Listen Live: 

खाम थुनामा गएपछि रामहरिकी श्रीमती र छोरा भन्छन्ः ‘थोरै जितेको महसुस गरेका छौं’

Radio Chitwan
शुक्रबार, चैत्र २३, २०८०

चितवन, चैत २३–

चितवन जिल्ला अदालतले काठमाडौंको कोटेश्वरका व्यापारी रामहरि श्रेष्ठलाई हत्या गरेको अभियोगमा १५ वर्षपछि पक्राउ परेका माओवादीका पूर्व कमाण्डर कालीबहादुर खाम मगरलाई पूर्पक्षका लागि थुनामा पठाउन आदेश दिएपछि रामहरिका श्रीमती रमिला र छोरा रोमनले न्यायको आश पलाएको प्रतिक्रिया दिएका छन् ।अदालत परिसरमै रहेकी रमिलाले थोरै भए पनि न्याय पाएको अनुभूति मिलेको प्रतिक्रिया दिइन् । छोरा रोहनसहित उपस्थि भएकी रमिलाले भनिन्–‘आज अलिकति जितेको महसुस गरेको छु, अहिले बल्ल पहिलो खुड्किला चढेजस्तो भएको छ न्याय पाउँछु जस्तो अनुभूति भएको छ ।’ उनले थपिन्–‘पहिलो फरार भएको मान्छे कहिले भेट्ने हो भन्ने भाको थियो, अहिले समातेर ल्यायो, थुनामै राखेर कारवाही गरेपछि मैले न्याय पाउँछु भन्ने लाग्याछ ।’

खाम पक्राउ परेको जानकारी पाएपछि लण्डनबाट छोरा रोमन पनि आमालाई साथ दिन नेपाल आएका छन् । अदालत परिसरमा रहेका रोमनले अदालतको आदेशपछि प्रतिक्रिया दिँदै केही न्याय पाउनेमा आशा जागेको बताए । उनले पहिलो सफलता निश्पक्ष रुपमा भएको अनुभूत भएको भन्दै मुद्दामा सहयोग गर्ने सबैमा धन्यवाद दिए । ‘८ वर्षदेखि लण्डन बस्दै आएको छु, अहिले न्याय पाउने आशामा वानवे टिकट काटेर आएको छु, यो आदेश हाम्रो पहिलो सफलता हो, निश्पक्ष नै भएजस्तो लाग्यो’ रोमनले भने ‘अहिलेसम्म हामीलाई साथ दिने सबैलाई धेरै धेरै धन्यवाद, आशा छ राजनीतिक हस्तक्षेप विना दोषीले निश्पक्ष रुपमा कानुन बमोजिम कडा भन्दा कडा कारवाही हुनुपर्छ ।’

घटना हुँदा रोमन १२ वर्षका थिए । उनलाई अहिले पनि विगतको त्यो दुःख क्षण झलझल्ती आउँछ । विगतका दिन सम्झदै रोमनले भने–‘विगत १५ वर्ष नै हाम्रो सबैभन्दा धेरै पीडादायी क्षण हो, मुख्य अभियुक्त खेलआम हिडिरहेको हामीलाई पहिलै जानकारी थियो, हामी अन्तर्राष्ट्रिय रुपमा दवाब दिदा पनि समाउन नसक्दा हामीलाई सधै विझाई रहेको थियो, हामीले एक किसिमले न्यायको आश छोडी सकेका थियौं । तर आमा हरेश खानु भएन, नेपालमै बसेर लड्छु भनेर लाग्नु भयो, हामी यसमा खुशी छौं ।’

जिल्ला न्यायाधीश दयाराम ढकालको इजलासले खामलाई आज पुर्पक्षका लागि थुनामा पठाउन आउदेश दिएको छ । हिजो र आज गरी दुई दिन थुनछेक बहसपछि न्यायाधीश ढकालले घटनामा खामको संलग्न नरहेको भनि अहिले भन्न नसकिने भएकाले तत्काल थुनामा पठाउन आदेश दिएका हुन् ।

आदेशमा भनिएको छ–‘तत्काल प्रमाणको आधारमा दावीको कसुरमा प्रतिवादी खामको संलग्नता नरहेको भनी अहिले नै भन्न नसकिने विद्यमानता नदेखिदा पछि मुद्दामा थप प्रमाण बुझ्दै जाँदा ठहरे बमोजिम हुने गरी कानुन बमोजिमको सुविधा पाउने गरी मुलुकी फौजदारी कार्यविधि संहिता २०७४ को दफा (६७) बमोजिम मुद्दा पूर्पक्षका लागि थुनामा राख्न निज प्रतिवादी विविध भन्ने कालीबहादुर खाम मगरलाई कारागार कार्यालय चितवनमा पठाइदिनु साथै निज प्रतिवादीले साक्षी समेत राखेको देखिदा निजका साक्षीहरु समेत बुझि नियन अनुसार गर्न यो आदेश गरिदिए ।’

आन्य समाचारहरु:-
June 22, 2024
सक्षम आमा समुहमा महिला सशक्तिकरणका लागि प्रशिक्षण

रत्ननगर । रत्ननगर नगरपालिका वडा नं १० का महिलाहरुलाई महिला अधिकार, पहुँच तथा सशक्तिकरण सम्बन्धी प्रशिक्षण दिइएको छ । वडा कार्यालयको आर्थिक सहयोगमा सक्षम आमा समूहले आयोजना गरेको कार्यक्रममा ७५ […]

June 20, 2024
झुवानीमा विद्यार्थीलाई आत्महत्या राेकथाम तथा मनोसामाजिक सचेतना

रत्ननगर । रत्ननगर नगरपालिका वडा नं ५ स्थित झुवानी माविका विद्यार्थीहरुलाई मानसिक स्वास्थ्य, आत्महत्या रोकथाम तथा मनोसामाजिक परामर्श सम्बन्धी सचेतनामुलक प्रशिक्षण दिइएकाे छ ।  नेपाल रेडक्रस सोसाइटी उपशाखा बछौलीको आयोजना […]

June 17, 2024
प्रथम माधवपुर गाेल्डकपकाे आयव्याय सार्वजनिक

रत्ननगर । रत्ननगर नगरपालिका वडा नं १५ मा सम्पन्न प्रथम माधवपुर गाेल्डकपकाे आयव्याय सार्वजनिक गरिएकाे छ । आयाेजक माधवपुर खेलकेद विकास समितिले साेमबार पत्रकार सम्मेलनकाे आयाेजना गरि आयव्याय सार्वजनिक गरेकाे […]

June 17, 2024
बंगलादेशले नेपाललाई दियो १०७ रनको चुनौती

काठमाडौं – आईसीसी टी–२० क्रिकेटको अन्तिम खेलमा नेपाललाई बंगलादेशले १०७ रनको चुनौती दिएको छ । नेपालसँग बंगलादेश १९.३ बल खेल्दै १०६ रनमा अलआउट भएको हो । बंगलादेशलाई सस्तैमा समेट्न नेपालका […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram