काठमाडौं, असोज ९ सर्वोच्च अदालतले सरकारसँग ललिता निवास जग्गा प्रकरणमा पूर्वप्रधानमन्त्रीद्वय माधवकुमार नेपाल र डा. बाबुराम भट्टराई र पूर्वमुख्यसचिव लिलामणि पोखरेललाई मुद्दा नचलाउनुको कारण माग गरेको छ । मंगलबार न्यायाधीश […]
नारायणगढ–बुटवल सडकखण्डको हिलाम्ये सडकमा सकसपूर्ण यात्रा

नवलपुर, भदौ १२-
विस्तारका क्रममा रहेको पूर्वपश्चिम राजमार्गअन्तर्गतको नारायणगढ-बुटवल सडकखण्डको यात्रा बर्खाको समयमा निकै सकसपूर्ण हुँदै आएको छ । यसखण्डको सडकमा बनेका ठूला–ठूला खाल्डाका कारण गन्तव्यसम्म पुग्दा ढिलो तथा यात्रा निकै नै कठिन हुने गरेको नियमित हिँड्डुल गर्ने यात्रुहरु बताउँछन् ।
कावासोतीको थकालीचोकमा व्यवसायी माधव सुवेदी यहाँबाट नारायणगढ पुग्न करिब दुई घण्टा लाग्ने गरेको गुनासो गर्नुहुन्छ । “दूरीको हिसाबले जम्मा ३० किलोमिटर छ, कावासोतीबाट मोटरसाइकल लिएर नारायणगढ पुग्दा दुई घण्टा लाग्छ”, उहाँ भन्नुुहुन्छ, “सडकमा ठूल्ठूला खाल्डा बनेका छन्, पानी परेको बेलामा खाल्डा नदेख्दा बाइक ती खाल्डोमा पर्छ ।”
बर्खाको समयमा सडकमा बनेका खाल्डाखुल्डी नपुरिदिँदा साना सवारीसाधनलाई यस सडकमा आवतजावत गर्नै समस्या हुने गरेको व्यवसायी सुवेदी बताउनुहुन्छ । “पसलको सामान लिन नारायणगढ पुग्यो, उहाँ पुग्दा पूरै हिलैहिलो भइन्छ”, उहाँ भन्नुहुन्छ, “आफ्नै सवारीसाधनमा जाँदा त दुई घण्टा लाग्छ, यस मार्गमा चल्ने बसमा नारायणगढ पुगेर आउँदा पूरै दिन लाग्छ ।”
बिग्रिएको सडकका कारण साना सवारीसाधन तथा चालकसहित ठूला सवारीसाधनलाई समेत उस्तै सास्ती खेप्नुपरेको छ । नारायणगढ–नेपालगञ्ज मार्गमा चल्ने यात्रुवाहक बसका सञ्चालक यदुनाथ खरेल यो बाटोमा नयाँ गाडी हालेको एक वर्षमै पुरानो भएको गुनासो गर्नुहुन्छ । “सडकको अवस्था खराब छ, यात्रुलाई समयमै गन्तव्यमा पु¥याउन नसक्नु अर्को पीडा छ”, उहाँ अगाडि थप्नुहन्छ, “त्यसमाथि एक–दुईपटक अपनडाउन गरेपछि बस पत्रु हुन्छ र सर्भिसिङ गर्नुपर्ने अवस्था आउँछ ।”
सडकका खाल्डाखुल्डीका कारण पार्टपुर्जा बिग्रिने र भाँचिने समस्या समेत आउने गरेको सञ्चालक खरेलको भनाइ छ । “सडकमा जमेको पानीका कारण खाल्डोमा गाडी पर्दा बडी (बसको तल्लो भाग) ठोक्किन्छ, त्यो बेलामा मनै चसक्क हुन्छ”, उहाँ भन्नुहुन्छ, “लाखौँ रुपैयाँ खर्चेर किनेको गाडी ढुङ्गामा ठोक्किँदा असाध्यै पीडा हुन्छ । गाडी नचलाएर पनि भएन ।”
“नारायणगढबाट बुटवलसम्मको एक सय १३ किलोमिटर सडक पार गर्न बर्खाको समयमा सात घण्टासम्म लाग्छ । सडक निर्माण गर्नुपर्ने अवस्थामा पुगे पनि खाल्डाखुल्डी पुरिदिए मात्र हामीलाई धेरै सहज हुने थियो”, सञ्चालक खरेल भन्नुहुन्छ, “यो सडकमा केही किलोमिटर मात्रै कालोपत्र देख्न सकिन्छ, बाँकी सबै खाल्डाखुल्डीमा यात्रा गर्नुपर्छ । सडक निर्माणमा ढिलाइ भएका कारण बस व्यवसायी तथा यात्रुहरुले निकै सास्ती भोग्नु परेको छ । ” सडक विस्तारको काम सुरु गर्नुअघिसम्म नारायणगढबाट बुटवल पुग्न जम्मा दुई घण्टा लाग्ने गरेको बस चालकहरु बताउँछन् । पछिल्लो दस वर्षदेखि यस सडकमा गाडी चलाउँदै आउनुभएका वीरबहादुर महतोले पहिले दैनिक तीन पटकसम्म गाडी चलाउने गरेकामा अहिले एकपटक आउन र जान पनि ढिला हुने गरेको बताउनहुन्छ ।पाँच वर्ष अगाडिदेखि सुरु भएको सडकको दुरावस्था अझै समाधान नभएको उहाँको भनाइ छ ।
काठमाडौं,असोज ९- चिकित्सक तथा स्वास्थ्यकर्मीहरुमाथि आक्रमणमा संलग्नहरुमाथि स्वास्थ्यकर्मी तथा स्वास्थ्य संस्थाको सुरक्षासम्बन्धी ऐन २०६६ अनुसार कारबाही गर्ने सहमति भएको छ । मणिपाल शिक्षण अस्पताल, पोखरा लगायतका स्थानमा स्वास्थ्यकर्मीमाथि आक्रमण भएपछि […]
चितवन असोज ८- चितवन राष्ट्रिय निकुञ्जबाट दुई वटा गैँडा पुष्पा र अञ्जली मङ्गलबार कोशी टप्पु वन्यजन्तु आरक्षमा पठाइने भएको छ । गैँडा नभएको कोशीमा पुष्पा र अञ्जली मात्रै हुनेछन् । […]
काठमाडौं,असोज ८- नेपाली कांग्रेसका केन्द्रीय सदस्य अर्जुननरसिंह केसीले नेताहरू पार्टी कब्जा गर्न खोजिरहँदा जनता भने अर्कैको कब्जामा गइसकेको बताएका छन्। सोमबार सानेपामा बसेको केन्द्रीय कार्यसमितिको बैठकमा बोल्ने क्रममा केसीले अहिलेको […]