धादिङ । देशका ६८ जिल्लालाई राजधानी संग जोड्ने पृथ्वीराजमार्गको गणेश खोला पुलमा ठूला ठूला भ्वाङ परेपछि सवारी आवागमन दुई तर्फि ठप्प हुन पुगेको छ । मंगलबार विहान १८ घण्टा पछि सञ्चालनमा आएको गणेश खोलाको पक्की पुल निर्माण कार्य भईरहेको अबस्थामा पुन भ्वाङ परेको हो । पुलमा भ्वाङ परेपछि  बुधवार बिहान पौने १२ बजेतिरबाट पृथ्वीराजमार्गमा दुई तर्फि आवागमन रोकिन पुगेको छ ।

पुलमा प्वाल परेपछि पृथ्वीराजमार्गमा दुई तर्फ सवारी आागमन रोकिन पुगेको छ । धादिङको धुनीवेशी नगरपालिका–६ धार्के र थाक्रे गाउँपालिका–८ को सिमाना जोड्ने पुल निर्माण कार्य भईरहेको स्थानमा भासिएर आवागमनमा समस्या भएको हो । मंगलबार विहान पनि १८ घण्टा सम्म दा राजमार्ग दुवैतर्फ ठप्प बनेको थियो । भासिएको भागमा ग्यावियन जाली लगाएर उकास्ने र भ्वाङ परेको भाग पुर्ने कार्य पश्चात राजमार्गमा यातायात सञ्चालनमा ल्याईएको थियो ।

पुन पुलमा भ्वाङ परेर दोहोरो आवागमन रोकिएपछि पृथ्वीराजमार्गमा सवारी चाप पर्ने हुने भएको छ  । पृथ्वी राजमार्ग भएर देशका ६८ जिल्लाबाट दैनिक हजारौँ यात्रु राजधानी आउने र राजधानीबाट वाहिरिने गर्दछन् । सडकमा पटक पटक समस्या आउन थालेकाले  बैकल्पिक मार्ग प्रयो गर्न प्रहरीले सर्वसाधरणलाई आग्रह गरेको छ । त्रिभुवन राजपथ, गल्छी केवलपुर लामिडाँडा सडक, गल्छी हुंद नुवाकोट सडकलाई बैकल्पिक मार्गका रुपमा प्रयोग गर्न सके सडकमा अलपत्र परेर बस्नु नपर्ने प्रहरीको अनुरोध छ ।