चितवन – नारायणगढस्थित नारायणी नदी किनारको प्रदर्शनी मैदानमा उद्योग वाणिज्य संघ (उवासंघ) चितवनद्वारा आयोजित १५ औं संस्करणको चितवन महोत्सव जारी छ । महोत्सवमा दिनदिनै सांस्कृतिक कार्यक्रमहरु भइरहेका छन् । स्थानीय […]
चेपाङ समुदायले सामूहिक रुपमा मनाए न्वागी पर्व
Radio Chitwan
शनिबार, भदौ २३, २०८०
रत्ननगर । चितवनका चेपाङ समुदायले शुक्रबार सामूहिक रुपमा न्वागी पर्व अर्थात छोनाम पर्व मनाएका छन् । घैया धानको चामलको भात खाएर तथा ढ्याङग्रो ठोकेर आफ्नो परम्परागत विधिका साथ चेपाङ समूदायले यो पर्व मनाएका हुन् । उनीहरुले घर–घरमै पनि यो पर्व मनाएका छन् ।
रत्ननगरमा रहेको गामबेँसीको चेपाङ संरक्षण केन्द्रले न्वागी पर्वको अवसरमा एक विशेष कार्यक्रमको आयोजना गरेको थियो । पछिल्लो समय चेपाङ समुदायका झाँक्री (पान्दे) भेट्नै मुस्किल हुन्छ, तर केन्द्रका सञ्चालक केपिकिरण शर्माले सात जना पान्दे केन्द्रमै ल्याएर चेपाङ बालबालिकाकाबीच पर्व मनाइदिएका हुन् ।
धर्तीको पूजा गर्ने चेपाङहरुले मुख्य पर्वको रुपमा हरेक वर्ष भदौ २२ गतेका दिन न्वागी अर्थात् छोनाम मनाउने गर्दछन् । नयाँ अन्नबाली, फलफूल पाकेपछि विशेष पूजा गर्दै यो पर्व मनाइन्छ ।
यो दिन चेपाङहरुले घैया धानको चामल, पिँडालु, निबुवा आदि फलफूलले भूमिलाई पूजा गरी पितृलाई खुवाउने गर्दछन् । केन्द्रमा भेटिएका सो समुदायका झाक्री राप्ती वडा नं १२ वाकराङका अमृतलाल चेपाङले घैया धानको चामलको भात तथा अन्य मीठोमसिनो खाएर पर्व मनाउँदै आएको बताए ।
‘आफूले उब्जाएको नयाँ अन्नबालीलाई पूजा गरेर यो पर्व मनाउँछौँ’ उनले भने, ‘न्वागीमा अन्नको पूजा गरेपछि मात्र त्यो अन्नलाई अरु दिनमा खाने चलन छ ।’ झाँक्रीहरुले अनिकाल नलागोस् भनेर ढ्याङ्ग्रो ठोकेर धर्तीको पूजा गर्ने गरेको उनले बताए ।
‘सक्नेले माछामासुसमेत खान्छन् उनले भने ‘नसक्नेले घैया धानको चामलको भात खाएर पर्व मनाउँछन् ।’ न्वागीले आपसी भातृत्व र मित्रतालाई बलियो बनाउने उनले बताए । यस पर्वमा चेपाङहरुले छरछिमेकी, नाताकुटुम्ब निम्तो गरेर कसैले आफ्नै घरमा र सामूहिकरुपमा भोज खाने, नाचगान गर्ने र सुख दुःख साट्ने गर्छन् ।
पछिल्लो समयमा धर्म परिवर्तनको लहर चेपाङहरुमा व्यापक बढ्दै गएको छ । केन्द्रका अध्यक्ष शर्माले ७० प्रतिशत चेपाङ समुदायले धर्मपरिर्वतन गरेको भन्दै चिन्ता व्यक्त गरे । ‘चेपाङ डाँडामा विद्यालयको भवन भन्दा चर्चका भवन बढी देखिन थालेका छन्’, उनले भने, ‘धर्मपरिर्वतनले चेपाङको संस्कृति मासिँदै गएको छ ।’
केन्द्रमा आश्रित १४० जना बालबालिकालाई आफ्नो समुदायको धर्म, संस्कृति र चाडपर्वको बारेमा जानकारी गराउन केन्द्रमै न्वागी पर्व मनाएको अध्यक्ष शर्माले बताए ।
औपचारिक कार्यक्रममा साहित्यकार सरिता तिवारी, रत्ननगर नगरपालिकाका कार्यपालिका सदस्य राजेन्द्र हमाल, व्यवसायी रुपेश दर्नाललगायतको सहभागिता रहेको थियो ।
नेपालमा मकवानपुर, धादिङ, चितवनलगायत २६ जिल्लामा चेपाङहरुको बसोवास रहेको छ । नेपालमा चेपाङ समुदायको जनसंख्या ८४ हजार ३६६ छ ।
आन्य समाचारहरु:-
सकियो खिचरा महोत्सव : एकलाख बढीले गरे अबलोकन
खैरहनी । पूर्वी चितवनको खैरहनी नगरपालिका वडा नं ५ गौचरणमा आयोजना गरिएको १०औं खिचरा महोत्सव सोमबार सकिएको छ । माघी पर्वको अबसर पारेर थारु कल्याणकारिणी सभा चितवन क्षेत्र नं ७ […]
चितवन महोत्सवमा हेल्थी बेवी प्रतियोगिता : विजेता राना मगर बनिन् प्रथम
चितवन, माघ ६ –चितवन महोत्सवका अवसरमा आयोजित हेल्थी बेवी प्रतियोगितामा विजेता राना मगर विजयी भएकी छन् । उद्योग वाणिज्य संघ (उवासंघ) चितवनको सभाहलमा आयोजित प्रतियोगितामा एभरेष्ट प्रि स्कुलकी विजेता राना […]
रत्ननगरमा एचपिभी खाेप सम्बन्धी अभिमुखिकरण
रत्ननगर । रत्ननगर नगरपालिका स्वास्थ्य शाखाको आयोजनामा एचपिभी खोप अभियान–२०८१ अन्तर्गत नगरस्तरीय खोप समन्वय समितिको बैठक तथा सरोकारवालाहरुको लागि अभिमुखीकरण कार्यक्रम गरिएकाे छ । सामाजिक विकास समितिका संयोजक बालकृष्ण चापागाईंको […]
