Listen Live: 

रत्ननगरमा सहकारी र फोहोर व्यवस्थापन सम्बन्धी तीजगीत प्रतियोगिता

Radio Chitwan
शनिबार, भदौ २३, २०८०

रत्ननगर । पूर्वी चितवनको रत्ननगरमा शनिवार आयोजना गरिएको गरिएको तीज गीत प्रतियोगितामा सहकारी विकास र फोहोरमैला व्यवस्थापनको विषयलाई प्राथमिकता दिइएको छ ।

वडा नं १२ मा रहेको शान्तिकुञ्ज सामाजिक उद्यमी महिला सहकारी संस्था र फोहोरमैत्री व्यवस्थापन समिति रत्ननगरले सयुक्त रुपमा उत्पादनमा सहकारी, फोहोरमैला व्यवस्थापनमा हाम्रो जिम्मेवारी विषयक तीज गीत प्रतियोगिता गरेको हो । प्रतियोगितामा सहभागी महिलासमुहहरुले उत्पादनशिल क्षेत्रमा सहकारीले खेल्न सक्ने भूमिका र फोहोर व्यवस्थापनले वाताबरणमा पार्ने सकरात्मक प्रभावका बारेमा सचेतनामुलक गीत प्रस्तुत गरेका थिए ।

प्रतियोगितामा शान्तिकुञ्ज टोल विकास संस्था प्रथम, सुर्यदय टोल विकास संस्था द्धितीय र आर्दश टोल विकास संस्था तृतीय भएको सहकारीकी उपाध्यक्ष दुर्गा बरालले जानकारी दिइन् । १३ वटा समुहको सहभागीता रहेको सो प्रतियोगिताको निर्णायकमा लोकदोहोरी गायक नेत्रजी पन्त, राष्ट्रिय लोकदोहोरी प्रतिष्ठान चितवनका अध्यक्ष कृष्ण भट्टराई, प्रतिष्ठानका पूर्व सदस्य दशरथ सापकोटा रहेका थिए । प्रतियोगितामा प्रथम भएको समुहलाई १५ हजार, द्धितीय भएको समुहलाई १० हजार र तृतीय भएको समुहलाई ५ हजार नगद पुरस्कार प्रदान गरिएको संस्थाकी सचिव सम्झना लामिछानेले जानकारी दिइने ।

संस्थाकी अध्यक्ष निर्मला दंगाल, फोहोरमैला व्यवस्थापन समिति रत्ननगरका संयोजक रघुनाथ भट्ट र सेवा नेपालकी अध्यक्ष तथा सहकारीकी संस्थापक अध्यक्ष पार्वती न्यौपानेले पुरस्कार हस्तान्तरण गरेका थिए । सो अबसरमा संस्थाकी अध्यक्ष दंगालले सहकारीलाई उत्पादनशिल बनाउन र वाताबरण जोगाउन फोहोर व्यवस्थापनको विषयलाई सयुक्त रुपमा तीज गीत मार्फत समाजमा सकरात्मक सन्देश फैलाउन कार्यक्रम आयोजना गरिएको बताइन् ।

कार्यक्रमका प्रमुख अतिथि रत्ननगर वडा नं १२ का वडाध्यक्ष सुन्दरमणि सुवेदीले शान्तिकुञ्ज सहकारीले ग्रामिण क्षेत्रका महिलाहरुलाई उद्यमशिल बनाउन खेलेको भूमिकालाई प्रशंसा गर्दै सहकारीसंग सहकार्य गरेर काम गर्ने प्रतिबद्धता जनाए । फोहोरमैत्री व्यवस्थापन समिति रत्ननगरका संयोजक रघुनाथ भट्टले तीज गीत मार्फत फोहोर व्यवस्थापनबारे समुदायलाई सचेत गराउन कार्यक्रम आयोजना गरिएको बताए ।

कार्यक्रममा रत्ननगर खानेपानी तथा सरसफाई उपभोक्ता संस्थाका अध्यक्ष माधवप्रसाद अर्याल, सेवा नेपालकी अध्यक्ष पार्वती न्यौपाने, पञ्चकन्या माविकी प्रधानाध्यापक अनिता पौडेल लगायतले मन्तव्य राखेका थिए । संस्थाकी अध्यक्ष दंगालको अध्यक्षतामा भएको कार्यक्रममा फोहोरमैत्री व्यवस्थापन समिति रत्ननगरका संयोजक रघुनाथ भट्टले स्वागत मन्तव्य राखेका थिए ।

आन्य समाचारहरु:-
July 15, 2024
नारायणगढ–मुग्लिङ सडकको माथिल्लो भागको पहिरो नियन्त्रणका लागि दीर्घकालीन योजना नहुँदा हरेक वर्ष जनधनको ठुलो क्षति हुने गरेको छ ।

नारायणगढ– दुई लेनको सडकसँगै १९ वटा पुल निर्माणका लागि अर्बौं रुपियाँ खर्च गरिएको नारायणगढ–मुग्लिङ सडकमा पहिरो नियन्त्रणका लागि छिटपुटबाहेक दीर्घकालीन योजना अघि बढ्न सकेको छैन ।यो समाचार गोरखापत्र दैनिकमा छ, […]

July 14, 2024
राप्तीका उपमेयरले गरे मेयरको गाडी तोडफोड गर्नेलाई कारबाहीको माग

राप्ती । चितवनको राप्ती नगरपालिकाका मेयर शमशेर लामा चढेको गाडी तोडफोड गर्ने समुहको पहिचान गरी कारबाही गर्न माग गरिएको छ । सोही नगरपालिकका उपमेयर देवेन्द्र लामाले आइतबार एक विज्ञप्ती जारी […]

July 13, 2024
रत्ननगर खानेपानी उपभोक्ताको संख्या १४ हजार, ९ सय ६५ नयाँ उपभोक्ता थपिए

रत्ननगर । रत्ननगर खानेपानी तथा सरसफाई उपभोक्ता संस्थाको कुल उपभोक्ताको संख्या १४ हजार भन्दा बढी पुगेको छ । एक वर्षको अवधिमा ९ सय ६५ जना नयाँ उपभोक्ता थपिएसँगै उपभोक्ताको संख्या […]

July 12, 2024
शैक्षिक गुणस्तर सुधारका लागि बछाैली माविमा अन्तरक्रिया

साैराहा । रत्ननगर नगरपालिका वडा नं.६ बछाैलीमा रहेकाे बछाैली माविले  विद्यालयमा शैक्षिक  सुधारका लागि अन्तरक्रिया गरेको छ। विद्यालयमा अतिरिक्त कक्षा संचालन गर्न  र शैक्षिक गुणस्तर सुधारका लागि विधालय व्यवस्थापन समितिले […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram