कालिका, माघ ३० । पूर्वी चितवनको कालिका नगरपालिकाका मेयर विनोद रेग्मीले प्रस्तावित शक्तिखोर औधोगिक क्षेत्र तथा कालिका नगरपालिकाको समग्र बिकासको बारेमा लगानी बोर्डका सिईओ सुशिल ज्ञवालीसँग भेट गरी छलफल गरेका […]
चितवनको माडी नगरपालिकामा सबैभन्दा धेरै परिवार खरपरालकै छानोमुनि बसोवास गर्दै
Radio Chitwan
सोमवार, चैत्र १३, २०७९
भरतपुर । चितवनको माडी नगरपालिकामा सबैभन्दा धेरै परिवार खरपरालकै छानोमुनि बसोवास गर्दै आएको पाइएको छ ।
केन्द्रीय तथ्याङ्क कार्यालयले सार्वजनिक गरेको राष्ट्रिय जनगणना–२०७८ को विस्तृत प्रतिवेदनले चितवनको माडी नगरपालिकामा खरपरालको छानोमुनि बसोवास गर्ने परिवार संख्या बढी देखाएको हो । चितवनका सात पालिकामध्ये माडी नगरपालिकामा ८.७ प्रतिशत परिवार खरपरालको छानोमुनि बसोवास गरेको पाइएको हो ।
माडीपछि खरपरालको छानोमुनि बसोवास गर्ने परिवार इच्छाकामनामा बढी छन् । इच्छाकामनामा ४.१ प्रतिशत परिवार खरपरालको छानोमुनि बसोवास गरेको पाइएको छ ।
यस्तै, राप्ती नगरपालिकामा २.६ प्रतिशत परिवार खरपरालको छानोमुनि बसोवास गरेका छन् । जनगणना–२०७८ अनुसार कालिकामा खरको छानोमुनि बसोवास गर्ने परिवार १.६ प्रतिशत छन् । रत्ननगर नगरपालिकाको तुलनामा खरको छानोमुनि बसोवास गर्ने परिवार भरतपुरमा बढी छन् ।
जनगणनाअनुसार भरतपुरमा ०.९ प्रतिशत परिवार खरको छानोमुनि बसोवास गर्दै आएका छन् भने रत्ननगरमा ०.६ प्रतिशत परिवार खरपरालको छानोमुनि छन् । खैरहनी नगरपालिकामा १ प्रतिशत परिवार खरपरालको छानोमुनि रहेका छन् ।
चितवन जिल्लाभर १.६ प्रतिशत परिवार खरपरालको छानोमुनि बसोवास गर्दै आएको जनगणनामा उल्लेख छ ।
तत्कालीन प्रधानमन्त्री केपी शर्मा ओलीको सरकारले गरिब तथा विपन्नलक्षित कार्यक्रमअन्तर्गत ‘खरको छानोमुक्त अभियान’ थालेको थियो, कोरोना कहरसँगै यो अभियानलाई सरकारले सार्थकता दिन सकेको थिएन । कतिपय स्थानीय पालिकाले आफ्नै स्रोतले खरको छानोमुक्त अभियान चलाएका छन् ।
चितवनमा ८०.३ प्रतिशत परिवारको आफ्नै घर छ । १८ प्रतिशत परिवार भाडामा बस्ने छन् । चितवनको राप्ती नगरपालिकामा ९३.७ प्रतिशत परिवारको आफ्नो घर छ भने भाडामा बस्ने परिवार ५.२ प्रतिशत छन् ।
यस्तै, कालिकामा ९४.१ प्रतिशत परिवारको आफ्नो घर छ । कालिकामा भाडामा बस्ने परिवार ५.२ प्रतिशत छन् । इच्छाकामनामा ८८.६ प्रतिशत परिवारको आफ्नो घर छ भने १०.८ प्रतिशत परिवार भाडामा बस्ने छन् ।
सबैभन्दा बढी परिवार भरतपुर महानगरमा भाडामा बस्ने छन् । भरतपुर महानगरमा २५.४ प्रतिशत परिवार भाडामा बस्ने छन् । भरतपुर महानगरमा ७२.६ प्रतिशत परिवारको आफ्नो निवास रहेको जनगणनामा उल्लेख छ ।
यस्तै, भरतपुर महानगरपछि रत्ननगर नगरपालिकामा भाडामा बस्ने परिवार धेरै छन् । रत्ननगरमा १५.४ प्रतिशत परिवार भाडामा बस्ने छन् भने ८३.३ प्रतिशत परिवारको आफ्नो घर छ । खैरहनी नगरपालिकामा ८६.७ प्रतिशत परिवारको आफ्नो घर छ भने ११.७ प्रतिशत भाडामा बस्ने छन् । माडी नगरपालिकामा ९४.६ प्रतिशत परिवारको आफ्नो घर छ भने ३ प्रतिशत परिवार भाडामा बस्ने रहेका छन् ।
आन्य समाचारहरु:-
कालिकामा स्थानीय विपद् तथा जलवायु उत्थानशील योजना
चितवन, माघ २३ । चितवनको कालिका नगरपालिकाले स्थानिय विपद् तथा जलबायु उत्थानशील योजना, कार्यढाँचा अध्यावधिकका लागि सुचना संकलन गरेको छ । विपद् तथा जलबायु उत्थानशील योजना, कार्यढाँचा अध्यावधिकका लागि स्थानीय […]
कालिकामा वडागत फाइल सूची तयारी कार्यशाला
रत्ननगर । कालिका नगरपालिकामा बालमैत्री स्थानीय शासन (सिएफएलजी)का आधारमा कागजात व्यवस्थापनका लागि वडागत फाइल सूची तयारीसम्बन्धी कार्यशाला सम्पन्न भएको छ । कालिका नगरपालिकालाई २०८३ असोज मसान्तभित्र बालमैत्री स्थानीय शासन घोषणा […]
रत्ननगर १२ मा नकआउट फुटबल सुरु
रत्ननगर नगर पालिका वडा नं० १२ डाफे मुनाल टोल स्थित सालघारी एफ.सि क्लब को आयोजना मा यहि माघ १४ गते देखि माघ २५गते सम्म बागदेवि खेल मैदान रत्ननगर १२ मा […]
