Listen Live: 

एघार थरी औषधि छोडेर रजहरबाट फर्किए महरा

Radio Chitwan
बिहिबार, जेष्ठ ३२, २०८०

चितवन : राजनीतिक समस्यालाई जितेका नेकपा माओवादी केन्द्रका नेता कृष्णबहादुर महराले आफ्नै शरीरको समस्यालाई जित्न सकेनन्। देख्दा समान्य भए पनि शारीरमा रोगको उपचारका लागि अस्पताल धाउँदा आजित बनेका महराले विकल्प खोजे, प्राकृतिक चिकित्सा। 

१२ थरीको औषधि बोकेर प्राकृतिक चिकित्सालय छिरेका महरा फर्किँदा एघार थरी औषधि छोडेर गए। रोगलाई नियन्त्रण गर्न उनले मेडिकल औषधि प्रयोग गर्थे। रजहरको सामुदायिक प्राकृतिक चिकित्सालयमा उपचार गरेपछि आफूले प्रयोग गर्दै आएको औषधिको सेवन हटाएर फर्किए। 

‘सुगर, प्रेस, समान्य बनाएर फर्किनुभयो। सधैं खाने गरेको १२ थरीबाट १ थरी औषधिको प्रयोग गर्न नपरेको बताउनुभयो,' अस्पतालका ब्यवस्थापक हरि सापकोटाले भने, 'शरीर चङ्गा बनाएर फर्किनु भएको छ।’

१२ दिनको आवासीय उपचारपछि घर चिकित्सालयमा हालसम्म ४० हजारभन्दा बढीले सेवा लिइसकेका छन्। चिकित्सालयमा आकाश चिकित्सा, वायु चिकित्सा, सूर्यकिरण चिकित्सा, जल चिकित्सा, माटो चिकित्सा, योग चिकित्सा, जडीबुटी चिकित्सा, आहार चिकित्सा, मनोचिकित्सा, मर्म चिकित्सा, मालिस चिकित्सा, गौमूत्र चिकित्सालगायतका विधिबाट उपचार गराइन्छ। 

चिकित्सालयमा कोरोनाको महामारीको समयमा आठ सयभन्दा बढी कोरोना सङ्क्रमितलाई सेवा दिइएको थियो। चिकित्सालयलाई शिक्षण अस्पताल र विश्वविद्यालयका रूपमा विकास गर्दै ज्येष्ठ नागरिक आरोग्य आश्रम र देशैभर जीवनशैली सुधार प्राकृतिक चिकित्सा र योगसम्बन्धी जनचेतनामूलक कार्यक्रम सञ्चालनमा ल्याउने योजना रहेको उनको भनाइ छ। चिकित्सालयमा दैनिक ७० देखि ८० बिरामीहरु उपचाररत छन्।

पूर्व सभामुखसमेत रहेका महरा १२ दिन प्राकृतिक चिकित्सालयमा बसेर उपचार गरेका थिए। सो अवधिमा उनले चार किलो तौलसमेत घटाएका थिए। ‘प्राकृतिक उपचारमा विश्वास लागेर आफैं आउनुभएको हो। उहाँको समस्या अधिकांश हल भएको छ,’ अस्पतालका प्रबन्ध निर्देशक डा. विनोद पौडेलले भने। जीवन फेरिएको अनुभूति गरेर फर्किएको उनको भनाइ छ। 

महरा विहान साढे चार बजेदेखि प्राकृतिक उपचार पद्धतिमा सहभागी हुन्थे। उनी सर्वसधारणसँगै बसेर उपचार लिएको अस्पतालको भनाइ छ। महराले आफूलाई प्राकृतिक उपचारमा विश्वास लागेर आएको बताए।  'अबको जीवन प्राकृतिक उपचार र यसको उत्थानमा लाग्नेछु,' उपचारपछि उनले भने।

आन्य समाचारहरु:-
March 27, 2024
काठमाडौंमा १२ जनामा कोभिड पुष्टि

काठमाडौं– काठमाडौं उपत्यकामा १२ जनामा कोभिड १९ पुष्टि भएको छ ।   मौसमी फ्लु भनी अनुमान गरिएका उनीहरू उपचारका लागि त्रिवि शिक्षण अस्पताल र शुक्रराज ट्रपिकल तथा सरुवा रोग अस्पतालमा […]

February 25, 2024
आजदेखि २४ जिल्लामा दादुरा–रुबेला खोप अभियान

फागुन १३ । दादुरा–रुबेला खोप अभियान आजदेखि सुरु भएको छ । स्वास्थ्य तथा जनसङ्ख्या मन्त्रालयले आज देखि चैत्र ७ गतेसम्म सो खोप अभियान सञ्चालन गरेको हो । राष्ट्रिय खोप कार्यक्रम […]

December 25, 2023
प्रभाबकारी तथा सफल उपचार को लागि सम्झनुपर्ने दुर्गा आयुर्वेद औषधलय नारायणगढ
October 14, 2023
चितवनमा दसैँको लागि गाडीको अग्रिम टिकट बुकिङ धमाधम हुँदै, गोरखा र बागलुङ जाने यात्रु धेरै

चितवन, असोज २७- दसैँमा घर फर्किनेलाई लक्षित गर्दै नारायणगढको पोखरा बसपार्कमा असोज २१ गतेबाट गाडीको अग्रिम टिकट बुकिङ सुरु भएको छ । पृथ्वी राजमार्ग बस सञ्चालक कम्पनी लिमिटेड, नारायणी यातायात […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram