चितवन,चैत २३(

नेकपा एमालेका पोलिटब्युरो सदस्य गोकुल बास्कोटाले राष्ट्रिय स्वतन्त्र पार्टीका सभापति एवं चितवन क्षेत्र नम्बर २ का सभापति रवि लामिछानेले झुटको खेती गरिरहेको आरोप लगाएका छन् । रविकै गल्तीका कारण चैत–वैशाखको मौसममा चितवनका जनताले फेरि भोट हाल्नुपर्ने अवस्था आएको उनले टिप्पणी गरे । बिहीवार चितवनमा आयोजित चुनावी कार्यक्रममा नेता बास्कोटाले रविको नाम नलिई झुटो बोलेर र झुटो विवरण पेश गरेर राजनीतिमा आएको व्यक्तिले उन्मुक्ति नपाउने बताए ।

‘एमालेलाई नयाँ कुरा सिकाउने रे, पुरानाले केही गरेनन् रे १ मदनकृष्ण र हरिवंशको ‘हाम्री आमा सारै नै बाठी छन् ‘।,’ भन्ने गीत जसरी भोट पट्याएर लगे । अहिले त कांग्रेस पनि जागेको रहेछ । ब्युँझेछ, राम्रो कुरा,’ बास्कोटाले भने, ‘बाघको छालामा स्यालको रजाईं म देख्न सक्दिनँ, तपाईंहरू सक्नुहुन्छ रु’

बास्कोटाले नसा च्यातिने गरी चिच्चाएर वा हुलहुज्जत गरेर कसैले कानूनी त्रुटिबाट उन्मुक्ति नपाउने बताए । ‘एकजना निकै जान्ने छु भन्छन् । के जान्ने रहेछन् त भनेर विचार गरें, एउटा कुरा खुब जानेका रहेछन्, झुटो बोल्न । झुटो बोल्न जानेकोमा पीएचडी उपाधि दिनुस्, अरूमा छैन क्यारे । झुटो बोलेको हुनाले, बोलेको मात्र होइन कागज नै पेश गरेको प्रमाणित र पुष्टि भएको हुनाले, यस्तो तातो ठाउँमा, मान्छे घरभित्र बस्नुपर्ने ठाउँमा फेरि भोट माग्न जाने अवस्था बनाए । यो कांग्रेस, एमाले, माओवादीले बनाएको हो कि अरू कसैले रु’ बास्कोटाले प्रश्न गरे ।

बास्कोटाले कसैको कमजोरीका कारण फेरि तीन महिनामा उपनिर्वाचन गर्नुपर्ने अवस्था आउने टिप्पणी गरे । ‘नागरिकता परित्याग गरेको निस्सा पेश नगरी त गाह्रो हुन्छ, सरकारी कागजात गलत बनाएको भए के हुन्छ रु कहाँ जानुपर्छ रु संविधानभन्दा माथि कोही छ रु हुलहुज्जत गरेर उन्मुक्ति हुन्छ रु नसाको अप्रेसन गर्नेगरी चिच्याएका छन् । नसा फुल्ने गरी कराएर केही हुँदैन । कानूनतः गल्ती भएको हदसम्म कारवाही व्यहोर्नुपर्छ । फेरि ३ महिनामा चुनाव गर्ने रु मानिलिऔं ९रवि०ले जिते रे, चितवन टेस्टट्युब बेबी उत्पादन गर्ने जस्तो प्रयोगशाला हो र पटक–पटक चुनाव गर्न रु’ उनले प्रश्न गरे ।