नेकपा एमाले कालिका नगरपालिका, वडा नं १ ले वडा भेला सम्पन्न गरेको छ । आगामी बैशाख १० गते हुने उपनिर्वाचनको लागी आफ्नो सबै तहका पार्टी सदस्य, संगठित सदस्यहरुलाई भेटघाट गर्न र आफ्नो वडाबाट के कसरी मताधिकार वृदी गर्न सकिन्छ भनी छलफल गरिएको थियो । उक्त कार्यक्रममा प्रमुख अतिथि समेत रहनु भएको नारायण वनले आफूहरु चुनावको बेला दाँया बाँया नभईकन एक ढिक्का भई सूर्य चिन्हमा मतदान गर्न सल्लाह सुझाव दिनु भएको थियो । अतिथिहरु राष्ट्रीय युवासंघ कालिकाका जिवन थापा मगर, प्रदेश क.स. राष्ट्रीय युवा संघ सदस्य सन्देश राई, कालिका नगरकमिटी अध्यक्ष केशव लामा, नगर कमिटी सचिवालय सदस्य आशा लोप्चन, कृष्ण प्रसाद घिमिरे, जिल्ला कमिटी सदस्य बाबुकाजि गुरुङ, निवार्चन परिचालन कमिटी सदस्य सरस्वती सापकोटा, राजु राई, बुद्वी बोम्जन, गंगा प्रसाद घिमीरे लगायतको उपस्थिति रहेको थियो । वडा कमिटी अध्यक्ष राजु बोम्जनको अध्यक्षतामा सम्पन्न भएको उक्त कार्यक्रममा सचिव बलराम श्रेष्ठले भने कार्यक्रम सञ्चालन गर्नुभएको थियो ।