Listen Live: 

चितवनका व्यवसायी कँडेल आत्महत्या दुरुत्साहनका आरोपी प्रदिप रुगटा भारतमा लुकेको आशंका

Radio Chitwan
मङ्लबार, बैशाख २६, २०८०

चितवन, वैशाख २६(

चितवनका पोल्ट्री व्यवसायी शंकरप्रसाद कँडेल मृत्यु प्रकरणमा प्रहरीले अनुसन्धान गरिरहेको छ ।

प्रहरीले कँडेल परिवारले दिएको किटानी जाहेरीको आधारमा आत्महत्या दुरुत्साहनका आरोपी प्रदिप रुंगटालाई अहिलेसम्म पक्राउ गर्न सकेको छैन ।

घटना आत्महत्या दुरुत्साहनमा केन्द्रित भए पनि अहिलेसम्मको प्रारम्भिक अनुसन्धानमा घटनाका अन्य ‘शंकास्पद’ पाटाहरू खुल्न सकेका छैनन् ।
वैशाख १९ गते कँडेल भरतपुर महानगरपालिका–३ बेलचोकमा रहेको आफ्नै अफिसमा झुन्डिएको अवस्थामा साँझ फेला परेका थिए । प्रहरीले घटनास्थलबाट आठ पृष्ठ लामो सुसाइड नोट समेत फेला परेको थियो । सुसाइड नोटमा उनको व्यवसायसँग जोडिएका दुई जनाको नाम लिएका छन् । जसको आधारमा प्रहरीले घटनाको अनुसन्धान गरिरहेको छ । कँडेलको आत्महत्यासँगै नेपाली कांग्रेस चितवन र उनका समर्थकहरुले चितवन बन्द गर्नुको साथै चितवनमा चक्का जाम गरेर फरार अभियुक्तलाई पक्राउ गर्न दबाब दिएका थिए । त्यस्तै, कँडेल नेपाली कांग्रेसको पूर्व कोषाध्यक्ष तथा महासमिति सदस्य पनि भएकोले चितवन कांग्रेस सभापति राजेश्वर खनालसहितको एक प्रतिनिधि मण्डलले प्रधानमन्त्री प्रचण्ड, गृहमन्त्री नारायणकाजी श्रेष्ठ र कांग्रेस सभापति शेरबहादुर देउवालाई पनि भेटेको थियो ।

आत्महत्या दुरुत्साहनमा उजुरी परेपछि प्रहरीले एक जनालाई पक्राउ गरिसकेको छ । त्यस्तै अर्का एक जना भने फरार रहेका छन् ।
घटनामा जोडिएका पात्रहरू नेपाल दाना उद्योग संघका उपाध्यक्ष प्रदीपकुमार रुंगटा र कम्पनीमा कार्यरत चार्टर्ड एकाउन्टेन्ट जीवन रावल हुन्। रावललाई भने वैशाख २१ गते बारा जितपुर सिमराबाट पक्राउ गरिसकेको छ । केन्द्रीय अनुसन्धान ब्युरो ९सीआइबी० टोलीको सहयोगमा उनलाई नियन्त्रणमा लिएको हो ।

‘हामी यस घटनामा अनुसन्धान गरिरहेका छौँ । अहिले यति भन्ने अवस्था छ,’ बागमती प्रदेश प्रहरी प्रमुख डिआइजी किरण रानाले भनिन्।यता रुंगटा भने फरार रहेका छन् । उनी देश बाहिर रहेको प्रहरीको अनुसन्धानमा खुलेको छ । यस घटनामा जिल्ला प्रहरी कार्यालय चितवनको टोलीले अनुसन्धान गरिरहेको छ । त्यस्तै फरार रुगटालाई खोजी गर्न सीआइबीको टोलीले पनि सहयोग गरिरहेको छ ।

