरा भएको छ ।

बिहीबार रत्ननगर नगरपालिकाको सभाहलमा आयोजित पत्रकार सम्मेलनमा नगरप्रमुख प्रलाद सापकोटाले मेलाले रोजगारीको खोजीमा रहेका र रोजगारी दिनेबीचमा पुलको काम गर्ने बताए । विशेषगरी १२ कक्षा पास गरेका विद्यार्थी, पिछडिएको वर्ग तथा समुदाय र विदेशबाट फर्किएका युवालाई लक्षित गरेर मेला आयोजना गरिएको उनले जानकारी दिए । मेलाबाट कम्तीमा पनि एकसय जनालाई रोजगारी दिइने लक्ष्य रहेको उनले बताए ।

मेलामा उद्योग वाणिज्य संघ चितवन, चितवन चेम्बर्स अफ कमर्श, रत्ननगर उद्योग वाणिज्य संघ, चितवन उद्योग संघ रत्ननगर समिति, राप्ती उद्योग वाणिज्य संघ, होटल व्यवसायी संघ नेपाल, क्षेत्रीय होटल संघ नेपाल (हान) सौराहा, नेपाल पोल्ट्री महासंघ, रेस्टुरेन्ट एन्ड बार एसोसिएसन नेपाल सौराहाले सहकार्य गरेका छन् ।

इन्स्योर परियोजना र हेल्भेटास नेपालको प्राविधिक सहयोगमा हुने मेलामा ३४ वटा स्टल रहने छन् । मेलामा करिब ५ हजार जनाले अवलोकन गर्ने र दुई हजार युवालाई वृत्ति परामर्श दिइने लक्ष्य रहेको नगरशिक्षा अधिकारी बद्रिनारायण शर्माले बताए । मेलामा बेरोजगार युवाको क्षमता पहिचान गरी रोजगारको अवसर खोजी गरिने उनको भनाइ थियो ।

नगर उपमेयर यादवप्रसाद पाठकले बेरोजगार युवाहरुलाई रोजगारी सुनिश्चितताको लागि मेला आयोजना गरिएको बताए । उनले मेलामा परामर्श सेवा, सीपमूलक तालिम दिने संस्थाहरुको प्रर्दशनी, रोजगारीसम्बन्धी सूचना, रोजगारदातासँग प्रत्यक्ष भेट र स्थानीय उत्पादनको प्रदर्शनी गरिने जानकारी दिए ।

कार्यक्रमको सञ्चालन कार्यक्रम अधिकृत विश्वास श्रेष्ठले गरेका थिए ।

आन्य समाचारहरु:-
September 26, 2023
सर्वाेच्चको प्रश्न: ललिता निवास प्रकरणमा पूर्वप्रधानमन्त्रीलाई मुद्दा नचलाउनुको कारण के हो ?

काठमाडौं, असोज ९ सर्वोच्च अदालतले सरकारसँग ललिता निवास जग्गा प्रकरणमा पूर्वप्रधानमन्त्रीद्वय माधवकुमार नेपाल र डा. बाबुराम भट्टराई र पूर्वमुख्यसचिव लिलामणि पोखरेललाई मुद्दा नचलाउनुको कारण माग गरेको छ । मंगलबार न्यायाधीश […]

September 26, 2023
सरकार र आन्दोलनरत डाक्टरहरुबीच सहमति

काठमाडौं,असोज ९- चिकित्सक तथा स्वास्थ्यकर्मीहरुमाथि आक्रमणमा संलग्नहरुमाथि स्वास्थ्यकर्मी तथा स्वास्थ्य संस्थाको सुरक्षासम्बन्धी ऐन २०६६ अनुसार कारबाही गर्ने सहमति भएको छ । मणिपाल शिक्षण अस्पताल, पोखरा लगायतका स्थानमा स्वास्थ्यकर्मीमाथि आक्रमण भएपछि […]

September 26, 2023
चितवन राष्ट्रिय निकुञ्जका पुष्पा र अञ्जली मङ्गलबार कोशी पठाइँदै

चितवन असोज ८- चितवन राष्ट्रिय निकुञ्जबाट दुई वटा गैँडा पुष्पा र अञ्जली मङ्गलबार कोशी टप्पु वन्यजन्तु आरक्षमा पठाइने भएको छ । गैँडा नभएको कोशीमा पुष्पा र अञ्जली मात्रै हुनेछन् । […]

September 25, 2023
हामी कांग्रेस कब्जा गर्न लाग्यौँ, जनता अरुले कब्जा गरिसकेः अर्जुननरसिंह केसी

काठमाडौं,असोज ८- नेपाली कांग्रेसका केन्द्रीय सदस्य अर्जुननरसिंह केसीले नेताहरू पार्टी कब्जा गर्न खोजिरहँदा जनता भने अर्कैको कब्जामा गइसकेको बताएका छन्। सोमबार सानेपामा बसेको केन्द्रीय कार्यसमितिको बैठकमा बोल्ने क्रममा केसीले अहिलेको […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram