Listen Live: 

सम्भावित विपद्मा तत्काल उद्धारमा खट्नको लागि ४५ जना नगरस्तरीय युवा स्वयंसेवकहरुलाई प्रशिक्षण

Radio Chitwan
मङ्लबार, बैशाख १२, २०८०

चितवन, वैशाख १२(

भरतपुर महानगरपालिकाले सम्भावित विपद्मा तत्काल उद्धारमा खट्नको लागि ४५ जना नगरस्तरीय युवा स्वयंसेवकहरुलाई प्रशिक्षण दिएको छ ।

बिपद् र संकटको समयमा कसरी बच्ने, अरुलाइ कसरी बचाउने, के कस्ता साबधानीका उपायहरु अपनाउने, बिपद् के हो र कसरी आउँछ भन्ने सन्दर्भमा महानगरले युवाहरुलाई लक्षित गरी तालिमको आयोजना गरेको हो । तालिममा महानगरपालिका भित्रका २९ वटै वडाबाट प्रतिनिधित्व रहने गरि ४५ जना सहभागी भएका छन् ।

विपद प्रायः मानवबाट सिर्जित पूर्वाधारबाट हुने भएकोले भौतिक संरचनाको संरचना दिगो हुने गरी निर्माण गर्नुपर्नेमा भरतपुर महानगरका उपमेयर चित्रसेन अधिकारीले जोड दिए । उनले विपद् व्यवस्थापनको लागि स्थानीयस्तरमा सामान्य जानकारी पु¥याउन युवा लाग्नुपर्ने समेत बताए ।
स्थानीय बिपद् ब्यबस्थापन समितिका सदस्य समेत रहेका उपमेयर अधिकारीले महानगरपालिकामा आकस्मिक रुपमा आउने बिपद्लाइ ब्यवस्थापन गर्ने उद्देश्यका साथ तालिम आयोजना गरिएको पनि प्रष्ट पारे । ‘ बिपद् र संकटलाइ केही हदसम्म भए पनि कम गर्न यो तालिम कोशेढुङ्गाको रुपमा सावित हुने छ’, उपमेयरले भने, ‘अब महानगरका प्रत्येक वडा भुकम्पीय जोखिमका दृष्टिकोणबाट सुरक्षित हुनेछन् ।’

प्राकृतिक तथा मानव सिर्जित दुवै प्रकारका विपद् तथा मानवीय सहयोग आवश्यक पर्ने अवस्थाहरुमा काम गर्नमा युवाहरु अग्रसर हुन जरुरी रहेको उपमेयरको विचार छ । पाँच दिनसम्म सञ्चालन हुने तालिममा श्री न २ विपद् ब्यबस्थापन गण रसौली चितवन , सशस्त्र प्रहरी बल नेपाल, नं १७ गण हेडक्वाटर आँपटारी र जिल्ला प्रहरी कार्यालय चितवनले सहकार्य गरेका छन् ।

तालिमको उद्घाटन शत्रमा भरतपुर महानगरपालिकाका नगर शिक्षा अधिकारी महेन्द्रप्रसाद पौडेलले कार्यक्रमको औचित्य माथि प्रकाश पारेका थिए । कार्यक्रममा स्थानीय विपद् ब्यबस्थापन कोष सञ्चालन समितिका सदस्य मनोज रानाभाट, बालकुमारी मावि नारायणगढका प्रध्यानाध्यापक आनन्दराज सापकोटा, श्री न २ विपद ब्यबस्थापन गण रसौलीका प्रमुख सेनानी कुलचन्द्र श्रेष्ठलगायतले मन्तव्य राखेका थिए । बाढी, पहिरो तथा भूकम्पीय जोखिमको दृष्टिकोणबाट नेपाल ११ औ र १६ औ स्थानमा रहेको छ भने बाढी पहिरोको जोखिममा नेपाल ३० औ स्थानमा रहेको छ ।

जलवायु परिवर्तनको जोखिममा रहेका देशहरुको सुचीमा नेपाल चौथो स्थानमा रहेकोे छ । जलवायु परिवर्तनले सबै क्षेत्रमा असर पार्ने भएता पनि विपद्को अवस्थामा सबैभन्दा बढी बालबालिकाहरु जोखिममा पर्ने बिश्लेशकहरुले औल्याएका छन । विसं २०७२ को भूकम्पमा ८ हजार ९०० जना भन्दा बढीको ज्यान गुमेको थियोे जस मध्ये लगभग ३३ प्रतिशत बालबालिका रहेका थिए ।

आन्य समाचारहरु:-
April 21, 2024
रत्ननगरमा बालअधिकारका लागि चर्चा र जागरुकता

रत्ननगर । चितवनको रत्ननगरमा बाल अधिकारको विषयमा चर्चा गर्दै योजना कार्यान्वयको लागि जागरुकताका लागि आइतबार अन्तरक्रिया कार्यक्रम गरिएको छ । रत्ननगर नगरपालिका महिला बालबालिका तथा ज्येष्ठ नागरिक शाखाले बालमैत्री निरन्तरता […]

April 21, 2024
रत्ननगरका संस्थागत विद्यालयलाई भर्ना शुल्क नलिन नगरपालिकाे पत्रचार

रत्ननगर । चितवनकाे रत्ननगर नगरपालिका भित्र रहेका संस्थागत विद्यालयहरुलाई भर्ना शुल्क नलिन नगरपालिकाले निर्देशन दिएकाे छ ।  कार्यपालिकाको  बैशाख ९ गतेकाे निर्णय र नगर  शिक्षा ऐन २०७४ संशोधन सहितको दफा […]

April 20, 2024
चितवनको रत्ननगर वडा नं ५ मा शनिबार आयोजना गरिएको निःशुल्क स्वास्थ्य शिविरमा २६४ जनाले सेवा लिगेका छन ।

रत्ननगर । शिविरमा छालाराेगका २१ जना , बालराेगका ३१ जना, स्त्रीराेगका २२ र हाड जाेर्नी राेगका १९० जना गरि  २६४ जनाले स्वास्थय परिक्षण गराएका हुन। भने  १२२ जनाले प्रयोगशाला सेवाकाे […]

April 20, 2024
समाजवादी प्रेस संगठनद्धारा अन्तरक्रिया र सम्मान कार्यक्रममुलुकलाई उकुसमुकुसबाट निकाल्नुपर्छ : महासचिव भुसाल

बुटवल, बैशाख ८ । नेकपा एकीकृत समाजवादीका महासचिव एवं पूर्वमन्त्री घनश्याम भुसालले मुलुकलाई उकुसमुकुसबाट बाहिर निकाल्नका लागि नेकपा एकिकृत समाजवादी निर्णायक हुने बताएका छन् । उनले आफूहरु अंकगणितको हिसाबले सानो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram