चितवन – नारायणगढस्थित नारायणी नदी किनारको प्रदर्शनी मैदानमा उद्योग वाणिज्य संघ (उवासंघ) चितवनद्वारा आयोजित १५ औं संस्करणको चितवन महोत्सव जारी छ । महोत्सवमा दिनदिनै सांस्कृतिक कार्यक्रमहरु भइरहेका छन् । स्थानीय […]
उत्पादन बढेसँगै चितवनमा तरकारीको मूल्य घट्यो, काउली किलोको पाँच रुपैयाँ ...
Radio Chitwan
शुक्रबार, मंसिर २२, २०८०
उत्पादन बढेसँगै चितवनमा तरकारीको मूल्य घट्यो, काउली किलोको पाँच रुपैयाँ
चितवन, मंसिर २१-
तरकारीको उत्पादन बढेसँगै चितवनमा तरकारीको मूल्यमा भारी गिरावट आएको छ । सबैको बारीमा तरकारी उत्पादन हुन थालेपछि तिहारपछि चितवनमा तरकारीको मूल्यमा गिरावट आएको हो ।
महानगर फलफूल तथा तरकारी बजारका उपाध्यक्ष रामराज पाण्डेका अनुसार हिउँदमा सबैले घरघरमा तरकारी लगाउने भएकोले पनि मूल्य घटेको छ । अहिले चितवनको वर्षात्को मौसममा क्रेटको १५ सय रुपैयाँसम्म पर्ने धादिङको गोलभेँडाको मूल्य अहिले प्रतिक्रेट ३०० रुपैयाँ छ । यसबाट किसानले गाडी भाडा उठाउन पनि मुस्किल पर्ने उनले बताए ।त्यस्तै काउली पाँचदेखि छ रुपैयाँ, बन्दा प्रतिकिलो २० रुपैयाँ, करेला ३५ रुपैयैयाँ प्रतिकिलो, आलु प्रतिकिलो ३८ रुपैयाँ, हरियो खुर्सानी ७० रुपैयाँ रहेको छ । सुकेको लसुन प्रति केजी २०० रुपैयाँमा बिक्री भइरहेको छ । प्याज भने भारतको बजारकै भर रहेको व्यवसायीहरुले बताएका छन् । अन्य तरकारीको मूल्य पनि बजारमा घटेको छ । बजारमा यतिबेला सबैभन्दा महंगो रामतोरिया किलोको १५० रुपैयाँमा बिक्री भइरहेको छ ।
धेरै उत्पादनबाट तरकारीले बजार नपाएको भन्दै कृषि ज्ञान केन्द्र भरतपुरमा दर्ता भएका कतिपय तरकारी समूहका किसानले तरकारी खेती गर्न नै छाडेका छन् । भरतपुर महानगरपालिका–२५ को जबका कृषक समूह र भरतपुर २७ को प्रगति कृषक समूहका अधिकांश किसानहरुले तरकारी खेती गर्न छाडेको कृषकहरुले बताए । प्रगति कृषक समूहमा आवद्ध किसान केदारनाथ अधिकारीले सबैले घरघरमा निर्वाहको लागि तरकारी खेती गर्न थालेपछि खासै मूल्य नपाउने भएकोले अधिकांश किसानले तरकारी खेती गर्न छाडेको नारायणी अनलाइनलाई बताए ।
उनले भने, ‘ एउटा किसानले तरकारी खेतीबाट केही आम्दानी गर्न थाल्ने बित्तिकै सबै किसानले एउटै तरकारी लगाउने भएकोले पनि उत्पादन बढी हुदा मूल्य घटेको छ । उत्पादन र मागको बीचमा सन्तुलन हुन नसक्दा तरकारी बिक्रीबितरणमा समस्या आयो ।’ माडी नगरपालिका–८ का खेमराज गौतम हरियाली उपभोक्ता कृषक समूहमा आवद्ध छन् । उनीहरुले केही वर्ष पहिलेसम्म तरकारी खेतीलाई निकै प्राथमिकता दिन थालेको भए पनि अहिले मूल्य आउन छाडेपछि व्यवसायिकरुपमा खेती गर्न थालेको बताए ।
आन्य समाचारहरु:-
सकियो खिचरा महोत्सव : एकलाख बढीले गरे अबलोकन
खैरहनी । पूर्वी चितवनको खैरहनी नगरपालिका वडा नं ५ गौचरणमा आयोजना गरिएको १०औं खिचरा महोत्सव सोमबार सकिएको छ । माघी पर्वको अबसर पारेर थारु कल्याणकारिणी सभा चितवन क्षेत्र नं ७ […]
चितवन महोत्सवमा हेल्थी बेवी प्रतियोगिता : विजेता राना मगर बनिन् प्रथम
चितवन, माघ ६ –चितवन महोत्सवका अवसरमा आयोजित हेल्थी बेवी प्रतियोगितामा विजेता राना मगर विजयी भएकी छन् । उद्योग वाणिज्य संघ (उवासंघ) चितवनको सभाहलमा आयोजित प्रतियोगितामा एभरेष्ट प्रि स्कुलकी विजेता राना […]
रत्ननगरमा एचपिभी खाेप सम्बन्धी अभिमुखिकरण
रत्ननगर । रत्ननगर नगरपालिका स्वास्थ्य शाखाको आयोजनामा एचपिभी खोप अभियान–२०८१ अन्तर्गत नगरस्तरीय खोप समन्वय समितिको बैठक तथा सरोकारवालाहरुको लागि अभिमुखीकरण कार्यक्रम गरिएकाे छ । सामाजिक विकास समितिका संयोजक बालकृष्ण चापागाईंको […]
