चैत ५ । राष्ट्रिय परीक्षा बोर्डले कक्षा १२ को परीक्षा आगामी जेठ १६ गतेदेखि सञ्चालन गर्ने निर्णय गरेको छ । शुक्रबार बसेको बोर्ड बैठकले आउँदो जेठ १६ गतेदेखि विद्यार्थीहरूको भौतिक उपस्थितिमा परीक्षा सञ्चालन गर्ने निर्णय गरेको हो । यसअघि परीक्षा जेठ १८ गतेदेखि सञ्चालन गर्नेबारे छलफल भएको थियो । परीक्षा जेठ २५ गतेसम्म सञ्चालन हुने बोर्डले जनाएको छ ।
बोर्डका अध्यक्ष महाश्रम शर्माका अनुसार जेठ १६ गतेदेखि कक्षा १२ को परीक्षा सञ्चालन गर्ने निर्णय भएको हो । उहाँले परीक्षा तालिकासहित थप विवरण राष्ट्रिय परीक्षा बोर्डको वेबसाइटमा राख्नेसमेत बताउनुभयो । आगामी वैशाख ३० मा हुने स्थानीय तह निर्वाचनलाई मध्येनजर गरी परीक्षा समय तोकिएको उहाँको भनाइ छ ।
यो वर्षको एसईई वैशाख ९ गतेदेखि हुने
माध्यामिक शिक्षा परीक्षा वैशाख ९ गतेदेखि २० गतेसम्म सञ्चालन गर्ने बोर्डको निर्णय
बोर्डले अनलाइन माध्यममार्फत प्रश्नपत्र परीक्षा केन्द्रमा पठाउने जनाएको छ । योसँगै कक्षा १२ को परीक्षा सम्बन्धमा अन्योलता हटेको छ । गत दुई वर्ष कोभिडका कारण होमसेन्टरमा परीक्षा सञ्चालन हुँदै आएको थियो । यो वर्ष करिब चार लाख विद्यार्थीले १२ कक्षाको परीक्षा दिँदै छन् ।