रत्ननगर । रत्ननगर खानेपानी तथा सरसफाई उपभाेक्ता संस्थामा बैकल्पिक जनशक्ति तालिम सुरु भएकाे छ ।

समुदाय स्तरमा प्लम्बिङ उत्पादन उत्पादन गर्न तीन दिने तालिम आयाेजना गरिएकाे हाे । तालिममा संस्थाकाे सेवा क्षेत्र भित्र पर्ने ११ वटा वडाका ३३ जनाकाे सहभागिता रहेकाे संस्थाकी काेषाध्यक्ष तथा पानी सुरक्षा समितिकी संयाेजक सरस्वती लामाले जानकारी दिईन ।

खानेपानीकाे पाईप मर्मतकाे लागि समुदाय स्तरका जनशक्ति उत्पादन गर्ने उद्देश्यले तालिम आयाेजना गरिएकाे उनले बताईन । तालिमकाे उद्घाटन गर्दै संस्थाका अध्यक्ष माधवप्रसाद अर्यालले पानी सुरक्षाकाे लागि संस्थाकाे सहयाेगी जनशक्ति उत्पादन गर्न कार्यक्रमकाे आयाेजना गरिएकाे बताए ।

घरमा र गाउँमा खानेपानीकाे पाइप फुट्दा तत्काल मर्मत सकिने गरी जनशिक्त निर्माण गर्न लागेकाे उनले बताए । तालिम लिएकालाई पाईप मर्मतकाे लागि आवश्यक पर्ने रेन्ची र हेक्सा प्रदान गरिने छ । संस्थामा सचिव प्रताप डल्लाकाेटीले खानेपानीले प्रदान गर्ने सेवा,पाईपलाईन विस्तार र पानी सुरक्षाकाे विषयमा प्रकाश पारेका थिए ।

ईन्जिनियर ज्ञानप्रकास पाैलेल र कृष्ण बहादुर प्रजाले तालिम दिएका छन् । उद्घाटन कार्यक्रममा कार्यसमिति सदस्यहरु मीना श्रेष्ठ,केशबनारायण श्रेष्ठ,ईश्वर प्रसाद खनाल,शशीकला प्रधान,लक्ष्मी भट्ट,लेखा संयाेजक जीवनलाल नगरकाेटी लगायत उपस्थित रहेका थिए ।