रत्ननगर । पूर्वी चितवनको रत्ननगरका महिलाहरुले सामाजिक कार्य गर्ने उद्देश्यले स्थापना गरेको सामाजिक रुपान्तरण अभियान नेपाल नामक संस्था शुक्रबार उद्घाटन गरिएको छ ।
रत्ननगर नगरपालिकाका उपमेयर यादव प्रसाद पाठकले शुक्रबार रिवन काटेर संस्थाको उद्‌घाटन गरेका हुन् । पूर्वी चितवनका २१ जना महिलाहरु मिलेर संस्थाको दर्ता प्रक्रिया पुरा गरेर शुक्रबार औपचारिक रुपमा रत्ननगर १ मा कार्यालय स्थापना गरि संस्थाको उद्‌घाटन गरिएको संस्थाकी सचिव अनिता अर्यालले जानकारी दिइन् ।

उद्‌घाटन कार्यक्रममा बोल्दै उपमेयर पाठकले सामाजिक संस्थाहरुले विपन्न बस्तीलाई पहिलो प्राथामिकतामा राखेर काम गर्नुपर्ने बताए । उनले नगरभित्र विपन्न परिवारको संख्या धेरै रहेको भन्दै उनीहरुको जीवनस्तर उकास्न बस्तीमै पुगेर काम गर्न संस्थालाई सुझाव दिए ।

कार्यक्रममा बोल्दै संस्थाकी अध्यक्ष रिता काप्रीले संस्थाले विपन्न, महिला तथा बालबालिका, अल्पसंख्यक लगायतलाई लक्षीत गरि काम गर्ने बताईन ।

कार्यक्रममा वडा नम्बर १ का वडाध्यक्ष कुल प्रसाद सापकोटा , वडा नम्बर १० का वडाध्यक्ष कलाधर पौडेल, नगरपालिकाका विज्ञ सल्लाहकार रामहरी न्यौपाने, वडा सदस्य गिरीराज लम्साल, विन्दु मगराती, कार्यपालिका सदस्य बबिता चौधरी, नवदुर्गा आमा समूहक अध्यक्ष संगिता खनाल , सामाजिक व्यक्तित्व गोविन्द गौतम लगायतको उपस्थिति रहेको थियो ।

संस्थाकी सचिव अनिता अर्यालले संचालन गरेको कार्यक्रममा संस्थाकी उपाध्यक्ष संगिता उप्रेतीले स्वागत मन्तव्य राखेकी थिइन् ।