चितवन, माघ ४ –१५ औं संस्करणको चितवन महोत्सव २०८१ को नवौं दिनसम्म आइपुग्दा ३ लाख ५० हजारले अवलोकन गरेका छन् । उद्योग वाणिज्य संघ (उवासंघ) चितवनको आयोजनामा नारायणगढस्थित नारायणी नदी […]
रत्ननगर र बछौली खानेपानी उपभोक्ता संस्था समायोजन
Radio Chitwan
सोमवार, साउन १, २०८०
रत्ननगर । रत्ननगर खानेपानी तथा सरसफाई उपभोक्ता संस्था र बछाीली खानेपानी तथा उपभोक्ता संस्था खानेपानी एकअर्कामा समायोजन गरिएको छ ।
लामो समय देखि सञ्चालनमा रहेको रत्ननगर खानेपानीमा केही बर्ष अघि मात्र सञ्चालनमा आएको बछौली खानेपानी समायोजन गरिएको हो । रत्ननगर खानेपानीले आइतबार पत्रकार सम्मेलन गरी एउटै उद्देश्य बोकेका दुई वटा संस्थाको प्रभावकारी सञ्चालनको लागि समायोजन गरिएको जनाएको छ । दुई संस्था बीच एकीकरण भएपछि उपभोक्ताको संख्या १२ हजार ७८० पुगेको छ ।
समायोजन पूर्व रत्ननगर खानेपानीको उपभोक्ता संख्या १२ हजार १० र बछौली खानेपानीका उपभोक्ताहरुको संख्या ७७० रहेको थियो । रत्ननगर खानेपानीले रत्ननरको वडा नं १,२,३,४,५,८,९,१०,११,१२,१३ र बछौली खानेपानीले वडा नं ६ र ७ का उपभोक्तालाई पानी वितरण गर्दै आएको थियो । समायोजन पछि रत्ननगर खानेपानीको संस्थागत घारा १५८, सामुिहक धारा २५६, विपन्न बर्गको धारा ८५५ र निजी घारा ११ हजार ५११ गरि उपभोक्ताको संख्या १२ हजार ७८० पुगेको अध्यक्ष माधवप्रसाद अर्यालले जानकारी दिए । उनले आफू निर्वाचित भएर आएको एक बर्षमा दुई संस्था बीच एकीकरण, धारा जडानमा २५ प्रतिशत छुट, पाईपलाइन विस्तार, उपभोक्ता संख्या वृद्धि र पानी सुरक्षाको लागि अर्थपूर्ण काम गरिएको बताए ।
१० महिनाको अबधिमा एक हजार ५० उपभोक्ता थप तथा ७९ किलोमिटर पाइपलाईन विस्तार गर्न सफल भएको बढाउन सफल भएको अध्यक्ष अर्यालले जानकारी दिए । दुई संस्था एकीकरण भएपछि बछौलीका उपभोक्तालाई सहज रुपमा खानेपानीको व्यवस्था गर्न ट्याङ्की मर्मत, पाईपलाइन विस्तारमा ध्यान केन्द्रीत गरिएको अध्यक्ष अर्यालले जानकारी दिए । सेवा क्षेत्र भित्रका ८१ प्रतिशत घरधुरीमा खानेपानी पु–याएका छौैं उनले भने बाँकी १९ प्रतिशत घरधुरीमा पानी पु–याउन पाइपलाइन विस्तार र छुट प्याकेज कार्यक्रम ल्याइएको उनले बताए ।
२०५८ सालमा सरकारको ५० प्रतिशत र उपभोक्ताको ५० प्रतिशत लगानीबाट सुरु भएको सो आयोजना २०७३ सालमा सरकारको ७० प्रतिशत र उपभोक्ताको ३० प्रतिशतको मर्मत सम्भार योजना सम्पन्न गरी २०७५ सालमा सोही अनुसारको सह लगानीमा निर्माण कार्य सम्पन्न भएको थियो । सो खानेपानीले दसैंमा सबै उपभोक्तालाई एक महिनाको महसुल छुटसंगै अतिविपन्न, अपाङ्ग, एकल महिला र पुरुषहरुलाई धारा जडानमा ५० प्रतिशत र विषेश अफर सहित अन्य उपभोक्तालाई २५ प्रशित सम्म छुट दिँदै आएको उपाध्यक्ष कृष्णप्रसाद सापकोटाले जानकारी दिए ।
