Listen Live: 

कालिकाको नीति तथा कार्यक्रमः शक्तिखोर र रन्तेसमा वडास्तरीय बहुउद्देश्यीय बसपार्क, घनाबस्तीभएका ठाउँमा झोलुगें पुल बनाउने

Radio Chitwan
सोमवार, असार ४, २०८०

कालिका, ३ असार । कालिका नगरपालिकाले आर्थिक वर्ष २०८०/२०८१ मा सुन्दर शहर, सुरक्षित पूर्वाधार र समुदायको दिगोपना कायमगर्नेगरी स्थानीय निर्माण सामग्रीको अधिकतम् प्रयोग गरी भूकम्प प्रतिरोधी, बालमैत्री, लैङगिकमैत्री, वातावरणमैत्री आवास निर्माण तथा सहरी पूर्वाधार निर्माणगर्ने नीति लिएको छ ।

नगरपालिकाको कार्यालयदेखि सबै वडा कार्यालयसम्म पुग्न पक्की सडक निर्माणगर्न प्राथमिकता दिने नीति तथा कार्यक्रममा उल्लेख छ । नगर यातायात गुरुयोजना बमोजिम सडक सञ्जालको विस्तार, स्तरोन्नती, मर्म सम्भार गरिने भनिएको छ । यस्तै व्यवस्थित नगर बसपार्क बनाउन सम्भाव्यता अध्ययन गरिनेछ । नगरका मुख्य बजारक्षेत्रमा आटोपार्क, शक्तिखोर र रन्तेसमा वडास्तरीय बहुउद्देश्यीय बसपार्क निर्माण गरिने उल्लेख छ ।

खानेपानी पाइपलाईन विस्तार, सिंचाइ कुलो विस्तारगर्दा नगरक्षेत्रका सडक तथा अन्य पूर्वाधारहरु भत्काउनु काट्नुपर्ने भएमा पूर्व अनुमति लिई सम्बन्धीत निकायबाटै मर्मतगर्ने जिम्मेवारी लिन अनिवार्य नीति तथा कार्यक्रममा भनिएको छ ।

नगरक्षेत्रमा भद्रगोल अवस्थामा रहेको विद्युत, टेलिफोन, इन्टरनेट सेवा संजाल लगायतका सडक पोलहरुमा रहेका तारहरु सम्बन्धीत सेवा प्रदायकको समन्वयमा व्यवस्थित गरिने छ ।
पूर्वाधार विकास अन्तर्गत सिटीहल, ब्यापारिक तथा बहुउद्देश्यीय भवनहरु निर्माणमा संघीय तथा प्रदेश सरकारसँग समन्वय गरिने छ । यस्तै उपभोक्ता संस्था दर्ता तथा नवीकरणको व्यवस्थालाई अनिवार्य गरेर उपभोक्ता समितिबाट गरिने कामलाई प्रभावकारी बनाइनेछ ।

४० प्रतिशतभन्दाबढी ठूला मेसिन उपकरण प्रयोग हुने काममा अनिवार्य रुपमा ठेक्का बन्दोबस्त गरिनेछ । चौकीडाँडा र मझाबाँङ्ग क्षेत्रको सहज पहुँचका लागि सिद्धि दोभानमा पक्की मोटरबल पुल निर्माण गरिनेछ । पुल नभएका तर घना बस्तीभएका स्थानहरुमा संघीय सरकारसँग सहकार्य गरेर झोलुगेंपुल निर्माण गरिने कालिका नगरपालिकाका मेयर विनोद रेग्मीले सार्वजनिक गरेको नीति तथा कार्यक्रममा उल्लेख छ ।

आन्य समाचारहरु:-
April 22, 2024
झुवानी सामुदायिक पुस्तकालयकाे क्यालेन्डर विमाेचन

रत्ननगर । चितवनकाे रत्ननगर नगरपालिका वडा न५ झुवानीमा रहेकाे झुवानी सामुदायिक पुस्तकालयले  तयार पारेकाे २०८१ सालको क्यालेन्डर साेमबार  विमोचन गरेको छ । वडाअध्यक्ष बालकृष्ण चापागाईंले एक समारोहबीच  क्यालेन्डर  विमोचन गरेका […]

April 22, 2024
कतारका राजालाई राष्ट्रपतिले त्रिभुवन विमानस्थलमा स्वागत गर्ने

काठमाडौं– कतारका अमिर शेख तामिम विन हमद अल थानीलाई मंगलबार राष्ट्रपति रामचन्द्र पौडेलले स्वागत गर्ने भएका छन् । परराष्ट्र मन्त्रालयका अनुसार अमिर थानीलाई मंगलबार अपराह्न ५: ३५ मा त्रिभुवन अन्तर्राष्ट्रिय […]

April 22, 2024
भरतपुर अस्पतालका वेथिति र समस्याहरुप्रति अनेरास्ववियु चितवनको ध्यानाकर्षण

चितवन, १० वैशाख । भरतपुर अस्पतालमा अवैध क्रियाकलाप, बेथिति र समस्याहरुको चाङ् रहेको भन्दै अनेरास्ववियु चितवनले ध्यानाकर्षण गराएको छ । आज नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन […]

April 22, 2024
कालिका नगरपालिकाले २३ जना महिलाहरुलाई सीप सिकाएर कपडा सिलाउने मेसिन समेत दियो

कालिका, ९ बैशाख । महिलाहरुलाई उद्यमसँग जोड्ने उद्देश्यले कालिका नगरपालिकाले आयोजना गरेको ४५ दिने आधारभूत सिलाई कटाई तालिम आइतवार सकिएको छ । वडा नं. ४ को सभाहलमा आयोजना गरिएको तालिमको […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram