Listen Live: 

रामप्रसाद न्यौपानेले हरेक सरकारी संयन्त्रमा नागरिक निगरानी समूह बनाउने प्रतिबद्धता

Radio Chitwan
बिहिबार, बैशाख ७, २०८०

भरतपुर । नेकपा एमालेबाट चितवन २ मा उमेदवार बनेका रामप्रसाद न्यौपानेले हरेक सरकारी संयन्त्रमा नागरिक निगरानी समूह बनाउने प्रतिबद्धता गरेका छन् । आज नारायणगढमा प्रेस चौतारीले गरेको पत्रकार सम्मेलनमा उमेदवार न्यौपानेले काममा ढिलासुस्ती हुने हरेक सरकारी निकायमा नागरिक निगरानी समूह बनाएर कामलाई चुस्त पार्ने बताए ।
पत्रकारसँग न्यौपानेले समृद्ध चितवनको परिकल्पना गरेको बताउँदै कालिकामा कृषि क्षेत्र र इच्छाकामनालाई पर्यटन क्षेत्रको रुपमा विकास गरिने बताए । उनले भने, ‘चितवनमा खोलिने उद्योग, कलकारखानामा यहीँका ५० प्रतिशत युवाहरुलाई रोजगारी दिने व्यवस्था नीतिगतमै गर्न म चाहन्छु ।’
उनले गाँजाखेतीलाई वैधानिक दिन पनि संसदमा लविङ गर्ने बताए । न्यौपानेले भने, ‘निर्वाचित भएको खण्डमा गाँजाखेतीलाई वैधानिक मान्यता दिन संसदमा बुलन्दरुपमा आवाज उठाउनेछु, यसबाट चितवनका सयौँ युवालाई रोजगारी दिन सकिनेछ, यसमा म कटिबद्ध भएर लाग्नेछु ।
न्यौपानेले चितवनको सामुदायिक विद्यालयको गुणस्तरीय शिक्षादीक्षादेखि यहाँको कृषि र पर्यटनसम्म मिसन र भिजनका साथ काम गर्ने बताए । उनले भने, ‘सभ्य समृद्ध समाज निर्माणको लागि टोलबाट विकासको थालनी गर्नेछु, नारायणगढ र भरतपुरलाई आर्थिक हब बनाउँछु । यहाँको स्वास्थ्यलाई प्रभावकारी बनाउन भरतपुर अस्पतालबाट कामको सुरुवात् गर्नेछु ।’
उनले नेकपा एमालेले ल्याएको स्वास्थ्य बिमा कार्यक्रमलाई व्यवस्थित र प्रभाकारी बनाउन संसदमा विशेष भूमिका खेल्ने बताए । पत्रकारसँग नेता न्यौपानेले स्वास्थ्य बिमामा राज्यको केही त्रुटि रहेको हुनाले यसलाई सच्याएर अघि बढ्ने प्रतिबद्धता गरे । उनले प्राथमिकताको आधारमा समस्या समाधानका लागि पहल गर्ने बताए । अहिलेसम्म आफूले कुनै पनि गलत काम नगरेको र निर्वाचित भएपछि पनि कहिल्यै गलत काम नगर्ने प्रतिबद्धता न्यौपानेले दोहोर्‍याए । उनले भने, ‘सांसद भएपछि रामप्रसाद न्यौपानेले एक रुपैयाँ भ्रष्टाचार गर्दैन, कुनै गलत काम गर्दैन, जनतासँग रहन्छ, चितवनको विकासमा संसदमा आवाज बुलन्द पार्छ ।’
उनले भ्रमको खेती र स्टन्ड नगर्न पनि विरोधीलाई चुनौती दिए । उनले भने, ‘भ्रमको खेती नगरे हुन्छ, फेक आइडी बनाएर गालीको वर्षा नगरे हुन्छ, स्टन्डले देश चल्दैन, समाज बन्दैन ।’ मिडियामैत्री, अपाङ्गमैत्री, व्यवसायीमैत्री नीति अबलम्बनमा सदैब लाग्ने बताउँदै न्यौपानेले भने, ‘सांसद बनाएर पठाएको खण्डमा चितवनमा लगानीको वातावरण बनाउने जिम्मा म लिन्छु, सबै वैदेशिक दातृनिकायसँग मैले कुराकानी गरिरहेको छु ।’ चितवनमा नर्सिङ पढ्ने वातावरण बनाउनको लागि नीतिगत तहमै पहल गर्ने उनले बताए ।
सुन्दर चितवन, समृद्ध चितवन बनाउन महिला शक्तिको महत्वपूर्ण भूमिका हुने भन्दै आफूहरुले महिलाको सम्मान गर्दै आएको न्यौपानेले बताए । जित्ने र टिक्ने वातावरण बनाउन रामप्रसाद न्यौपाने आएको बताउँदै भने, ‘मेरो जित शत्प्रतिशत छ, ढुक्क भए हुन्छ ।’ उनले समय छोटो भएको हुनाले सबैको घरघरमा जान नसकेकोमा मतदातासमक्ष माफीसमेत मागेका थिए । उनले भने, ‘सबैको घरमा आउन मलाई समय पुगने, सबै मतदातासमक्ष माफी पनि माग्दछु, तर तपाइँले जिताए पनि नजिताए पनि तपाइँको घरघरमा म फेरि पनि अवश्य आउँछु ।’ उनले आफू चितवनको माटोमा हुर्के बढेर यहीँको विकासमा होमिएकाले भोलिका दिनमा पनि निरन्तर यहीँकोृ विकासमा लाग्ने बताए ।

आन्य समाचारहरु:-
July 17, 2024
रत्ननगर ६ मा रहेकाे बछाैली माविमा शैक्षिक गुणस्तर सुधार गर्न अन्तर्क्रिया

सौराहा । रत्ननगर नगरपालिका वडा नं.६ मा रहेकाे बछौली माविमा बार्षिक बजेट निर्माण तथा शैक्षिक गुणस्तरवृद्धिका लागि सुझाव संकलन एवम् अन्तर्क्रिया कार्यक्रम बुधबार सम्पन्न भएकाे छ ।  रत्ननगर नगरपालिका भित्रका […]

July 15, 2024
नारायणगढ–मुग्लिङ सडकको माथिल्लो भागको पहिरो नियन्त्रणका लागि दीर्घकालीन योजना नहुँदा हरेक वर्ष जनधनको ठुलो क्षति हुने गरेको छ ।

नारायणगढ– दुई लेनको सडकसँगै १९ वटा पुल निर्माणका लागि अर्बौं रुपियाँ खर्च गरिएको नारायणगढ–मुग्लिङ सडकमा पहिरो नियन्त्रणका लागि छिटपुटबाहेक दीर्घकालीन योजना अघि बढ्न सकेको छैन ।यो समाचार गोरखापत्र दैनिकमा छ, […]

July 14, 2024
राप्तीका उपमेयरले गरे मेयरको गाडी तोडफोड गर्नेलाई कारबाहीको माग

राप्ती । चितवनको राप्ती नगरपालिकाका मेयर शमशेर लामा चढेको गाडी तोडफोड गर्ने समुहको पहिचान गरी कारबाही गर्न माग गरिएको छ । सोही नगरपालिकका उपमेयर देवेन्द्र लामाले आइतबार एक विज्ञप्ती जारी […]

July 13, 2024
रत्ननगर खानेपानी उपभोक्ताको संख्या १४ हजार, ९ सय ६५ नयाँ उपभोक्ता थपिए

रत्ननगर । रत्ननगर खानेपानी तथा सरसफाई उपभोक्ता संस्थाको कुल उपभोक्ताको संख्या १४ हजार भन्दा बढी पुगेको छ । एक वर्षको अवधिमा ९ सय ६५ जना नयाँ उपभोक्ता थपिएसँगै उपभोक्ताको संख्या […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram