Listen Live: 

माडीको पहिलो र एकमात्र झोलुङ्गे पुल माडीकै उत्कृष्ट पर्यटकीय गन्तव्य बन्दै

Radio Chitwan
शनिबार, चैत्र ५, २०७८

चितवन, चैत ५ । माडीको पहिलो र एकमात्र झोलुङ्गे पुल माडीकै उत्कृष्ट पर्यटकीय गन्तव्य बन्दै गएको छ ।
माडी–ठोरी हुलाकी सडकअन्तर्गत खरकट्टा बजारदेखि एक किलोमिटर दक्षिण तर्फ माडी–८ को कान्तिपुर, नयाँ गाउँ र बाह्घरेको संगम स्थल घाँगर खोलाको मध्य भाग भन्दा केही माथि माडीमा नै पहिलो पटक झोलुङ्गे पुल बनेपछि यस ठाउँले घुमफिर र पिक्निक स्पोर्ट्सको रुपमा पर्यटक लोभ्याउन थालेको छ ।
माडी नगरपालिकाकी उपमेयर ताराकाजी कुमारी महतोले माडीको बैकुण्ठे ताल नजिकै पर्ने भएकोले पनि झोलुंगे पुलमा आन्तरिक पर्यटकहरुको आकर्षणको केन्द्र बनेको जानकारी दिइन् । उनले भनिन्, ‘माडी नगरपालिकाको एक मात्र झोलुंगे पुल भएकोले पनि सबै जना पुल हेर्न जाने फोटो खिच्ने गर्न थालेका छन् । मानिसहरुको दुईवटा बस्तीलाई जोड्ने भएकोले पनि आहोरोदाहोर बढ्ने गर्छ ।’
पर्यटकको आगमन बढेसँगै यो ठाउँमा पार्क समेत बनाउन लागिएको माडी नगरपालिका–८ का वडा अध्यक्ष कृष्णराज अधिकारीले जानकारी दिए । अहिले यहाँ पिकनिक खाने, झोलुंगे पुल घुम्ने, फोटो खिच्ने, टिकटक बनाउनेको त भीड नै लाग्ने गरेको छ । अझ शनिबार र सार्बजनिक बिदाको दिन त यहाँ घुम्ने र पिकनिक खानेको धेरै घुइँचो लाग्ने गरेको स्थानीयबासी शान्ति प्रजाले बताइन् । यहाँ अहिले दैनिक रुपमा १०० भन्दा धेरै र सार्वजनिक बिदा तथा शनिबारको दिनमा २०० बढी मानिसहरु आउने गरेको पनि उनले जानकारी दिइन् । पिकनिक खानको लागि त धेरै जसो दिनमा दिनमै चार टोलीसम्म हुने हुँदा पिकनिक खाने स्थानको समेत कमी हुने गरेको अर्का स्थानीय एवम् जुझारु महिला सुकमाया प्रजाले बताइन् । झोलुंगे पुल बनेपछि त्यस ठाउँका करिब २० घरधुरीलाई आवतजावतमा सहज भएको छ । पहिले त पुल थिएन बर्खा याममा बिरामीहुँदा समयमानै अस्पताल जान समस्या थियोे । जसका कारण अकालमा नै ज्यान जान्थ्यो । अहिले त पुल बनेपछि सजिलो भएको छ । स्थानीय वृद्धा पदमकुमारी प्रजाले खुसी हुँदै भनिन् । उनले भनिन्, ‘खोलो उर्लिएर आउदा नाती नातिना स्कुल जान नपाउने गए पनि बिधालयबाट फर्किदा खोलो बढे पछि वारिको वारी पारीको पारी भएर नाति नातिनालाई टुलुटुलु हेर्नु शिबाय केही थिएन । अहिले त सहज भएको छ ।’

आन्य समाचारहरु:-
June 22, 2024
सक्षम आमा समुहमा महिला सशक्तिकरणका लागि प्रशिक्षण

रत्ननगर । रत्ननगर नगरपालिका वडा नं १० का महिलाहरुलाई महिला अधिकार, पहुँच तथा सशक्तिकरण सम्बन्धी प्रशिक्षण दिइएको छ । वडा कार्यालयको आर्थिक सहयोगमा सक्षम आमा समूहले आयोजना गरेको कार्यक्रममा ७५ […]

June 20, 2024
झुवानीमा विद्यार्थीलाई आत्महत्या राेकथाम तथा मनोसामाजिक सचेतना

रत्ननगर । रत्ननगर नगरपालिका वडा नं ५ स्थित झुवानी माविका विद्यार्थीहरुलाई मानसिक स्वास्थ्य, आत्महत्या रोकथाम तथा मनोसामाजिक परामर्श सम्बन्धी सचेतनामुलक प्रशिक्षण दिइएकाे छ ।  नेपाल रेडक्रस सोसाइटी उपशाखा बछौलीको आयोजना […]

June 17, 2024
प्रथम माधवपुर गाेल्डकपकाे आयव्याय सार्वजनिक

रत्ननगर । रत्ननगर नगरपालिका वडा नं १५ मा सम्पन्न प्रथम माधवपुर गाेल्डकपकाे आयव्याय सार्वजनिक गरिएकाे छ । आयाेजक माधवपुर खेलकेद विकास समितिले साेमबार पत्रकार सम्मेलनकाे आयाेजना गरि आयव्याय सार्वजनिक गरेकाे […]

June 17, 2024
कालिका वडा नं. ४ मा आजदेखि एकहप्ते मुढा बनाउने तालिम सुरु

कालिका, २ असार । सीप विकास कार्यक्रम अन्तर्गत कालिका वडा नं. ४ ले आजदेखि एकहप्ते मुढा बनाउने तालिम आयोजना गरेको छ । तालिमको कालिका नगरपालिका प्रमुख विनोद रेग्मीले उद्घाटनगर्नुभयो । […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram