रत्ननगर । रत्ननगर नगरपालिका वडा नं ५ स्थित झुवानी सामुदायिक पुस्तकालयले गरेका कामकाे उपलब्धी र भावी याेजनाबारे जनप्रतिनिधिहरुसंग शुक्रबार अन्तर्क्रिया गरिएकाे छ । वडा नं ५ का वडाध्यक्ष बालकृष्ण चापागाईँ प्रमुख अतिथि रहेकाे साे कार्यक्रममा पुस्तकालयका अध्यक्ष अनिल अर्यालले पुस्तकालयले गरेका समुदाय केन्द्रीत कार्यक्रम र त्यसकाे उपलब्धि सार्वजनिक गरेका छन् । साे पुस्तकालयले स्थापनाकाल देखि रमाईलाे पढाई, प्राविधिक ज्ञान सेवा, कृषिका लागि माैसमी सुचना, महिला सशक्तिकरणकाे लागि थिएटर कार्यक्रम, आमाकाे माया, बछाैली साक्षता अभियान, किशाेरी लक्षित ट्याग कार्यक्रम, व्यवसायिक कृषि तालिम तथा सीप मुलक तालिम सञ्चालन गर्दै आएकाे छ । पुस्तकालयले हाल पुस्तकालय सेवा तथा शिक्षा सम्बन्धी कार्यक्रम, स्वास्थ्य, सुचना प्रविधि, महिला लक्षित सहकारी सेवा, दिगाे विकास र आयआर्जन, युवा लक्षित कार्यक्रम, सुरक्षित आप्रावसन तथा बैदेशिक राेजगार सम्बन्धी सचेतना मुलक कार्यक्रम, एम्बुलेन्स सेवा, मातृशिशु तथा अन्य स्वास्थ्य शिविर गरिदै आएकाे अध्यक्ष अर्यालले जानकारी दिए । कार्यक्रममा पुस्तकालयले गरेका कामकाे उपलब्धि समेत प्रस्तुत गरिएकाे छ । विद्यालय र समुदाय विकासकाे लागि सेटलाइट सेन्टरकाे रुपमा टराैली, साैराहा, हर्नहरी र माडीमा पुस्तकालय स्थापना, सहकारीमा बचत गर्ने बानीकाे विकास, साना तथा घरेलु उद्योग, किराना पसल सञ्चालन, व्यवसायिक कृषि तथा पशुपालनकाे लागि सहजकर्जा, बैदेशिक राेजगारीमा ठगीमा न्यूनीकरण भएकाे अध्यक्ष अर्यालले जानकारी दिए । कार्यक्रममा पुस्तकालयका संस्थापक अध्यक्ष बासु ढुंगानाले पुस्तकालय मार्फत समाज रुपान्तरण गर्न सकिन्छ भन्ने झुवानी सामुदायिक पुस्तकालयले प्रमाणित गरेकाे बताए । समुदायले स्थापना गरेकाे पुस्तकालयले समुदायकाे हितमा अर्थपूर्ण काम गरेकाे भन्दै उनले पुस्तकालयकाे समयकाे माग अनुसार स्तराेन्नती आवश्यक रहेकाे बताए । कार्यक्रममा वडाध्यक्षहरु साेहेन्द्रराज खरेल, कृष्ण चाैधरी, किरण चाैधरी, अनन्त अधिकारी, पाेटबहादुर घिमिरे, रामकुमार चाैधरी, कार्यकहाक वडाध्यक्ष चन्द्रकला पनेरु, झुवानी सामुदायिक बचत तथा ऋण सहकारी संस्थाकी अध्यक्ष सावित्री आचार्य लगायतले मन्तव्य राखेका थिए । पुस्तकालयका सचिव विजय चाैधरीले सञ्चालन गरेकाे साे कार्यक्रममा उपाध्यक्ष शेषप्रसाद सापकाेटाले स्वागत मन्तब्य राखेका थिए ।