रत्ननगर, चैत ५ । सनराइज स्कुल कृष्णपुर चितवनको आयोजनामा एकदिने स्काउट क्याम्प रत्ननगर ९ स्थित टिकौली होमस्टेमा सम्पन्न भएको छ ।
क्याम्पमा १५० जना सकाउटका विद्यार्थी सहभागी थिए । क्याम्पमा साहसी क्रियाकलापअन्तर्गत प्याराजम्प, मनोरञ्जनात्मक क्रियाकलापअन्तर्गत नृत्य तथा सांगीतिक कला प्रस्तुति, सिर्जनात्मक कार्यत्रलम, फेस पेन्टिङ, बौद्धिक तथा शारीरिक कार्यक्रम स्काउटर दिनेश पाण्डे, जमुना शर्मा, लक्ष्मी भट्ट, लक्ष्मी चालिसे, सुवास ढकाल, नानीमाया सापकोटालगायतले सञ्चालन गरेका थिए ।
नेपाल स्काउट एण्ड गाइड फेलोसिपका उपाध्यक्ष तीर्थराज न्यौपानेले संस्थाको तर्फबाट वागल वितरण गर्दै अन्तर्राष्ट्रिय स्काउट गाइड फेलोसिप सन् १९६० को अन्त्यतिर जन्म भई नेपालमा २०५८ सालदेखि नेपाल स्काउट गाइड फेलोसिप स्थापित भएको बताए । उनले सो संस्था राजनीतिबाट अलग रही स्काउटिङ क्रियाकलापमा सहयोग पु¥याउँदै आएको बताए ।
कार्यक्रममा सनराइज स्कुलका प्रिन्सिपल शिवकुमार वाग्लेले सहभागी विद्यार्थीलाई स्र्काप वितरण गर्दै विद्यार्थीकालमा स्काउटसम्बन्धी कुरा सुनेको तर अनुभूति प्राप्त गर्ने अवसर नभएकोमा स्काउटका माध्यमबाट विद्यार्थीमा कुशल नागरिक निर्माण हुनेमा विश्वास लागेको बताए ।
सो कार्यक्रममा भाइस प्रिन्सिपल भूमिराज तिवारी, चन्द्रमोहन काकीृलगायतको उपस्थिति रहेको थियो ।