‘हामीले पनि फरार रहेका व्यक्तिलाई हेरिरहेका छौँ । अहिलेसम्म पाएको सूचनाको आधारमा उनी नेपालभित्र रहेको देखिएन,’ एक प्रहरी अधिकृतले भने । उनी भारतमा लुकेर बसेको प्रहरीको आशंका रहेको छ । उजुरी परेपछि रुगटालाई उपाध्यक्ष पदबाट निर्दोष प्रमाणित नहुँदा सम्मको लागि संघले निलम्बन गरेको छ । केही महिनाअघि कँडेलले आफ्नो नेतृत्वको अनमोल फिड्स एक अर्ब १५ करोडमा बेचेका थिए । आन्तरिक हिसाब मिलानका क्रममा रुंगटाले रावललाई मानसिक दबाब दिएको खुलेको छ ।

२०७५ भदौ १ गतेदेखि लागू भएको मुलुकी अपराध संहिता ऐनको नयाँ नियममा आत्महत्या दुरुत्साहन घटना समावेश गरिएको हो । ऐनको दफा १८५ मा आत्महत्या गर्न कसैले कसैलाई दुरुत्साहन गरे कारबाही हुने व्यवस्था छ । त्यसपछि प्रहरीले यस्ता घटनामा प्रहरीले मानिस पक्राउ गरेर अनुसन्धान गर्न थालेको हो । मृतले लेखेको सुसाइड नोट, भिडियो, आफन्तले दिएको उजुरी लगायतका आधारमा प्रहरीले यस्ता घटनाको अनुसन्धान गर्दै आएको छ । व्यवसायी रुंगटालाई पक्राउ गरेर अनुसन्धान गर्ने पहिलो प्रमाण घटनास्थलमा भेटिएको नोट र पीडित परिवारको उजुरी बनेको छ ।

प्रहरीले घटनाको अनुसन्धानमा थप प्रमाण खोजी रहेको छ । प्रहरीले रुगटालाई पक्राउ गरेर अनुसन्धानपछि फाइल सरकारी वकिल कार्यालय हुँदै अदालतमा पु¥याउने छ । त्यसपछि आत्महत्या गर्न दुरुत्साहित गरेको प्रमाणित भए ऐनको दफा १८५ अनुसार अधिकतम पाँच वर्षसम्म कैद र पचास हजार रुपैयाँसम्म जरिवाना वा दुवै हुने छ ।

आन्य समाचारहरु:-
February 12, 2025
लगानी बोर्डका सिईओ ज्ञवालीसँग मेयर रेग्मीको भेट, शक्तिखोर औधोगिक क्षेत्रबारे छलफल

कालिका, माघ ३० । पूर्वी चितवनको कालिका नगरपालिकाका मेयर विनोद रेग्मीले प्रस्तावित शक्तिखोर औधोगिक क्षेत्र तथा कालिका नगरपालिकाको समग्र बिकासको बारेमा लगानी बोर्डका सिईओ सुशिल ज्ञवालीसँग भेट गरी छलफल गरेका […]

February 5, 2025
कालिकामा स्थानीय विपद् तथा जलवायु उत्थानशील योजना

चितवन, माघ २३ । चितवनको कालिका नगरपालिकाले स्थानिय विपद् तथा जलबायु उत्थानशील योजना, कार्यढाँचा अध्यावधिकका लागि सुचना संकलन गरेको छ ।  विपद् तथा जलबायु उत्थानशील योजना, कार्यढाँचा अध्यावधिकका लागि  स्थानीय […]

January 28, 2025
कालिकामा वडागत फाइल सूची तयारी कार्यशाला

रत्ननगर । कालिका नगरपालिकामा बालमैत्री स्थानीय शासन (सिएफएलजी)का आधारमा कागजात व्यवस्थापनका लागि वडागत फाइल सूची तयारीसम्बन्धी कार्यशाला सम्पन्न भएको छ । कालिका नगरपालिकालाई २०८३ असोज मसान्तभित्र बालमैत्री स्थानीय शासन घोषणा […]

January 28, 2025
रत्ननगर १२ मा नकआउट फुटबल सुरु

रत्ननगर नगर पालिका वडा नं० १२ डाफे मुनाल टोल स्थित सालघारी एफ.सि क्लब को आयोजना मा यहि माघ १४ गते देखि माघ २५गते सम्म बागदेवि खेल मैदान रत्ननगर १२ मा […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2025 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram