Listen Live: 

चितवन हात्ती महोत्सव : सौराहाका ६० हात्तीलाई एकैठाउँमा बनभोज

Radio Chitwan
शुक्रबार, पुस १३, २०८०

सौराहा,पौष १३- चितवनको पर्यटकीय नगरी सौराहामा जारी ‘चितवन हात्ती तथा पर्यटन महोत्सव’को चौथो दिन शुक्रबार भव्य कार्यक्रमका बीच हात्तीलाई वनभोज खुवाइएको छ ।

सौराहा क्षेत्रमा पालिएका सरकारी तथा निजी हात्तीहरूलाई विभिन्न फलफूलसहित खिर, केक र मनपर्ने घाँस दिएर वनभोज खुवाइएको हो ।

क्षेत्रीय होटल संघ चितवनको आयोजनामा पौष १० गतेदेखि आयोजना गरिएको ‘चितवन हात्ती तथा पर्यटन महोत्सव’मा हात्तीलाई चामल र भेलीको खिर, केकसहित उखु, सख्खर, चना, फर्सी, ड्रागनफ्रुट, स्याउ, केरा, खरबुजालगायतका फलफूल दिइएको संघका अध्यक्ष गंगा गिरीले जानकारी दिए ।

नेपाल सरकारका अर्थमन्त्री डा. रामशरण महतले पुस १० गते उद्घाटन गरेको महोत्सवमा यसअघि हात्ती सुन्दरी प्रतियोगिता र डुंगादौड प्रतियोगिता सम्पन्न भएको छ । जसअनुसार हात्ती सुन्दरी प्रतियोगिताको उपाधि सेल्फीकलीले जितेकी थिइ भने डुंगा दौडमा खैरहनी नगरपालिका प्रथम भएको थियो । महोत्सवमा मैत्रीपूर्ण खेलकुद प्रतियोगितासँगै चितवनमा ‘पर्यटनको सम्भावना र चुनौती’सम्बन्धी अन्तरक्रिया कार्यक्रमसमेत राखिएको छ ।

खस्किएको चितवनको पर्यटनलाई माथि उठाउन स्थानीय सरकार, व्यवसायी र पर्यटन बोर्डले खेल्नुपर्ने भूमिकाको बारेमा छलफल गरी दायित्व बोध गराउन अन्तरक्रिया कार्यक्रम आयोजना गरिएको संघका उपाध्यक्ष तथा महोत्सव मूल समारोह समितिका संयोजक ओमप्रकाश पाण्डेले जानकारी दिए । महोत्सवमा हात्तीको दिनचर्याबारे जानकारी, स्वदेशी तथा विदेशी ट्राभल एजेन्सीहरुसँग विटुवी कार्यक्रम, स्थानीय भेषभूषा तथा कला संस्कृतिको संरक्षण, कलाकारहरूको सांस्कृतिक कार्यक्रम, स्थानीय कृषि उत्पादनको प्रर्वधनात्मक कार्यक्रमलगायतका कार्यक्रम समावेश छन् । महोत्सवमा हरेक दिन राष्ट्रिय तथा स्थानीय कलाकारहरुले सांगेतिक प्रस्तुती दिएका छन् ।

महोत्सव सुरु भएपछि गन्तव्य अबलोकन गर्न आउने स्वादेशी तथा विदेशी पर्यटकको आगमन बृद्धि भएको छ । अंग्रेजी नयाँ बर्षमा यहाँ आएका पर्यटकहरु स्वदेश फर्किने सम्भावनालाई मध्यनजर गरी पर्यटन व्यवसायीहरुले सौराहामा हरेक बर्ष महोत्सव आयोजना गर्दै आएका छन् ।

कोरोनाका कारण तीन बर्ष रोकिएको चितवन हात्ती महोत्सवका गतिविधिलाई केही परिमार्जन गरी फेरी सुरु गरिएको संघका महासचिव गुणराज थपलियाले जानकारी दिए । चालु आर्थिक बर्ष सुरु भएपछि सौराहामा दैनिक एक हजार २०० बढी पर्यटक भित्र्एिको तथ्याङ्क छ ।

कोरोना महामारी पछि सबैभन्दा धेरै विदेशी पर्यटक अहिले आएको संघका अध्यक्ष गिरीले बताए । अहिले सौराहाका होटलहरु भरिभराउ छन् ।

महोत्सवका कारण विदेशी पर्यटकहरुले बसाई लम्ब्याएका छन् भने स्वदेशी पर्यटकहरु दुई रात चार दिन बस्ने गरी सौराहा आएको अध्यक्ष गिरीले बताए ।

आन्य समाचारहरु:-
July 12, 2024
नारायणगढ–मुग्लिनमा खसेको पहिरोले दुई वटा बस बगायो,

चितवन, असार २८- नारायणगढ–मुग्लिन सडक अन्तर्गत भरतपुर महानगरपालिका–२९ सिमलतालमा पहिरो खस्दा दुई वटा यात्रुबहाक बस त्रिशुली नदीमा खसेका छन् । आज बिहान अन्दाजी साढे ३ बजे खसेको लेदोसहितको पहिरोले काठमाडौँ–वीरगञ्ज […]

July 11, 2024
भोजपुरी गीत ‘तोहरा प्यार मे’ यूटुव मार्फत सार्वजनिक

खैरहनी । खैरहनी वडा नं १ बहेरी निवासी किशोर चौधरीले निर्माण गरेको भोजपुरी गित ‘तोहरा प्यार मे’ युटुव मार्फत सार्वजनिक गरिएको छ । पूर्वी चितवनको खैरहनी स्थित म्याङ्गो जनज्योति सिनेमा […]

July 7, 2024
बन्ने भयो गौतमबुद्ध अन्तर्राष्ट्रिय क्रिकेट रंगशाला, निर्माण कम्पनीसंग भयो सम्झौता

चितवन, असार २३– गौतमबुद्ध अन्तर्राष्ट्रिय क्रिकेट रंगशाला निर्माणका लागि भरतपुर महानगरपालिका र निर्माण कम्पनी हिमालयन कालिञ्चोक बीबीआर जेभी सम्झौता भएको छ ।आइतबार महानगर कार्यालयमा महानगरका तर्फबाट प्रमुख प्रशासकीय अधिकृत लक्ष्मीप्रसाद […]

July 7, 2024
हरियाली र सौन्दर्यकालागि रोटरी पुर्बी चितवनले वृक्षारोपण

राप्ती | रोटरी क्लब अफ पुर्बी चितवनले शनिबार विभिन्न जातका फलफूलका बिरुवाहरु रोपेको छ । क्लबको नियमित कार्यक्रम अन्तरर्गत बुद्धशान्ति माध्यमिक बिधालय, राप्ति-२ गड्यौलीको परिषरमा क्लवले वृक्षारोपण गरेको हो । […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram