रत्ननगर । रत्ननगर – ६ स्थित बछौली नारी चेतना बचत तथा ऋण सहकारी संस्थाको २५औं बार्षिकोत्सवको अबसरमा मंगलवार ज्येष्ठ शेयर सदस्यहरुलाई सम्मान गरिएको छ ।

संस्थाको कार्यालय परिसरमा आयोजित एक औपचारिक कार्यक्रममा सहकारीको संस्थागत विकासमा योगदान गरेका ८ जना ज्येष्ठ शेयर सदस्यलाई सम्मान गरिएको हो । वडा नं खैरहनी १३ कुमरोजकी कृष्णकुमारी अधिकारी, रत्ननगर वडा नं ६ की घुलिया थरुनी, सोही वडाकी जेनी थरुनी, वडा नं ७ की सोममाया तामाङ, सोही वडाकी जेनी चौधरी, वडा नं ५ की छनुई थरुनी, वडा नं ६ की पकुली थरुनी र वडा नं ४ की छनुई थरुनीलाई सम्मान गरिएको हो ।

कार्यक्रमका प्रमुख अतिथि प्रदेश सांसद कृष्णप्रसाद खनाल र संस्थाकी अध्यक्ष भागीरथीकुमारी घिमिरेले उनीहरुलाई दोसल्ला ओढाएर सम्मान गरेका थिए । सम्मानित ज्येष्ठ शेयर सदस्यहरुलाई पौष्टिक आहार समेत वितरण गरिएको छ । रजतजयन्ती प्रवेशको अबसरमा आयोजित सो कार्यक्रममा वि।स।२०८० सालको क्यालेन्डर सेमत बिमोचन गरिएको थियो ।

कार्यक्रममा रत्ननगर नगरपालिकाकी कार्यपालिका सदस्य तथा संस्थाकी निर्वतमान अध्यक्ष बविता चौधरी, जिल्ला बचत तथा ऋण सहकारी संघका कोषाध्यक्ष गोविन्द भट्टराई, मृगकुञ्ज मध्यवर्ती उपभोक्ता समितिका अध्यक्ष दुर्गाप्रसाद घिमिरे, सौराहा बचत तथा ऋण सहकारी संस्थाका रामकुमार अर्याल लगायतले मन्तव्य राखेका थिए । संस्थाकी अध्यक्ष घिमिरेको अध्यक्षतामा भएको कार्यक्रममा संस्थाकी उपाध्यक्ष सोममाया तामाङले स्वागत मन्तव्य राखेकी थिइन ।

संस्थाकी लेखा प्रमुख सपना भण्डारीले सञ्चालन गरेको सो कार्यक्रममा संस्थाकी सचिव माला दाहाल, कोषाध्यक्ष देवकी अधिकारी, सञ्चालक सदस्यहरु सरस्वती चालिसे, मीरा अधिकारी, प्रमिला ढकाल, लक्ष्मी भट्टराई, रिता चौधरी र भगवती दाहाल लगायत संस्थाका विभिन्न उपसमिति संयोजक तथा सदस्य र शेयर सदस्यहरुको सहभागिता रहेको थियो ।

बार्षिकोत्सबको सप्ताह व्यापी कार्यक्रम अन्तर्गत सो सहकारीले कानुनी सचेतना, ट्राफिक सचेतना, रक्तदान, भाषाकला तालिम, सरसफाई तथा खेलकुद लगायतका कार्यक्रम गरेको थियो ।