Listen Live: 

भीमोदय नमुना माध्यमिक विद्यालयको स्वर्णमहोत्सव कार्यक्रम भव्यताका साथ सम्पन्न !!!

Radio Chitwan
शनिबार, पुस १४, २०८०

कालिका नगरपालिकाको वडा नं. ५ मा रहेको भीमोदय नमुना माध्यमिक विद्यालयको स्वर्णमहोत्सव कार्यक्रम भव्यताका साथ सम्पन्न भएको छ   । पुर्व प्रधानमन्त्री तथा नेकपा एमालेका अध्यक्ष केपी शर्मा ओलीको प्रमुख आतिथ्यमा शुक्रबार कार्यक्रम सम्पन्न गरिएको हो ।

कार्यक्रमलाई सम्बोधन गर्दै ओलीले विद्यार्थीहरुलाई ईमान्दार बन्न आग्रह गरे । ईमान्दारीताले नै संसार जित्न सकिने बताउँदै ओलीले ईमान्दारिता नै हरेक सफलताको कडीको रुपमा रहेको बताए । भीमोदय चितवनकै उत्कृष्ट शैक्षिक गन्तव्य रहेको प्रति प्रशंसा गर्दै ओलीले विद्यालयको शैक्षिक उन्नयनमा योगदान दिने सम्पूर्णलाई धन्यवाद ज्ञापन गरे ।

अध्यक्ष ओलीले शिक्षाको गुणस्तरीयताले मात्र देश विकास सम्भव हुने बताए । प्राविधिक शिक्षामा जोड दिँदै ओलीले  उद्योग, कलकारखाना, कृषि क्षेत्रको विकास गरी आबश्यक जनशक्ति उत्पादन गर्दै बेरोजगारी समस्याको समाधान गर्नुपर्ने आवश्यकता औंलाए  ।

विद्यालयलाई आवश्यक सरसहयोग गर्न स्थानिय जनप्रतिनिधिहरुलाई आग्रह गर्दै ओलीले केन्द्रबाट गर्नुपर्ने कुनै काम भए आफुले सहजीकरण गर्ने प्रतिबद्धता व्यक्त गरे । कार्यक्रममा ओलीले नवनिर्मित स्वर्णद्वारको उद्घाटन, स्वर्ण स्तम्भको अनावरण र स्वर्ण स्मारिका बिमोचन गरे ।

कार्यक्रममा विशिष्ट अतिथिको रुपमा शिक्षा, विज्ञान तथा प्रविधि राज्यमन्त्री प्रमिला कुमारी उपस्थित थिईन् । त्यस्तै कार्यक्रममा पुर्व सांसद कृष्णभक्त पोखरेल, मेयर विनोद रेग्मी, उपमेयर विमला तामाङ, अन्य निर्वाचित जनप्रतिनिधि, विद्यालय संस्थापक लगायतको आतिथ्य रहेको थियो ।

सप्ताहव्यापी रुपमा संचालन स्वर्णमहोत्सव कार्यक्रममा विज्ञान तथा प्रविधि प्रदर्शनी, शैक्षिक सामाग्री तथा फोटो प्रदर्शनी, जिल्ला स्तरिय शिक्षक भलिबल प्रतियोगिता, शिक्षक विद्यार्थी क्रिकेट प्रतियोगिता, हाजिरीजवाफ र भाषणकला प्रतियोगिता, रक्तदान, स्वास्थ्य शिविर, घैटो फुटाई, नृत्य प्रतियोगिता, निबन्ध लेखन प्रतियोगिता, प्रभातफेरी, शैक्षिक बहस र विभिन्न विधामा सम्मान लगायत कार्यक्रम आयोजना गरिएको थियो ।

कार्यक्रमको पाँचौ दिन सम्ममा झन्डै पौने करोड चन्दासहयोग संकलन भएको र कार्यक्रम अवधीको आयव्यय केहि दिन भित्रैमा सार्वजनिक गरिने समारोह मूल आयोजक समिति संयोजक तथा विद्यालय व्यवस्थापन समिति अध्यक्ष अमृत श्रेष्ठले जानकारी दिए ।

स्वर्ण महोत्सव कार्यक्रमको यहि पौष ६ गते मेयर विनोद रेग्मीले उद्घाटन गरेका थिए ।

आन्य समाचारहरु:-
April 20, 2024
समाजवादी प्रेस संगठनद्धारा अन्तरक्रिया र सम्मान कार्यक्रममुलुकलाई उकुसमुकुसबाट निकाल्नुपर्छ : महासचिव भुसाल

बुटवल, बैशाख ८ । नेकपा एकीकृत समाजवादीका महासचिव एवं पूर्वमन्त्री घनश्याम भुसालले मुलुकलाई उकुसमुकुसबाट बाहिर निकाल्नका लागि नेकपा एकिकृत समाजवादी निर्णायक हुने बताएका छन् । उनले आफूहरु अंकगणितको हिसाबले सानो […]

April 20, 2024
ई स्पोर्ट्सका सरोकारवालासँग अन्तरक्रिया

बैशाख ८ गते ।ई स्पोर्ट्स संघ नेपालले ई स्पोर्ट्सको क्षेत्रमा काम गर्ने सरोकारवाला पक्षसँग शनिबार अन्तरक्रियाकार्यक्रम सम्पन्न गरेको छ । राष्ट्रिय खेलकुद परिषद्मा औपचारिक रुपमा दर्ता भएपछि संघले शनिबारसरोकारवाला सबै […]

April 12, 2024
बाघको आक्रमणबाट दुई जना घाइते

माडी । माडी नगरपालिका वडा नं-१, रिउखोलामा बाघको आक्रमणबाट दुई जना घाइते भएका छन् । भैँसी चराउने क्रममा बाघले आक्रमण गर्दा माडी- १ का ५६ वर्षीय सूर्य महतो र सोही […]

April 12, 2024
प्रवासी बोकेको डुंगा चट्टानमा ठोक्किँदा तीन बालिकाको मृत्यु

एथेन्स– पूर्वी ग्रिसको चिओस टापुमा उद्धारकर्ताहरूले प्रवासीहरू बोकेको डुङ्गा चट्टानमा ठोक्किँदा मृत्यु भएका तीन बालिकाको शव फेला पारेका छन्  । टर्किएबाट करिब २० किलोमिटर टाढा टापुको उत्तरपूर्वमा तटीय गार्डले अन्य […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram