भरतपुर । कोरोना संक्रमित भएका सवै मानिसहरु घरमै उपचाररत रहेको पाइएको छ । जिल्ला स्वास्थ्य कार्यालय चितवनका अनुसार अहिले १२ जनामा कोरोना संक्रमण देखिएकोमा सबै होम आइशोलेसनमा रहेका छन् ।
वैशाख २१ गतेको रिर्पोट अनुसार होम आइशोलेसनमा १२ जना छन् । जबकी वैशाख २० गते २५ जनामा संक्रमण देखिएको थियो । पछिल्लो लहरमा संक्रमित भएकाहरु प्रायले होम आइशोलेसनमा रहेर सेवा लिएको कार्यालयले जनाएको छ । जिल्लाका कोरोना संक्रमित उपचार गर्ने अस्पतालहरुमा संक्रमित छैनन् । कोरोनाको असर कम भएको कारणले अस्पताल भन्दा पनि घरमै आइशोलेसनमा स्वास्थ्य लाभ लिइरहेको भरतपुर अस्पतालका प्रवत्ता डा। गोविन्द कँडेलले बताए । घरमै स्वास्थ्य लाभ लिँदा अन्य व्यक्तिमा संक्रमण सर्ने सम्भावना पनि कम हुने उनको भनाइ छ ।
‘समस्या जटिल भएमा अस्पताल आउनुपर्ने हुन्छ, तर सामान्य अवस्थामा घरमै उपचार सेवा लिन सकिन्छ, डा। कँडेलले भने । पाँच महिना पछि चितवनमा पुन कोरोना संक्रमित भेटिएका छन् । यस वर्ष गत कात्तिक १८ गते अन्तिम पटक ३ जनामा कोरोना संक्रमण भएको तथ्याक सार्वजनिक गरेको थियो ।
पाँच महिनाको अन्तरालमा चैत १८ गते जिल्ला स्वास्थ्य कार्यालय चितवनका प्रमुख दुर्गादत्त चापागाईले बताए । संक्रमित दुवै जना महिला रहेका छन् । चितवनमा जम्मा कोरोनाका कारण मृत्यु ४५१ रहेको छ ।
त्यस्तै चितवनमा डेंगुका कारण यस आर्थिक वर्षमा ३ जनाको मृत्यु भएको छ । चितवनका अस्प्तालमा उपचाररत रहि मर्ने अन्य जिल्लाका ३ जना रहेका छन् । ३ हजार ३ सय १२ जनामा संक्रमण हुँदा ६ जनाको मृत्यु भएको छ । झण्डै ३३ हजारको डेंगु परिक्षण भएको छ ।
चिसो मौसमा भन्दा तातो मौसममा डेंगुको जोखिम बढि हुने भएकाले लामखुटेको टोकाइबाट बच्न आवश्यक सावधान अपनाउन पर्ने डा। कँडेलले बताए । कोरोनाका कारण चालु वर्षमा चितवनका २ जनाको मृत्यु भएको जिल्ला स्वास्थ्य कार्यालयले जनाएको छ । कोरोना संक्रमित र यसको जोखिम कम भएकाले नागरिक पनि कोरोना पूर्वको जस्तै अवस्थामा जीवनशैली अपनाउन थालेका छन् । गत चैत १८ गते देखि हालसम्म खासै उल्लेखीय संख्यामा कोरोना संक्रमित नभेटिएको स्वास्थ्य कार्यालयले जनाएको छ । केही स्वास्थ्य कर्मीमा संक्रमण देखिएकोमा असपतालमा अहिले त्यस्तो समस्या नदेखिएको भरतपुर अस्पतालका सूचना अधिकारी गोपाल पौडेलले बताए । २ वर्ष अघि ०७७ फागुन २७ गते कोरोना संक्रमित भेटिएको थियो ।