अहिले सम्म साविकको रत्ननगरमा ४२४ किलोमिटर र बछौलीमा ५४ किलोमिटर गरी ४७५ किलोमिटर पाइपलाइन विस्तार गरिएको छ । सो संस्थाले बैंकहरुसंगको सहकार्यमा बजारक्षेत्रका शान्तिकचोक, टाँडीचोक, सौराहाचोक, निपनीचोक र भानुचोकमा सार्वजनिक धारा सञ्चालनमा ल्याएको सचिव प्रताप डल्लाकोटीले जानकारी दिए । सो संस्थाले पानीको महसुल बापत मासिक करिब ३९ लाख ५० हजार सम्म आम्दानी गर्दै आएको छ ।
संस्थाले गरेको आम्दानीबाट कर्मचारीलाई मासिक तलबसंगै आयोजनाको मर्मत तथा सरसफाईको क्षेत्रमा समेत खर्च गर्दै आएको कोषाध्यक्ष सरस्वती लामाले जानकारी दिइन् । वडा नं १ देखि १३ सम्ममा १५ हजार ८०९ घरधुरी मध्ये १२ हजार ७८० घरधुरीमा खानेपानी पुगेको र बाँकी रहेका ३ हजार २९ घरधुरीमा एक घर एक धाराको लक्ष्य अनुसार कार्य भइरहेको उनले जानकारी दिइन् ।
पत्रकार सम्मेलनमा कार्यसमितिका सदस्य मीना श्रेष्ठ, लक्ष्मी कुमारी भट्ट लामिछाने, केशवनारायण श्रेष्ठ, शशीकला प्रधान,इश्वर खनाल तथा लेखा समिति संयोजक जीवनलाल श्रेष्ठ,सदस्य पार्वती घिमिरे लगायतको सहभागिता रहेको थियो । यसैबीच सो संस्थाले साउन ६ गते मुटुरोग सम्बन्धी निःशुल्क स्वास्थ्य शिविर आयोजना गर्ने जनाएको छ । पत्रकार सम्मेलनमा उपभोक्ताहरुको स्वास्थ्य सुरक्षाको लागि सो शिविर आयोजना गरिएको अध्यक्ष माधवप्रसाद अर्यालले जानकारी दिए ।
आन्य समाचारहरु:-
चितवन महोत्सवमा भोलि भुवन प्यासी र समिक्षा अधिकारीको प्रस्तुती,साथै अन्न्य कार्यक्रम
चितवन, माघ २ –उद्योग वाणिज्य संघ (उवासंघ) चितवनद्वारा नारायणगढस्थित नारायणी नदी किनारको प्रदर्शनी मैदानमा आयोजित १५ औं संस्करणको चितवन महोत्सव उल्लासमय तरिकाले चलिरहेको छ । महोत्सवमा दिनदिनै सांस्कृतिक कार्यक्रमहरु भइरहेका […]
चितवन महोत्सवमा भोलि हिमेश पन्त र सुजिता श्रेष्ठको प्रस्तुती, अरु पनि हुँदैछन् सांस्कृतिक कार्यक्रम
चितवन, पुष २९ –उद्योग वाणिज्य संघ (उवासंघ) चितवनको आयोजनामा नारायणगढस्थित नारायणी नदी किनारको प्रदर्शनी मैदानमा १५ औं संस्करणको चितवन महोत्सव जारी छ ।महोत्सवमा दिनदिनै सांस्कृतिक कार्यक्रमहरु भइरहेका छन् । स्थानीय […]
खैरहनीमा खिचरा महोत्सवको दसौं संस्करण सुरु
खैरहनी । वागमती प्रदेशका मुख्यमन्त्री बहादुर सिंह लामाले चितवनको खैरहनीमा सोमवार खिचरा महोत्सवको दसौं संस्करण उद्घाटन गरेका छन् । थारु कल्याणकारिणी सभा चितवन क्षेत्र नं ७ ले खैरहनी नगरपालिका वडा […]
