Listen Live: 

नारायणी नदी तटबन्धसँगै भरतपुर महानगर क्षेत्रको नारायणी नदी किनारमा रिभर बिचको योजना सुरु

Radio Chitwan
सोमवार, चैत्र २०, २०७९

चितवन। नारायणी नदी तटबन्धसँगै भरतपुर महानगर क्षेत्रको नारायणी नदी किनारमा रिभर बिचको योजना सुरु गरिएको छ।

नारायणी नदी व्यवस्थापन आयोजनाका प्रमुख गणेश मरासिनीका अनुसार नदी नियन्त्रण गर्न साढे तीन अर्ब रुपियाँभन्दा बढीको टेन्डर भइसकेको छ। चितवनतर्फ १६ किलोमिटर र पूर्वी नवलपरासीको नवलपुरतर्फ २१ किलोमिटर क्षेत्रमा नदी नियन्त्रणसहितको आकर्षक योजनाका लागि २३ अर्ब ५८ करोड ४३ लाख ७० हजार २३७ रुपियाँ लाग्ने आकलन गरिएको थियो।

आव २०७७/७८ को दररेटमा तय भएको यो बजेट अनुमान मात्र हो। जनताको तटबन्धका नाममा यस क्षेत्रमा २०६६/६७ सालदेखि काम जारी थियो। जालीमा ढुङ्गा भर्ने र नदीको धार फर्काउने अस्थायी प्रकृतिको काम भइरहेको थियो। आयोजना प्रमुख मरासिनीका अनुसार वर्षामा नदीले छोपे पनि हिउँदमा संरचना जस्ताको तस्तै हुने गरी बनाइनेछ।

चालु आवमा परियोजनाको नवलपुरतर्फ एक अर्ब र चितवनतर्फ साढे दुई अर्ब गरी साढे तीन अर्ब रुपियाँमा ठेक्का सम्झौता गरी काम अगाडि बढेको छ। सुरुमा निकुञ्जले काम अवरोध गरेका कारण यो वर्ष २० प्रतिशत मात्र काम सम्पन्न हुने अवस्था छ। नदीको जोखिम क्षेत्रमा सुरु भएको काम आउँदो वर्षाअगाडि नै सक्ने गरी भइरहेको छ। भरतपुर महानगरपालिका प्रमुख रेनु दाहालका अनुसार नदी बहाव क्षेत्रको काम गर्ने निर्माण कम्पनीलाई सोही आधारमा निर्देशन दिइएको छ।

महानगरप्रमुख दाहाल भरतपुरलाई आउँदो पाँच वर्षभित्र दक्षिण एसियाली मापदण्ड अनुकूलको भौतिक पूर्वाधारले सम्पन्न नमुना सहर बनाउने योजनाअन्तर्गत काम अगाडि बढाइएको दाबी गर्नुहुन्छ।

आउँदो २०८० साललाई भरतपुर भ्रमण वर्षका रूपमा मनाउने योजनामा रहेको महानगरले सडकलगायतका पूर्वाधार निर्माणसँगै यसको सौन्दर्यीकरणको कामसमेत अगाडि बढाउन सुरु गरेको महानगरप्रमुख दाहालको भनाइ छ।

आन्य समाचारहरु:-
February 23, 2024
रत्ननगरका १६ वटै वडामा अनेमसंघको नयाँ कमिटी गठन

रत्ननगर । पूर्वी चितवनको रत्ननगर नगरपालिकाका १६ वटै वडामा अखिल नेपाल महिला संघको नयाँ कमिटी गठन गरिएको छ । नेकपा एमाले निकट संघको छुट्टाछुट्टै अधिवेशन गरी वडा कमिटी गठन गरिएको […]

February 22, 2024
दैनिक चार घण्टा गाडी रोकेर काम हुँदै आएको नारायणगढ–मुग्लिन सडक आइतवारदेखि बन्द नहुने

चितवन । दैनिक चार घण्टा सवारी रोकेर पुल निर्माणका लागि भित्तो काटिँदै आएको नारायणगढ–मुग्लिन सडकखण्ड फागुन १३ गतेदेखि बन्द नगरिने भएको छ । तेस्रो पटक थपेको म्याद यही फागुन १२ […]

February 18, 2024
पिठुवा खानेपानीकाे अध्यक्षमा हरिकुमार श्रेष्ठ विजयी 

रत्ननगर । पिठुवा खानेपानी तथा सरसफाई उपभाेक्ता संस्थाकाे अध्यक्षमा हरिकुमार श्रेष्ठ निर्वाचित भएका छन् ।छैठाैं बार्षिक साधारण सभा तथा तेस्राे अधिवेशन अन्तर्गत आइतबार भएकाे निर्वाचनमा निकटतम प्रतिद्धन्द्धी बासुदेव शर्मा लामिछानेलाई […]

February 18, 2024
बाघमारा वनमा विषादी न्यूनीकरण सम्बन्धी सचेतनामुलक प्रशिक्षण

रत्ननगर । रत्ननगर वडा नं ७ स्थित बाघमारा सामुदायिक वन उपभाेक्ता समुहका उपभाेक्ताहरुलाई विषादी न्यूनीकरण सम्बन्धी प्रशिक्षण दिइएकाे छ । वनका उपभाेक्ता किसानलाई प्राङ्गारिक मलकाे प्रयाेगमा प्रेरित गर्दै विषादी न्यूनीकरणकाे […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram