रत्ननगर । पूर्वी चितवनको रत्ननगरमा बिहीवार आयोजना गरिएको रक्तदान कार्यक्रममा ११५ युनिट रगत संकलन भएको छ । पेवा बचत तथा ऋण सहकारी संस्था लि.को १२औं वार्षिकोत्सवको अवसरमा भएको रक्तदान कार्यक्रममा […]
चितवनमा दसैँको लागि गाडीको अग्रिम टिकट बुकिङ धमाधम हुँदै, गोरखा र बागलुङ जाने यात्रु धेरै
Radio Chitwan
शनिबार, अशोज २७, २०८०
चितवन, असोज २७-
दसैँमा घर फर्किनेलाई लक्षित गर्दै नारायणगढको पोखरा बसपार्कमा असोज २१ गतेबाट गाडीको अग्रिम टिकट बुकिङ सुरु भएको छ ।
पृथ्वी राजमार्ग बस सञ्चालक कम्पनी लिमिटेड, नारायणी यातायात कम्पनी, लमजुङ कालिका, दरौदी यातायात, धौंलागिरी– गण्डकी यातायात प्रालिलगायत विभिन्न यातायात कम्पनीहरुले लामदूरीका र पहाडी ग्रामीण क्षेत्रका बसहरुको अग्रिम बुकिङ गरेका हुन् ।
यसअघि पृथ्वी राजमार्ग बस सञ्चालक कम्पनीले भाडा वृद्धि नभएसम्म अग्रिम टिकट बुकिङ नखुलाउने अडान लिएको थियो ।
पोखरा–मुग्लिन सडक खण्ड, नारायणगढ–बुटवल सडक खण्डको स्तरोन्नतीको काम भइरहेकाले सडक जीर्ण भएको, जीर्ण बाटोमा बस चलाउँदा सवारी साधनको पार्टपुर्जा, इन्जिन, गियर बक्सहरु खराब भई पटक÷पटक मर्मतसम्भार गर्नुपर्ने, पेट्रोलियम पदार्थमा भएको मूल्यवृद्धि, पार्टपुर्जामा भएको वृद्धि, मूल्य वृद्धि लगायतको अनुपातमा यातायात भाडा न्यून भएकाले भाडा समायोजन गर्नुपर्ने अडानमा कम्पनी थियो । तर, दसैँ मुखैमा आएपछि यात्रुहरुको आवश्यकता, मर्म, भावना र सुविधालाई मध्यनजर गर्दै अग्रिम टिकट बुकिङ खुल्ला गरिएको कम्पनीले जनाएको छ ।
विशेष त बागलुङ, बेनी, स्याङ्जा, गोरखाको ग्रामीण क्षेत्रमा अग्रिम बुकिङ हुने गरेको छ । बसपार्कका टिकट काउन्टरका कर्मचारी नारायण कँडेलको अनुसार गोरखा जिल्लाको बारपाक, भच्चेक र आर्खेतमा अग्रिम टिकट बुकिङ भइरहेको छ । लमजुङको विचौर भने बिहान सबेरैबाट जतिवटा गाडी भरिन्छ त्यतीवटा गाडी सञ्चालन हुने गरेको छ ।
गोरखा जिल्लाका विभिन्न ग्रामीण क्षेत्रको लागि टिकट बुकिङ हेरिरहेका बसपार्कका कर्मचारी सचिन श्रेष्ठले अन्य ठाउँहरु भन्दा बारपाक जाने यात्रुहरुले धेरै टिकट बुकिङ गरिरहेको जानकारी दिए । उनले भने, ‘ पहाडी क्षेत्रमा रुटको गाडी छुटेपछि अन्य गाडी भेट्न मुस्किल हुने र रिजर्भ गरेर लैजान महंगो पर्ने भएकोले मानिसहरुले दसैँको लागि अगाडि नै टिकट बुकिङ गर्छन् ।’ उनले फूलपाती र अष्टमीको दिनसम्म चितवनबाट छ्ट्ने गाडी अली भीड हुने बताए ।
नारायणगढको पोखरा बसपार्कबाट गण्डकी प्रदेश, बागमती का विभिन्न जिल्लाहरुमा गरेर सामान्यतया दैनिक ७० वटा गाडी छुट्ने गर्छन् । दसैँको समयमा गाडीको संख्या झण्डै दोब्बर हुने व्यवसायीहरुको अनुमान छ ।
बस कम्पनीहरुले दसैँका लागि गाडी थप्ने योजना रहेको पनि जनाएका छन् । तर यात्रुको आवश्यकता हेरेर गाडी थपिने पोखरा बसपार्कबाट बेनी, बागलुङको टिकट बुकिङ हेरिरहेका रुपेन्द्र अधिकारी ‘साइँला दाई’ ले नारायणी अनलाइनलाई जानकारी दिए । उनले सबैभन्दा धेरै मानिसहरु गोरखा र त्यसपछि बेनी बागलुङ चितवनबाट धेरै मानिसहरु दसै मनाउने जाने गरेको बताए ।
आन्य समाचारहरु:-
बछाैलीमा निशुल्क आँखा शिविर : २५० जनाको परीक्षण गर्दा ३७ जनामा मोतियाविन्दु
चितवन । चितवन रत्ननगर नगरपालिका ७ स्थित बछाैलीमा बुधबार आयोजित निशुल्क आँखा परिक्षण शिविरमा २५० जनाले आँखा परिक्षण गराएका छन् । रत्ननगर ७ मा रहेकाे सौराहा आँखा उपचार केन्द्रमा भएकाे […]
के थाइराइड देखिएपछि सन्तान जन्मिदैन ?
काठमाडौं । पछिल्लो समय नसर्ने रोग थाइराइडको समस्या बढ्दै गएको छ । चिकित्सकका अनुसार पुरुषको दाँजोमा महिलामा थाइराइडको समस्या बढी छ । थाइराइड फेडेरेसन इन्टरनेसलका अनुसार प्रत्येक आठ महिलामध्ये एकले […]
काठमाडौंमा १२ जनामा कोभिड पुष्टि
काठमाडौं– काठमाडौं उपत्यकामा १२ जनामा कोभिड १९ पुष्टि भएको छ । मौसमी फ्लु भनी अनुमान गरिएका उनीहरू उपचारका लागि त्रिवि शिक्षण अस्पताल र शुक्रराज ट्रपिकल तथा सरुवा रोग अस्पतालमा […]
