चितवन – नारायणगढस्थित नारायणी नदी किनारको प्रदर्शनी मैदानमा उद्योग वाणिज्य संघ (उवासंघ) चितवनद्वारा आयोजित १५ औं संस्करणको चितवन महोत्सव जारी छ । महोत्सवमा दिनदिनै सांस्कृतिक कार्यक्रमहरु भइरहेका छन् । स्थानीय […]
काठमाडौं उपत्यकामा बाढी-पहिरोमा फसेका १७ जनाको उद्धार
Radio Chitwan
मङ्लबार, साउन २३, २०८०
काठमाडौं, साउन २३-
काठमाडौं उपत्यकामा विभिन्न ठाउँमा बाढी र पहिरोमा फसेका १७ जनाको उद्धार भएको छ। सोमबार रातिदेखि परेको अविरल वर्षाका कारण उपत्यकाका विभिन्न ठाउँमा बाढी पसेको छ। कतिपय ठाउँमा पहिरोले संरचनाहरूमा समेत क्षति पुगेको छ।
काठमाडौं उपत्यकाका विभिन्न ठाउँमा बाढी तथा पहिरोमा फसेका १७ जनाको उद्धार गरिएको काठमाडौं उपत्यका प्रहरी कार्यालय रानीपोखरीका प्रवक्ता एवं एसएसपी दिनेशराज मैनालीले जानकारी दिए।
कागेश्वरी मनोहरा नगरपालिका-७ मा पहिरोका कारण टहरा भत्किएको छ। टहरा भत्किँदा १६ वर्षीया किशोरी घाइते भएकी छन्।
उनको उद्धार गरी केएमसी अस्पतालमा लगिएको छ। त्यस्तै काठमाडौंको मूलपानी पिपलबोटमा अलपत्र परेका एक जनाको उद्धार गरिएको एसएसपी मैनालीले बताए।
मूलपानीबाट बोडे जाने बाटोमा अलपत्र परेका अर्का एक जना व्यक्तिको पनि उद्धार गरिएको उनले बताए। बागमती किनारको सुन्दरीघाट सुकुम्बासी बस्तीबाट ११ जनाको उद्धार गरिएको कार्यालयले जनाएको छ।
त्यसैगरी त्रिपुरेश्वरमा टहरामा बसेका दुई जनाको पनि उद्धार भएको छ। जसमध्ये एक जना घाइते हुँदा ट्रमा सेन्टरमा पठाइएको छ। ललितपुरको सानेपास्थित कालोपुलमुनि जेसिबी डुबानमा परेको छ। जेसिबीका चालकको पनि प्रहरीले उद्धार गरेको छ।
भक्तपुरको हनुमन्ते खोला राममन्दिर नजिकै पनि तीन जना पानीमा फसेका छन्। उनीहरूको उद्धार जारी रहेको एसएसपी मैनालीले बताए। चाँगुनारायण-१ दुवाकोटमा पहिरो जाँदा जस्ताको टहरा भत्किएको छ।
आन्य समाचारहरु:-
सकियो खिचरा महोत्सव : एकलाख बढीले गरे अबलोकन
खैरहनी । पूर्वी चितवनको खैरहनी नगरपालिका वडा नं ५ गौचरणमा आयोजना गरिएको १०औं खिचरा महोत्सव सोमबार सकिएको छ । माघी पर्वको अबसर पारेर थारु कल्याणकारिणी सभा चितवन क्षेत्र नं ७ […]
चितवन महोत्सवमा हेल्थी बेवी प्रतियोगिता : विजेता राना मगर बनिन् प्रथम
चितवन, माघ ६ –चितवन महोत्सवका अवसरमा आयोजित हेल्थी बेवी प्रतियोगितामा विजेता राना मगर विजयी भएकी छन् । उद्योग वाणिज्य संघ (उवासंघ) चितवनको सभाहलमा आयोजित प्रतियोगितामा एभरेष्ट प्रि स्कुलकी विजेता राना […]
रत्ननगरमा एचपिभी खाेप सम्बन्धी अभिमुखिकरण
रत्ननगर । रत्ननगर नगरपालिका स्वास्थ्य शाखाको आयोजनामा एचपिभी खोप अभियान–२०८१ अन्तर्गत नगरस्तरीय खोप समन्वय समितिको बैठक तथा सरोकारवालाहरुको लागि अभिमुखीकरण कार्यक्रम गरिएकाे छ । सामाजिक विकास समितिका संयोजक बालकृष्ण चापागाईंको […]
