Listen Live: 

‘स्वचालित मूल्य प्रणाली लागू भएका कारण अहिले छिटै भाउ घट्ने भन्ने छैन’

Radio Chitwan
शुक्रबार, भदौ १५, २०८०

सरकारले असार ३१ गते पेट्रोलियम पदार्थ तथा ग्यासको स्वचालित मूल्य प्रणाली कार्यविधि २०८० लागू गरेपछि अन्तर्राष्ट्रिय बजारमा बढेर आउँदा बढ्ने र घटेर आउँदा घट्ने व्यवस्था गरेका छौँ । त्यसैअनुसार अघिल्लाे पटक डिजल, पेट्रोलमा बढेर आउँदा बढाएका थियौँ भने ग्यासमा घटेर आएको थियो । त्यस बेलामा हामीले ग्यासमा एक सय ३० रुपैयाँ घटाएका थियौँ ।

अहिले पनि अन्तर्राष्ट्रिय बजारमा कच्चा तेलको मूल्य बढ्ने क्रममा छ । हामीले पेट्रोलियम पदार्थ खरिद गर्ने इन्डियन आयल कर्पोरेशन (आईओसी) ले महिनाको दुई पटक मूल्यसूची पठाउने गर्छ । हरेक महिनाको १ तारिखमा सबै पेट्रोलियम पदार्थको तथा १५ तारिखमा डिजल र पेट्रोलको मूल्यसूची पठाउने गरेकाे छ । यस पटक पेट्रोलमा तीन रुपैयाँ १७ पैसा र डिजलमा दुई रुपैयाँ ४८ पैसा बढेर आएको छ । त्यस्तै ग्यासमा एक सय ८६ रुपैयाँ ४५ पैसा बढेर आएको छ । बढेर आएको मूल्यमा मूल्य अभिवृद्धि कर, ढुवानी र भन्सार शुल्क पनि जोडिन्छ । मूल्य समायाेजन गर्दा पेट्रोलमा चार रुपैयाँ, डिजलमा तीन रुपैयाँ र ग्यासमा दुई सय ३५ रुपैयाँ हुन पुग्यो । अहिले यो कार्यविधि लागू भएपछि निगमले पेट्रोलमा दुई दशमलव पाँच प्रतिशत, डिजलमा दुई प्रतिशत र ग्यासमा नाफा, घाटा बराबर हुने स्थिति आएको छ ।

यसभन्दा अघि हामीले ग्यासमा एक सय ३० रुपैयाँ घटाएका थियौँ । त्यस बेलामा पनि एक सय १० रुपैयाँ घटेर आएको थियो । र त्यसमा पर्ने मूल्य अभिवृद्धि कर, बीमा र भन्सारको प्रभावका कारण हामीले एक सय ३० रुपैयाँ घटाएका थियौँ । अहिले एक सय ८६ रुपैयाँ बढेर आउँदा कार्यविधिमा भएअनुसार नै मूल्य अभिवृद्धि कर, बीमा र भन्सारबापतको रकम जोड्दा दुई सय ३५ रुपैयाँ हुन पुगेको हो ।

निगमले बढी नाफा लियो भन्ने चर्चा हुने गरेकाे छ । तर अहिले पनि हामीले नेपाल सरकारले ऋणबापत उपलब्ध गराएकाे झन्डै साढे तीन अर्ब रुपैयाँ तिर्न बाँकी नै छ । मूल्य स्थिरीकरण कोषको झन्डै २२ अर्ब रुपैयाँ तिर्न बाँकी छ । यत्रो दायित्व हुँदाहुँदै पनि हामीले लागू गरेकाे स्वचालित मूल्य प्रणालीकाे लाभ उपभोक्ताले नै पाउने हो । मूल्य घटेर आउँदा भाउ घट्ने नै हो । जुन यसअघिको अभ्यासले देखाइसकेको छ । बढेर आउँदा पनि यस कारणले भाउ बढ्ने नै हो ।

हाम्रो देशमा पेट्राेलियम पदार्थ उत्पादन नहुने कारणले सबै आयात नै गरेर ल्याउनुपर्ने वस्तु भएको हुँदा आयात मूल्यभन्दा कम मूल्यमा बिक्री/वितरण गर्दा यसकाे असर देशलाई नै पर्न जान्छ । अहिले पनि सरकारको नीति विद्युतीय ऊर्जालाई प्रोत्साहन गर्ने भन्ने नै छ । ग्यासको साटो विद्युतीय ऊर्जाको प्रयोग गर्दा हाम्रो आन्तरिक विद्युत् खपत पनि बढ्ने र ग्यासको उपयोग पनि क्रमशः घटाउँदै लैजाने नीति पनि हामीले लिनुपर्ने हुन्छ ।

पछिल्लो दुई महिना डेढ अर्ब रुपैयाँ नाफा भनिएको छ, त्यो पैसा हामीले सरकारलाई नै तिर्ने हो । आयल निगम २०७८/७९ मा ४९ अर्ब रुपैयाँले घाटामा गएको संस्था हो । हाम्रो सञ्चित नोक्सानी अझै पनि बाँकी छ ।

स्वचालित मूल्य प्रणाली कार्यविधि सरकारद्वारा नै पास भएको हुँदा सरकारसँग समन्वय नभएको भन्न मिलेन । कार्यविधि पास भइसकेपछि कार्यविधि लागू गर्नुपर्ने हाम्रो पनि दायित्व हो । अब भाउ घट्छ कि घट्दैन भन्ने कुरा अब १५ दिनमा मूल्य के भएर आउँछ त्यसमा भर पर्छ । अन्तर्राष्ट्रिय बजारमा उत्पादन हुने कच्चा तेलको मूल्य र कच्चा पदार्थ प्रशोधन गर्न भारतले लगाउने शुल्क जोडेर आईओसीले हामीलाई १५/१५ दिनमा मूल्य पठाउने गर्छ, यसरी नेपालमा पेट्राेलियम पदार्थकाे मूल्य निर्धारण हुन्छ । उताबाट बढेर आउँदा बढाउने र घटेर आउँदा घटाउने गरेका छौँ ।

अन्तर्राष्ट्रिय बजारमा पेट्राेलियम पदार्थकाे मूल्य के हुन्छ भन्ने कुरा सबैले खुलारूपमा नै हेर्न सक्ने कुरा हो । यस कारण अन्तर्राष्ट्रिय मूल्य र त्यसमा प्रशोधन गर्न लगाउने मूल्यपछि आईओसीले जुन मूल्य निर्धारण गर्छ, त्यसअनुसार नै मूल्य तोकिने हो । यस कारण अहिले नै मूल्य घट्छ वा घट्दैन भनेर भन्न सकिँदैन ।

आन्य समाचारहरु:-
February 25, 2024
आजदेखि २४ जिल्लामा दादुरा–रुबेला खोप अभियान

फागुन १३ । दादुरा–रुबेला खोप अभियान आजदेखि सुरु भएको छ । स्वास्थ्य तथा जनसङ्ख्या मन्त्रालयले आज देखि चैत्र ७ गतेसम्म सो खोप अभियान सञ्चालन गरेको हो । राष्ट्रिय खोप कार्यक्रम […]

February 25, 2024
नारायणगढ-मुग्लिन सडक आजदेखि बन्द नहुने

भरतपुर,फागुन १३- तुइन खोलामा पुल बनाउनका लागि पहाड काट्न सुरू भएपछि दिउँसो चार घण्टा दैनिक बन्द हुँदै आएको नारायणगढ–मुग्लिन सडक आजदेखि बन्द नहुने भएको छ । नागढुङ्गा–मुग्लिन सडक आयोजना पश्चिम […]

February 24, 2024
भरतपुर भ्रमण बर्षको तयारी तीब्रः प्रधानमन्त्रीले उद्घाटन गर्ने,सातै प्रदेशका मुख्यमन्त्रीलाई आमन्त्रण

भरतपुर,फागुन १२- भरतपुर महानगरपालिकाको आयोजनामा हुन लागेको भरतपुर भ्रमण बर्ष २०२४ को उद्घाटनको दिन नजिकिँदै गर्दा तयारी तीव्र पारिएको छ। भरतपुर महानगरका जनप्रतिनिधि ,कर्मचारीहरु र बिभिन्न समितिले भ्रमण बर्षको उद्घाटनका […]

February 24, 2024
प्रधानमन्त्रीद्वारा देशकै लामाे झाेलुङ्गे पुलकाे उद्घाटन

धनुषा – प्रधानमन्त्री पुष्पकमल दाहाल ‘प्रचण्ड’ ले कमला नदीमा निर्माण भएको देशकै लामो झोलुङ्गे पुलको उद्घाटन गर्नुभएको छ । सिरहाको सिरहा नगरपालिका–१३ मल्हनिया र धनुषाको जनकनन्दिनी गाउँपालिका–६ कठाल जोड्ने एक […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram