Listen Live: 

जिल्लामा सुरु भएका ठूला विकास आयोजना सम्पन्न भएसँगै विकासमा क्रान्ति आउने

Radio Chitwan
शुक्रबार, बैशाख ८, २०८०

चितवन,बैशाख ७(

प्रधानमन्त्री पुष्पकमल दाहाल ‘प्रचण्ड’ले जिल्लामा सुरु भएका ठूला विकास आयोजना सम्पन्न भएसँगै विकासमा क्रान्ति आउने बताउनुभएको छ । कतान्त्रिक–वाम गठबन्धनले आज कालिका नगरपालिकामा आयोजना गरेको चुनावीसभालाई सम्बोधन गर्दै उहाँले काठमाडौं–चितवन द्रुतमार्ग, शक्तिखोर औद्योगिक क्षेत्र, रङ्गशाला, विमानस्थल विस्तार, नारायणी तटबन्धजस्ता ठूला आयोजना सम्पन्न भएपछि चितवनको विकासमा क्रान्ति आउने बताउनुभएको हो ।

उहाँले भन्नुभयो, “शक्तिखोरको औद्योगिक क्षेत्र मैले नै प्रस्तावित गरेको हुँ, म अहिले प्रधानमन्त्री भएको बेलामा यसलाई सम्पन्न गर्ने काममा पुनः प्रतिबद्धता व्यक्त गर्न चाहन्छु ।” उहाँले औद्योगिक क्षेत्रको काम छिट्टै अघि बढ्ने बताउँदै भन्नुभयो, “चितवन क्षेत्र नं २ मा जीतनारायण श्रेष्ठ निर्वाचित भएर गएपछि यसलाई अघि बढाइने कुरामा उहाँको भूमिकालाई पनि बढाइने छ ।”

अघिल्लो बजेट भाषणमा काठमाडौँबाट चितवन एकदेखि डेढ घन्टाभित्र आउने गरी द्रुतमार्ग निर्माणका लागि प्रक्रिया अघि बढेको भन्दै प्रधानमन्त्री दाहालले भन्नुभयो, “त्यसलाई सम्पन्न गर्ने कुराले चितवनको सम्पूर्ण विकासमा सम्पूर्ण क्रान्ति आउने छ भन्ने मेरो विश्वास छ ।”

अघिल्लो निर्वाचनमा आफू चितवन क्षेत्र नं ३ बाट निर्वाचित भएपछि त्यस क्षेत्रमा विकास निर्माणमा के–के सहयोग गरेँ भन्ने कुरा सबैले देखेको भन्दै उहाँले अगाडि थप्नुभयो, “भरतपुर महानगरपालिका अहिले कहाँबाट कहाँ पुग्यो रु तपाईंहरूले देख्नुभएको छ ।”

यहाँका ठूला विकास निर्माणमा आफ्नो ध्यान पुगेको भन्दै उहाँले भन्नुभयो, “म अर्को जिल्लाको जनप्रतिनिधि भए पनि प्रधानमन्त्रीको हिसाबले विमानस्थल विस्तारको कुरा होस्, गौतमबुद्ध क्रिकेट रङ्गशालाको कुरा होस्, चाहे शक्तिखोर औद्योगिक क्षेत्रलाई अघि बढाउने कुरा होस्, चाहे नारायणी र राप्तीमा तटबन्धन निर्माण अगाडि बढाउने कुरा सबैमा मेरो ध्यान पुगेको छ ।”

सुकुम्बासी समस्या समाधान हुने प्रक्रिया सुरु भइसकेको भन्दै उहाँले भन्नुभयो, “यसलाई गति दिइन्छ र पूर्णतामा पु¥याइन्छ ।” चितवनमा कृषिमा आधुनिकीकरण गर्न पर्याप्त आधार रहेको भन्दै प्रधानमन्त्री दाहालले त्यसमा पनि आफ्नो ध्यान गएको बताउनुभयो ।

पछिल्लो समय देखिएका नयाँ दलहरूप्रति इङ्गित गर्दै उहाँले भन्नुभयो, “खहरे बढोे उर्लेर आउँछ, सुक्छ र केही दिनपछि कमिला हिँड्ने बन्छ ।” पुराना राजनीतिक दलहरूलाई सङ्केत गर्दै र ती दलहरूलाई नारायणी नदीसँग तुलना गर्र्दै भन्नुभयो, “नारायणी त्यस्तो हुँदैन, आफ्नो गतिमा बगिरहन्छ र महासागरमा पुग्छ ।”

नेपाली कांग्रेस र गठबन्धन दल भनेका निश्चित विचार, सिद्धान्त, मूल्य, मान्यता र इतिहास बोकेका विशाल नदीजस्ता पार्टी भएको भन्दै उहाँले खहरेसँग तर्सनुपर्ने आवश्यकता नरहेको बताउनुभयो । उहाँले भन्नुभयो, “हामी आँधी, बतास, हुरीजस्ता थुप्रै सहेर त्यसका विरुद्ध सतिसालझैँ उभिएर इतिहास बनाएका पार्टी हौँ, हामी कुनै आँधीहुरीसँग डराउनुपर्ने आवश्यकता छैन ।”

लोकतन्त्र, गणतन्त्र, संविधानका निम्ति एउटा मौलिक पहिचान जिल्ला चितवन भएको भन्दै उहाँले यो जिल्लाको अलग्गै पहिचान भएको बताउनुभयो । उहाँले भन्नुभयो, “हामीले कुनै पनि हालतमा संविधान र सङ्घीय लोकतान्त्रिक गणतन्त्रलाई कमजोर पार्न दिनु हुँदैन ।”

आफू यस जिल्लामा पाँच वर्ष सांसद हुँदा यस क्षेत्रको उम्मेदवार जीतनारायण श्रेष्ठलाई नजिकबाट चिनेको भन्दै उहाँले उपनिर्वाचन हुने भएपछि पहिलो दिनदेखि नै यस क्षेत्रको उम्मेदवार श्रेष्ठ नै उपयुक्त हुन्छ भन्ने आफ्नो धारणा रहेको बताउनुभयो । श्रेष्ठको गतिशीलता र आफ्नो कुरा प्रष्टसँग राख्न सक्ने क्षमता रहेको भन्दै यस्ता व्यक्तिले राष्ट्र र समाजका लागि केही गर्न सक्ने बताउनुभयो ।

सभामा ठट्टा गर्दै उहाँले यही गठबन्धनबाट निर्वाचित भएर अर्को गठबन्धनबाट प्रधानमन्त्री भएपछि आफू र कांग्रेस सभापति शेरबहादुर देउवा दुवैलाई रातमा निद्रा नलागेको बताउनुभयो ।

आन्य समाचारहरु:-
February 12, 2025
लगानी बोर्डका सिईओ ज्ञवालीसँग मेयर रेग्मीको भेट, शक्तिखोर औधोगिक क्षेत्रबारे छलफल

कालिका, माघ ३० । पूर्वी चितवनको कालिका नगरपालिकाका मेयर विनोद रेग्मीले प्रस्तावित शक्तिखोर औधोगिक क्षेत्र तथा कालिका नगरपालिकाको समग्र बिकासको बारेमा लगानी बोर्डका सिईओ सुशिल ज्ञवालीसँग भेट गरी छलफल गरेका […]

February 5, 2025
कालिकामा स्थानीय विपद् तथा जलवायु उत्थानशील योजना

चितवन, माघ २३ । चितवनको कालिका नगरपालिकाले स्थानिय विपद् तथा जलबायु उत्थानशील योजना, कार्यढाँचा अध्यावधिकका लागि सुचना संकलन गरेको छ ।  विपद् तथा जलबायु उत्थानशील योजना, कार्यढाँचा अध्यावधिकका लागि  स्थानीय […]

January 28, 2025
कालिकामा वडागत फाइल सूची तयारी कार्यशाला

रत्ननगर । कालिका नगरपालिकामा बालमैत्री स्थानीय शासन (सिएफएलजी)का आधारमा कागजात व्यवस्थापनका लागि वडागत फाइल सूची तयारीसम्बन्धी कार्यशाला सम्पन्न भएको छ । कालिका नगरपालिकालाई २०८३ असोज मसान्तभित्र बालमैत्री स्थानीय शासन घोषणा […]

January 28, 2025
रत्ननगर १२ मा नकआउट फुटबल सुरु

रत्ननगर नगर पालिका वडा नं० १२ डाफे मुनाल टोल स्थित सालघारी एफ.सि क्लब को आयोजना मा यहि माघ १४ गते देखि माघ २५गते सम्म बागदेवि खेल मैदान रत्ननगर १२ मा […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2025 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram