Listen Live: 

चितवनको राप्ती नगरपालिकाले नगरभित्रका विपन्न जनताका लागि धमाधम घर निर्माण

Radio Chitwan
सोमवार, बैशाख ११, २०८०

राप्ती । चितवनको राप्ती नगरपालिकाले नगरभित्रका विपन्न जनताका लागि धमाधम घर निर्माण गरिरहेको छ । वास्तविक विपन्नको पहिचान गरेर त्यस्ता परिवारको उचित बासका लागि घर निर्माणलाई नगरपालिकाले तीव्रता दिएको हो ।

वडा कार्यालयको सिफारिस, नगरपालिका आफैँले पहिचान गरेका त्यस्ता परिवारको बासको ग्यारेन्टी गर्न आफूहरु केन्द्रित रहेको राप्ती नगरपालिका प्रमुख शमशेर लामाले बताए । पहिलो वर्ष नगर गौरवका आयोजनाहरु समावेश नभए पनि जनताको गाँस, बास र कपासलाई प्राथमिकता दिइएको उनले बताए ।

आगामी बजेटमार्फत गौरवका आयोजनाहरु समावेश गर्नुका साथै विपन्न समुदायको आयआर्जन वृद्धि, विपन्नलक्षित आवास निर्माण, कृषकलक्षित कार्यक्रमलाई प्राथमिकता दिने प्रमुख लामाको भनाइ छ । त्यसबाहेक शिक्षा र स्वास्थ्यको क्षेत्रमा पहिलो वर्षदेखि सुधारको काम भइरहेकाले ती क्षेत्रलाई पनि सँगै अघि बढाउने लामा बताउँछन् ।

विपन्नलक्षित आवास निर्माणअन्तर्गत यो चालू आर्थिक वर्षमा एक सयवटा घर बनाउने नगरपालिकाको लक्ष्य रहेको छ । सोहीअनुसार हालसम्म ८० वटाभन्दा बढी घर निर्माण भइसकेको नगरप्रमुख लामाले बताए । नगरपालिकाले हरेक वर्ष एक सय घर निर्माण गर्ने लक्ष्य राखेको थियो । ‘गाँस, बास, कपास हरेक व्यक्तिको नैसर्गिक अधिकार हो’, नगर प्रमुख लामाले भने, ‘त्यो पूरा गर्न नगरपालिका आफैँले बजेटमा नै व्यवस्था गरेको छ, खान नपाएर कोही पनि भोकै रहन पर्दैन ।’ नगरप्रमुख लामाले स्थानीय सरकार रहेको अनुभूति दिलाउने गरी काम गर्ने बताए ।

शनिबार राप्ती नगरपालिका प्रमुख लामाले नगरपालिकाको वडा नम्बर–१, सिमरामा निर्माण गरिएको दुईवटा घरको अनुगमन गरेका छन् । पहिचान गरेका त्यस्ता घरका सम्बन्धित व्यक्तिले घर निर्माण गरिसकेपछि भुक्तानी दिने व्यवस्था गरेको छ । दुईकोठे घरका लागि नगरपालिका प्रतिघरधुरी दुई लाख रूपैयाँ दिँदै आएको नगरप्रमुख लामाले बताए ।

‘विपन्नको पहिचान गरेर नगरपालिकाको स्टमेटअनुसार घर निर्माण गर्न भन्छौँ’, प्रमुख लामाले भने, ‘प्रतिघर दुई लाखसम्म दिने व्यवस्था गरेका छौँ ।’

आफूले पाएको घर निर्माणका लागि अनुगमनमा पुगेका नगरप्रमुख शमशेर लामासमक्ष सिमराका दलबहादुर राई र पूर्णमाया राईले खुसी व्यक्त गरे । पहिलो छाप्रोमा बस्नु परेको पीडा सुनाउँदै पूर्णमाया राई भन्छिन्, ‘नगरपालिकाले हाम्रो पीडा सुन्यो, यसमा खुसी छौँ । अब हावाहुरी र वर्षाको बेला आनन्दले बस्न पाइने भयो ।’ ‘पानी परेपछि सुत्न पाइन्थेन’, पूर्णमायाले थपिन्, ‘त्यस्तो अवस्थामा छोराको घर गएर सुतिन्थ्यो । कहिलेकाहीँ त पकाएरसमेत खान पाइन्थेन, अब ढुक्क छ ।’

राप्ती नगरपालिकाले पाँच वर्षको अवधिमा पाँच सयवटा घर निर्माण गर्ने लक्ष्य लिएको छ ।

आन्य समाचारहरु:-
June 13, 2024
सौराहामा पर्यटन विकासको लागि अन्तर्किया

रत्ननगर । मुलुकको तेस्रो पर्यटकीय नगरी सौराहा चितवनको पर्यटन विकासको लागि विहीबार सर्वपक्षिय अन्तर्किया कार्यक्रम गरिएको छ । रत्ननगर पर्यटन प्रर्वद्धन समितिले तयार गरेको पर्यटन विकास सम्बन्धी कार्ययोजनाको मस्यौदा माथि […]

June 13, 2024
रत्ननगरका तीनवटा वडामा पिठुवा खानेपानीको सचेतना कार्यक्रम

रत्ननगर। रत्ननगरको वडा नं. १५ माधवपुरमा रहेको पिठुवा खानेपानी तथा सरसफाई उपभोक्ता संस्थाले रत्ननगरका तीनवटा वडामा सरसफाई सम्बन्धी सचेतना कार्यक्रम गरेको छ ।  संस्थाले आफ्नो सेवाक्षेत्र अन्तर्गतका तीनवटा वडाहरू १४,१५ […]

June 12, 2024
कालिकामा आँखा उपचार केन्द्र स्थापना

कालिका,३०जेठ । कालिका नगरपालिकामा आज(बुधवार)देखि आँखा उपचार केन्द्र संचालनमा आएको छ । कालिकाको वडा नं. ६ को कार्यालय परिसरसँगैको भवनलाई तत्कालका लागि आँखा उपचार केन्द्र बनाइएको छ । उपचार केन्द्रको […]

June 12, 2024
कालिकाका ५५ जना एकल महिलालाई आयआर्जनका लागि बाख्राको पाठी वितरण

कालिका, ३० जेठ । कालिका नगरपालिकाका ५५ जना एकल महिलाहरुलाई आयआर्जनका लागि बाख्राको पाठीवितरण गरिएको छ ।  प्रत्येक वडाका पाँच पाँचजना एकल महिलाहरुलाई प्रजनन् योग्य बाख्राको पाठी वितरण गरिएको हो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram