Listen Live: 

चितवनको झण्डै तीन हजार ९०० हेक्टर वन क्षेत्रमा पछिल्लो एक महिनादेखि डढेलो

Radio Chitwan
आइतवार, बैशाख ३, २०८०

चितवन, वैशाख २–

चितवनको झण्डै तीन हजार ९०० हेक्टर वन क्षेत्रमा पछिल्लो एक महिनादेखि डढेलो लागेको छ ।

डिभिजन वन कार्यालय चितवनका सूचना अधिकृत बालकृष्ण खनालका अनुसार गत चैत १३ गतेसम्मको तथ्यांकमा चितवनको तीन हजार ९०० हेक्टर वन क्षेत्रमा डढेलो लागेको हो ।

सूचना अधिकृत खनालले फागुन २५ गतेदेखि डढेलो लाग्न सुरु भएको वन क्षेत्रमा नियन्त्रण गर्दा पनि कतिपय ठाउँमा अझै कायमै रहेको जानकारी दिए ।

वनमा लागेको डढेलो कायमै रहे पनि नियन्त्रण बाहिर नगएको डिभिजन वन कार्यालय चितवनका सूचना अधिकृत खनालले जानकारी दिए । सूचना अधिकृत खनालले एक हजार १५० हेक्टर क्षेत्रफलमा राष्ट्रिय वन र सामुदायिक, कबुलियती तथा अन्य राजमार्ग छेउमा रहेका वनहरुमा दुई हजार ७५० हेक्टर क्षेत्रफलमा डढेलो लागेको बताए । उनले भने,‘ झन्डै तीन हजार ९०० हेक्टर वनमा डढेलो सल्केको पाइयो, जहाँजहाँ डढेलो लागेको छ, त्यहाँ साना–साना बोटबिरूवाहरु मरेका छन् भने वन्यजन्तुलाई पनि असर परेको छ ।’

भरतपुर महानगर वडा नं–१, २, ११ र १२ मा रहेको वन क्षेत्रमा डढेलो लागेको खनालले बताए । उनले इच्छाकामना गाउँपालिकाको ७ नं वडामा रहेको वनमा पनि चैत २९ गते देखि डढेलो लागेको जानकारी दिए । उनले भने, ‘अझै चितवनका वन क्षेत्रमा लागेको डढेलो पूर्ण नियन्त्रणमा आइसकेको छैन, तर नियन्त्रण बाहिर पनि गएको छैन, जोखिम कम हुँदै गइरहेको छ ।’ उनले फागुनको अन्तिम साताबाट चितवनको वनमा डढेलो लाग्न सुरु भएको बताए । उनले भने, ‘पानी नपर्दासम्म डढेलोको जोखिम रहन्छ, गत वर्ष भन्दा यस वर्षमा धेरै जोखिम रहने देखिएको छ ।’ उनले पानी परेन भने जेठको १५ सम्ममा डढेलोको उच्च जोखिम हुने बताए ।

चितवनमा रहेका बरण्डाभार वन क्षेत्रमा डढेलोको जोखिम बढी छ । विशेषगरी चैत–वैशाख र जेठ महिनामा वनमा बर्सेनि डढेलो लाग्दै आइरहेको छ । राजमार्ग र बस्तीसँग जोडिएका सामुदायिक वनहरुमा डढेलोको जोखिम बढी रहेको डिभिजन वन कार्यालयले जनाएको छ ।

डिभिजन वन कार्यालयले नियुक्त गरेको १० कर्मचारी, सामुदायिक वनका कर्मचारी, हरित स्वयंसेवकलगायतले धेरै ठाउँमा लागेको डढेलोे नियन्त्रणमा लिन सहयोग पु¥याएको बताए । उनले भने, ‘अब एक÷दुई ठाउँमा बाँकी होला, तर धेरै ठाउँमा नियन्त्रणमा आइसकेको छ ।’ यहाँका १७ सामुदायिक वनहरुमा सालको रुख बढी छ, सुकेका पातहरु प्रशस्त झर्छ, वनसँगै बस्तीहरु जोडिएका छन्, राजमार्ग छेउमा जंगलहरु छन्, जसका कारण आगलागी तथा डढेलोको जोखिम बढी हुने डिभिजन वन कार्यालयले जनाएको छ । आगलागीको घटना हुन नदिन सबैभन्दा ठूलो सचेतना हो, सामूहिक प्रयासकै कारण आगलागीको घटना हुनबाट बच्न सकिने खनाल बताउँछन् ।

उनले भने, ‘यसवर्ष समयमा पानी परेन, सुख्खा समय रहेका कारण डढेलो बढी लाग्यो ।’ हेरालुहरुलाई सजग गराइएको छ, डढेलो नियन्त्रणमा खटिने कर्मचारीदेखि औजारहरुलाई तयारी अवस्थामा राखिएको उनको भनाइ छ । उनले मौसम सफा नहुँदा, पानी नपर्दा वायु प्रदूषण भएको बताए । उनले वायु प्रदूषणका कारण आँखा पोल्ने, स्वास प्रस्वासमा समस्या,दमलगायत हुने बताए ।

वातावरण विभागका प्रवक्ता शंकरप्रसाद पौडेलका अनुसार चितवन, पर्सा, प्युठानलगायतका क्षेत्रमा अन्यत्र भन्दा बढी डढेलो फैलिएको छ । डढेलोका कारण वायु प्रदूषण अत्यधिक बढेको बताए । उनले बिहान र बेलुकाको समयमा प्रदूषण अत्यधिक बढेको बताए । उनले भने, ‘प्रदूषणका कारण आँखा पोल्ने, स्वासप्रस्वासमा समस्या हुने, मुटुका बिरामीहरु बढी प्रभावित हुन्छन् ।’ उनले फोहोरजन्य पदार्थ बाल्दा वायु प्रदूषण झनै बढ्ने भएकाले यस्तो कार्य नगरी दिन अनुरोध गरेका छन् । फोहोर जन्य वस्तु बाल्दा वायु प्रदूषण झनै बढ्ने भएकोले यस्तो कार्य नगर्न र विशेष सावधानी अपनाउन प्रवक्ता पौडेलले अनुरोध गरेका छन् ।

आन्य समाचारहरु:-
June 13, 2024
सौराहामा पर्यटन विकासको लागि अन्तर्किया

रत्ननगर । मुलुकको तेस्रो पर्यटकीय नगरी सौराहा चितवनको पर्यटन विकासको लागि विहीबार सर्वपक्षिय अन्तर्किया कार्यक्रम गरिएको छ । रत्ननगर पर्यटन प्रर्वद्धन समितिले तयार गरेको पर्यटन विकास सम्बन्धी कार्ययोजनाको मस्यौदा माथि […]

June 13, 2024
रत्ननगरका तीनवटा वडामा पिठुवा खानेपानीको सचेतना कार्यक्रम

रत्ननगर। रत्ननगरको वडा नं. १५ माधवपुरमा रहेको पिठुवा खानेपानी तथा सरसफाई उपभोक्ता संस्थाले रत्ननगरका तीनवटा वडामा सरसफाई सम्बन्धी सचेतना कार्यक्रम गरेको छ ।  संस्थाले आफ्नो सेवाक्षेत्र अन्तर्गतका तीनवटा वडाहरू १४,१५ […]

June 12, 2024
कालिकामा आँखा उपचार केन्द्र स्थापना

कालिका,३०जेठ । कालिका नगरपालिकामा आज(बुधवार)देखि आँखा उपचार केन्द्र संचालनमा आएको छ । कालिकाको वडा नं. ६ को कार्यालय परिसरसँगैको भवनलाई तत्कालका लागि आँखा उपचार केन्द्र बनाइएको छ । उपचार केन्द्रको […]

June 12, 2024
कालिकाका ५५ जना एकल महिलालाई आयआर्जनका लागि बाख्राको पाठी वितरण

कालिका, ३० जेठ । कालिका नगरपालिकाका ५५ जना एकल महिलाहरुलाई आयआर्जनका लागि बाख्राको पाठीवितरण गरिएको छ ।  प्रत्येक वडाका पाँच पाँचजना एकल महिलाहरुलाई प्रजनन् योग्य बाख्राको पाठी वितरण गरिएको हो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram