माडी,२० चैत्र । चितवनको माडी नगरपालिकाका मेयर ठाकुरप्रसाद ढकालले विद्यालयको शैक्षिक सुधारमा जोड दिईएको बताएका छन् । नेपाल प्रेस सेन्टर जिल्ला समन्वय समिति चितवनसँगको अन्तरक्रिया कार्यक्रममा बोल्दै मेयर ढकालले विद्यालयमा शैक्षिक सुधारको योजनाका साथ नगरपालिका अघि बढेको बताएका हुन् । उनले माडीका विद्यालयमा बिभिन्न कार्यक्रम सञ्चालन गरिएको बताएका छन् ।
‘विद्यालयका शैक्षिक सुधारका लागि योजनाका साथ अघि बढीरहेका छौं । कतिपय विद्यालयमा उत्पादनसँगै सिकाईमा जोड दिएका छौं । कमाउदै पढ भन्ने कार्यक्रम सञ्चालन गरेका छौं,’उनले भने । माडीको शैक्षिक बिकासमा नगरपालिकाले जोड दिएको उनको भनाइ छ । उनले माडीका विद्यालयहरुलाई बेरोजगार उत्पादन गर्ने फ्याक्ट्री नभई दक्ष जनशक्ति उत्पादन गर्ने उद्योगको रुपमाबिकास गरिरहेको दाबी गरे । ‘माडीका सरकारी विद्यालयहरु बेरोजगार उत्पादन गर्ने फ्याक्ट्रीको रुपमा चिनिन्थ्यो, उनले भने, ‘अहिके हामीले त्यसलाई उल्टाएर विद्यालयलाई बेरोजगार उत्पादन गर्ने फ्याक्ट्री होइन देशको दक्ष जनशक्ति उत्पादन गर्ने उद्योगको रुपमा बिकास गर्दैछौं ।’नगरपालिकाले एमबीबीएस पढ्नका लागि शिक्षिक ॠणको व्यवस्था गरेको बताएका छन् । अहिले माडीका ३ जनाले उक्त ॠण लिएर एमबीबीएस अध्ययन गरिरहेको उनले बताए । यस्तै २४ जनालाई नगरपालिकाले इन्जिनियरिङ अध्ययनको व्यवस्था गरिएको समेत उनले बताए ।
यस्तै स्वास्थ्य क्षेत्रको बिकासमा पनि नगरपालिकाले जोड दिएको उनले बताएका छन् । माडीमा सुविधासम्पन्न अस्पतालका लागि नगरपालिकाको आन्तरिक स्रोतबाट नयाँ भवन निर्माण भइरहे