Listen Live: 

तरलता सहज र कित्ताकाट खुल्न थालेसँगै घरजग्गा बढे कारोबार

Radio Chitwan
बिहिबार, बैशाख ७, २०८०

भरतपुर । तरलता सहज र कित्ताकाट खुल्न थालेसँगै घरजग्गा कारोबार बढेको छ । चितवनमा गत चैतमा ९ महिनायताकै उच्च किनबेच भएको छ । फागुन महिनामा जम्मा ८ सय ७८ कारोबार संख्या रहेकोमा चैतमा १ हजार ४ सय १५ पुगेको छ । मालपोत कार्यालय भरतपुरका प्रमुख मालपोत अधिकृत शेरबहादुर भण्डारीले जग्गाको कारोबार क्रमशः उकालो लागेको बताए । कारोबारसँगै हरेक महिनाको तुलनामा राजस्व पनि दोब्बर बढी संकलन भएको छ ।

चैत महिनामा मात्रै १५ करोड ५० लाख रूपैयाँ राजस्व जग्गा किनबेचबाट संकलन भएको छ । प्राप्त विवरणअनुसार यस आर्थिक वर्षको साउनदेखि फागुनसम्म ९ महिनाको अवधिमा जम्मा ७७ करोड राजस्व संकलन भएको थियो । जुन ८ महिनाको औसत ९ करोडजति हुन्छ । धेरै राजस्व संकलनमा चितवन मालपोत सातौँ नम्बरमा छ ।

मासिकरुपमा हेर्ने हो भने गत साउनमा ५ सय ५९, भदौमा ६ सय १९, असोजमा ५ सय २७, कात्तिकमा ८ सय ७३, मंसिरमा ९ सय १, पुसमा ९ सय ५९, माघमा ८ सय ४४ र फागुनमा ८ सय ७८ वटा कारोबार भएको छ ।

कृषि र गैरकृषि भूमि वर्गीकरण गरी कित्ताकाटमा सहजीकरण गर्ने स्थानीय तहहरुको संख्या बढेसँगै घरजग्गा कारोबारले पनि लय समात्न थालेको छ । चैतमा देशभर ४९ हजारभन्दा बढी घरजग्गा किनबेच हुँदा चार अर्ब ५१ करोड राजस्व संकलन भएको छ । चैत महिनामा मात्रै मालपोत कार्यालय भरतपुरले सेवा करबापत १ करोड २१ लाख, रजिष्ट्रेसन दस्तुरबापत ८ करोड ५१ लाख, पुँजीगत लाभकरबापत ५ करोड ५५ लाख ५५ हजार, नारायणी तथा राप्ती सभ्यताको नाममा २२ लाख १६ हजार रूपैयाँ संकलन भएको छ ।

जग्गाको वर्गीकरण बढेर कित्ताकाट फुकुवा हुन थालेपछि किनबेच पनि बढेको मालपोत प्रमुख भण्डारीले बताए । ‘स्थानीय तहहरुले जग्गाको वर्गीकरण गरी बुझाएपछि कित्ताकाट खुला भएको छ, प्रमुख भण्डारीले भने, ‘कारोबारले सोचेजस्तो गति भने लिन सकेको छैन ।’ अपेक्षाअनुसार कारोबार हुनका लागि भने हालको आर्थिक समस्या नै हट्नुपर्ने उनको भनाइ छ । निकै सुस्त रहेको घरजग्गा कारोबार बढेपछि व्यवसायी उत्साहित भएका छन् ।

जग्गाको वर्गीकरण भएको र कित्ताकाट सहज हुँदा कारोबार पनि बढ्न थालेको नेपाल जग्गा तथा आवास विकास महासंघका केन्द्रीय सचिवालय सदस्यसमेत रहेका नारायणी जग्गा तथा आवास व्यवसायी संघका अध्यक्ष बाबुराम अधिकारीले बताए । सरकारले गत मंगलबार जग्गाको कित्ताकाट खुला गर्ने निर्णय गरेको थियो । जग्गा व्यवसायीले यस निर्णयको स्वागत गरेका छन् ।

देशभरिको विवरणअनुसार चैतमा सबैभन्दा धेरै घरजग्गा किनबेच धनुषाको जनकपुर मालपोत कार्यालयबाट भएको छ । भूमि विभागका अनुसार चैतमा जनकपुरमा १९ सय २१, मोरङको बेलबारीमा १७ सय ६४, नेपालगञ्जमा १७ सय ५८, सुनसरीको इनरूवामा १७ सय २३, झापाको भद्रपुरमा १३ सय ३७ घरजग्गाको लिखत पारित भएको छ । चैतमा सबैभन्दा बढी राजस्व ललितपुरको लगनखेल मालपोतबाट ४० करोड उठेको छ ।

आन्य समाचारहरु:-
May 18, 2024
सनातन हिन्दुधर्म ध्वस्त भएका कारण राष्ट्रको अवस्था जरजर भएको छ : पूर्वमन्त्री पाण्डे

चितवन । चितवन क्षेत्र नं. ३ का सांसद एवं पूर्वमन्त्री बिक्रम पाण्डेले सनातन हिन्दुधर्म ध्वस्त भएका कारण राष्ट्रको अवस्था जरजर भएको उल्लेख गर्नुभएको छ । राप्रपा नगर कमिटी रत्ननगरले आयोजना […]

May 18, 2024
जीवन विकास लघुवित्तको वित्तीय साक्षरता : उत्कृष्ट कारोबार गर्ने सदस्य पुरस्कृत

रत्ननगर । जीवन विकास लघुवित्त वित्तीय संस्था लि.ले शनिबार वित्तीय साक्षरता तथा उत्कृष्टक करोबार गर्ने सदस्यहरुलाई पुरस्कृत गरेको छ । सो संस्थाको राप्ती शाखाले खैरहनीमा केन्द्र प्रमुख गोष्ठी तथा वित्तीय […]

May 17, 2024
संरक्षणमा नेचर गाइडको भूमिका महत्वपूर्ण

मेघौली । वन्यजन्तु संरक्षणमा नेचर गाइडको भूमिका महत्वपूर्ण भएको कार्यक्रमका सहभागीहरूले बताएका छन। मेघौली– घटगाई नेचर गाइड एसोसिएसन भरतपुर चितवनको आयोजनामा शुक्रबार मेघौलीमा सम्पन्न स्थानिय निकायका साथै सरोकारवालाहरू सँग परिचयात्मक […]

May 17, 2024
राइटपाथ चितवनको ‘ग्रान्ड एजुकेसन कन्क्लेभमा’ विद्यार्थीहरूको उत्साहजनक सहभागिता

रत्ननगर, जेठ ४ । शैक्षिक परामर्श दाता संस्था राइटपाथ करियर काउन्सिलिङले चितवनमा आयोजना गरेको ‘ग्रान्ड एजुकेसन कन्क्लेभ २०२४’ सम्पन्न भएको छ । शुक्रवार नारायणगढको लायन्सचोक स्थित संस्थाको कार्यालयमा आयोजित कार्यक्रममा […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram