Listen Live: 

पत्रमा शाहुलाई सुझाव दिँदै चोरेको ९ तोलामध्ये ४ तोला सुन ‘कुकर बम’ मा राखेर फिर्ता

Radio Chitwan
शुक्रबार, चैत्र ११, २०७८

धनगढी,११चैत । कैलालीको गोदावरी नगरपालिका १ अत्तरियास्थित नवीन शाहुको घर अगाडि गएको मङ्गलबार बिहानै प्लास्टिकको थैलो प्रेसर कुकर भेटियो । बाहिर लेखिएको थियो ‘खतरा’ । बम भएको भन्दै टोलमा एकाएक त्रास फैलियो ।
स्थानीयले प्रहरीलाई खबर गरे । उक्त प्रेसर कुकर फेला परेपछि नेपाली सेनाको बम डिस्पोजल टोली बोलाइयो ।

नेपाली सेनाको टोलीले डिस्पोज गरेर हेर्दा त्यस भित्र सुनका गहना र केही नगद भेटिएको इलाका प्रहरी कार्यालय मालाखेतीका प्रमुख प्रहरी नायब उपरीक्षक नवराज पोखरेलले बताए । उनका अनुसार जम्मा चार तोला सुन फेला परेको थियो ।
त्योसँगै कुकरमा एउटा पत्र समेत फेला पर्‍यो । पत्रअनुसार त्यो भेटिएको सुन र नगद घरधनी नवीन शाहुको थियो । प्रहरीका अनुसार शाहुको करिब ९ तोला सुन र नगद १ लाख रुपैयाँ गएको मंसिर १४ घरबाट चोरी भएको थियो । घरमा कोही नभएका बेला राति ताला फोडेर घरमा चोरी भएको त्यसअघि शाहुले प्रहरीमा दिएको निवेदनमा उल्लेख छ ।


प्रेसरमा राखिएको सुन र नगद पनि उनकै भएको इलाका प्रहरी कार्यालय मालाखेतीका प्रहरी नायब उपरीक्षक नवराज पोखरेलले बताए । प्रेसर कुकरमा भेटिएको पत्रमा शाहुलाई सुझावसमेत दिइएको छ । प्रहरीका अनुसार पत्रमा शाहुलाई सबैको मान मर्यादा राख्न र समाजमा मिलेर बस्न सुझाव दिइएको छ । शाहुले इलाका प्रहरीमा उजुरी दिएका छन् । प्रहरीले यस विषयमा अनुसन्धान गरिरहेको जनाएको छ ।

आन्य समाचारहरु:-
January 27, 2024
सौराहा दक्षिण एशियाली चलचित्र महोत्सवकाे तयारी तीब्र, १८ गते उद्घाटन

रत्ननगर । चितवनकाे पर्यटकीय नगरी साैराहामा यही माघ १८ गतेबाट सुरु हुने सौराहा दक्षिण एशियाली चलचित्र महोत्सवकाे तयारी तीब्र पारिएकाे छ । क्याराभान नेपालकाे आयाेजनामा रत्ननगर वडा नंं ७ चित्रसारी […]

January 9, 2024
रत्ननगर महोत्सव : खगेरी खोलामा मोटरबोटको मज्जा

रत्ननगगर । पूर्वी चितवनको रत्ननगर नगरपालिका स्थित टिकौलीचौरमा यही पौष २६ गतेबाट सुरु हुने रत्ननगर महोत्सवको अबलोकनकर्ता खगरी खोलामा मोटरबोटको मज्जा लिन पाउने भएका छन् । नयाँ पर्यटकीय स्थलको पहिचान […]

December 31, 2023
दुरा सेवा समाज भरतपुर चितवनले मनायो म्हैप्रुनकुमा (खाजा खाने)पर्व

चितवन,भरतपुर पौष १५ दुरा सेवा समाज भरतपुर चितवन ले म्हैप्रुनकुमा (खाजा खाने)पर्वको अवसर पारेर शुभकामना आदनप्रदान कार्यक्रम सम्पन्न गरेको छ । भरतपुर महानगरपालिका वार्ड नं ७ विणी चोक मा रहेको […]

December 25, 2023

श्री भीमोदय नमुना माध्यमिक विद्यालय,  कालिका न.पा.-५, पदमपुर, चितवनको विद्यालय स्थापनाको ५३ औं वर्षको पुनीत अवसरमा आयोजित स्वर्ण महोत्सव को यहि पौष ०६ गते देखि १३ गते सम्म हुने कार्यक्रम […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram