रत्ननगर । रत्ननगरको टिकौलीचौरमा यही मंसिर २५ गते सोमबार देखि दोस्रो रत्नप्रिय कप फुटवल प्रतियोगिता हुने भएको छ । वडा नं ९ मा रहेको रत्नप्रिय क्वलको आयोजनामा प्रतियोगिता हुन लागेको […]
भरतपुरको आर्दश गृहमा संरक्षित बालबालिका र महिला गरी चार जनाको पारिवारिक पुर्नमिलन
Radio Chitwan
बिहिबार, बैशाख ७, २०८०
चितवन, वैशाख ७–
असहाय महिला तथा बालबालिकापुनस्र्थापना केन्द्र ‘आदर्श गृह’ले संरक्षित महिला तथा बालबालिका गरी चार जनालाई पारिवारिक पुर्नमिलन गराएको छ ।
आर्दश गृहले १५ औं वर्ष पूरा गरेको अवसरमा विभिन्न घटनामा परी अति जोखिम अवस्थामा हिंसा भोग्न बाध्य पारिएकाहरुको उद्धार र न्याय पश्चात उनीहरुलाई आत्मनिर्भर बनाइ परिवारको जिम्मा लगाइएको हो ।
भरतपुर महानगरपालिकाका उपमेयर चित्रसेन अधिकारी, प्रमुख जिल्ला अधिकारी सुरेन्द्र पौडेल, भरतपुर महानगरपालिका स्वास्थ्य तथा सामाजिक विकास महाशाखा प्रमुख शान्ताकुमारी पौडेल, प्रहरी उपरीक्षक रामेश्वर कार्की, उपअनुसन्धान निर्देशक कमलप्रसाद भट्टराई , भरतपुर महानगरपालिका वडा नम्बर ४ का वडाध्यक्ष अर्पण पोख्रेललगायतका सरोकारवालाको रोहवरमा बालिकाहरुलाई परिवारको जिम्मा लगाइएको हो ।
बिदाइ भएर परिवारसँग जान लागेका बहिनीहरुले आफूहरुले आदर्श गृह र मीना खरेलको साथ पाएर नै न्याय प्राप्त गर्न सकेको बताएका थिए । आफू पीडामा छट्पटिँदा साथ दिने मीना दिदी र आदर्श गृहको साथका कारण नै पुर्नजीवन पाएको भन्दै बिदाइ भएर जाँदा उनीहरु भक्कानिएका थिए । उनीहरुले हिंसामा परि अन्यायमा छट्पटी रहेको अवस्थामा न्यायको बाटो नभेटी पीडा खेपेर मानसिक रुपमा बिछिप्त भएर बस्दा मीना दिदीलगायतका व्यक्तिको साथ र सहयोगले नै अहिले पुर्नजिवन पाएको अनुभुति भएको बताए । न्यायिक प्रकृयामा आफूहरुलाई केही थाहा नहुँदा संस्थाले असल अभिभावक बनी र निस्वार्थरुपमा सहयोग गरेको उनीहरुको भनाइ थियो ।
कार्यक्रममा संस्थाकी अध्यक्ष मीना खरेलले पीडितले फैसला भइसकेपछि राज्यले दिने क्षतिपूर्ति पाउन नसकेको जानकारी गराइन् । आज पनि आफूहरु भाडाको घरमा पीडित तथा प्रभावित महिला तथा बालबालिकाहरुलाई राख्न बाध्य भएको भन्दै उनले स्थानीय तहबाट जतिसक्दो छिटो जग्गाको व्यवस्थापन गरी संस्था निमार्णमा सहयोग गर्न माग गरिन् ।
कार्यक्रममा भरतपुर महानगरपालिका उपमेयर चित्रसेन अधिकारीले संस्थाले महिला तथा बालबालिकामाथि हुने हिंसा न्यूनीकरणमा पु¥याएको योगदानको उच्च प्रशंसा गरे । राज्यको निकायबाट हुनुपर्ने काम निजी क्षेत्रबाट भएको भन्दै उनले संस्थालाई जग्गा दिलाउन आफूहरु सकारात्मक रहेको र प्रकृयामा काम अगाडि बढेको बताए । यस्तै सोही अवसरमा प्रमुख जिल्ला अधिकारी सुरेन्द्र पौडेलले लैँगिक हिंसा, महिला माथि हुने हिंसा न्यूनीकरणमा संस्थासँग समन्वयात्मक रुपमाकाम गरिने बताए । क्षतिपूर्तिको सवालमा आफूले जति सक्दो छिटो सम्बन्धित निकायसँग समन्वय गरी सहजीकरण गर्ने बचन दिए ।
सोही अवसरमा प्रहरी प्रमुख रामेश्वर कार्कीले हिंसा न्यूनीकरणमा संस्था र मीना दिदीले खेलेको भूमिकाको प्रसंशा गर्दै प्रहरी सधै साथी बनेर रक्षकको भूमिका खेल्ने स्पष्ट पारे । स्वास्थ्य तथा सामाजिक विकास महाशाखा प्रमुख शान्ताकुमारी पौडेलले संस्थाले जहिले पनि पीडितको न्यायका लागि अभिभावकीय भूमिका खेलेको बताए ।
यसैबीच सोही अवसरमा जिल्लामा सरुवा भएर आएका प्रमुख जिल्ला अधिकारी सुरेन्द्र पौडेल, प्रहरी प्रमुख रामेश्वर कार्की , उपअनुसन्धान निर्देशक कमलप्रसाद भट्टराईसहितका सरोकारवाला निकायलाई स्वागत तथा सम्मान समेत गरिएको थियो । सस्थाले स्थापनाकाल देखि अहिलेसम्म प्रत्यक्षरुपमा एक हजार १७१ जनालाई उद्धार संरक्षण र पारिवारिक रुपमा पुर्नमिलन गराएको छ । अहिले संस्थामा ३५जना पीडित÷प्रभावित महिला तथा बालबालिका संरक्षणमा रहेका छन् भने १६ जना किशोरी तथा बालिकाहरुले नियमित शिक्षा हासिल गरिरहेका छन् ।
आन्य समाचारहरु:-
उत्पादन बढेसँगै चितवनमा तरकारीको मूल्य घट्यो, काउली किलोको पाँच रुपैयाँ ...
उत्पादन बढेसँगै चितवनमा तरकारीको मूल्य घट्यो, काउली किलोको पाँच रुपैयाँ चितवन, मंसिर २१- तरकारीको उत्पादन बढेसँगै चितवनमा तरकारीको मूल्यमा भारी गिरावट आएको छ । सबैको बारीमा तरकारी उत्पादन हुन थालेपछि तिहारपछि […]
चितवनका पाँच सय भूमिहीनलाई जग्गाधनी प्रमाणपत्र वितरण गरिने
चितवनका पाँच सय भूमिहीनलाई जग्गाधनी प्रमाणपत्र वितरण गरिने चितवन, मंसिर २१- चितवन जिल्लाका पाँच सय भूमिहीन दलित, भूमिहीन सुकुम्बासी र अव्यवस्थित बसोबासीलाई जग्गा धनी प्रमाणपत्र वितरण गर्ने तयारी पूरा भएको […]
वैज्ञानिक अनुसन्धानमा युवाहरूलाई प्रोत्साहित गर्छौं : प्रधानमन्त्री प्रचण्ड
काठमाडौं : प्रधानमन्त्री तथा नास्टका कुलपति पुष्पकमल दाहालले प्रतिभावान् युवाहरूलाई स्वदेशमा रहेर अनुसन्धान गर्ने मौका अभिवृद्धि हुने विश्वास व्यक्त गरेका छन्।नेपाल विज्ञान तथा प्रविधि प्रज्ञा प्रतिष्ठान ९नास्ट०को ४१ औं वार्षिकोत्सव तथा […]
