Listen Live: 

शारदानगरस्थित खुल्ला मैदानलाई बखान स्मृति मिनी रङ्गशाला बनाउने अभियान सुरू

Radio Chitwan
शुक्रबार, चैत्र १०, २०७९

शारदानगर । भरतपुर महानगरपालिका वडा नं–१९, शारदानगरस्थित खुल्ला मैदानलाई बखान स्मृति मिनी रङ्गशाला बनाउने अभियान सुरू भएको छ । नेपालको सहकारीका जन्मदाता तथा तत्कालीन पूर्वकानुनमन्त्री बखानसिंह गुरूङको स्मृतिमा रङ्गशाला निर्माण अभियान थालिएको हो ।

राष्ट्रिय खेलकुद परिषद्ले बहुवर्षीय योजनाअन्तर्गत ५० लाख विनियोजन भई क्षमता विस्तार सुरू गरेको रङ्गशाला निर्माण उपभोक्ता समितिका अध्यक्ष विजय घलेले बताए । प्रधानमन्त्री पुष्पकमल दाहालले रङ्गशाला निर्माणका निम्ति बजेट उपलब्ध गराउने आश्वासन दिएबमोजिम रङ्गशालालाई बहुवर्षीय योजनामा राखेर फुटबल रङ्गशाला बनाउने उनले बताए ।

पहिलो चरणमा रङ्गशालाको कम्पाउन्ड, पोलको जाली तथा फुटबल ग्राउन्डको काम हुने भन्दै लागतको ३० प्रतिशत समुदायबाटै जुटाउनुपर्ने भएकाले स्थानीय युवाहरु अभियानमा सरिक भएको उनले बताए । रङ्गशाला निर्माणका निम्ति बागमती प्रदेश सरकारबाट १० लाख र भमनपा वडा नं–१९ वडा कार्यालयबाट १३ लाखसमेत विनियोजन भएको अध्यक्ष घलेले बताए ।

शारदा मावि र शहीद स्मारक कलेजको बीचमा रहेको खेलकुद मैदान नमुना बनाउन लामो समयदेखि प्रयास गरिरहेको खेल मैदान संरक्षण समितिका अध्यक्ष अशोक गुरूङले बताए । उनले कुल लागतको केही प्रतिशत समुदायको पहलमा जुटाउनुपर्ने भएकाले पनि सहयोगको अपेक्षा गरिएको बताए ।

सदरमुकामबाहिर रहेका खेलकुद मैदानलाई समेत व्यवस्थित तथा जिल्लास्तरीय गतिविधि सञ्चालन गर्ने गरी पूर्वाधार आवश्यक देखिएकोले रङ्गशालाको निर्माण गरिएको र हाल फुटबलमात्रै भए पनि अन्य खेलहरु पनि खेल्न मिल्ने बनाइने अध्यक्ष गुरूङले बताए ।

बखान स्मृति रङ्गशालामा नै चैत १३ गतेबाट बखान कप खुल्ला नकआउट फुटबल आयोजना हुने भएको छ । भरतपुर–१९ वडा कार्यालय, युवा तथा खेलकुद विकास समिति भरतपुर–१९ र शारदानगर भूपू सैनिक कल्याणकारी संस्थाको आयोजनामा हुने प्रतियोगिता चैत २० गतेसम्म चल्ने भरतपुर–१९ का वडाध्यक्ष प्रकाश तामाङले बताए ।

आन्य समाचारहरु:-
April 22, 2024
झुवानी सामुदायिक पुस्तकालयकाे क्यालेन्डर विमाेचन

रत्ननगर । चितवनकाे रत्ननगर नगरपालिका वडा न५ झुवानीमा रहेकाे झुवानी सामुदायिक पुस्तकालयले  तयार पारेकाे २०८१ सालको क्यालेन्डर साेमबार  विमोचन गरेको छ । वडाअध्यक्ष बालकृष्ण चापागाईंले एक समारोहबीच  क्यालेन्डर  विमोचन गरेका […]

April 22, 2024
भरतपुर अस्पतालका वेथिति र समस्याहरुप्रति अनेरास्ववियु चितवनको ध्यानाकर्षण

चितवन, १० वैशाख । भरतपुर अस्पतालमा अवैध क्रियाकलाप, बेथिति र समस्याहरुको चाङ् रहेको भन्दै अनेरास्ववियु चितवनले ध्यानाकर्षण गराएको छ । आज नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन […]

April 22, 2024
कालिका नगरपालिकाले २३ जना महिलाहरुलाई सीप सिकाएर कपडा सिलाउने मेसिन समेत दियो

कालिका, ९ बैशाख । महिलाहरुलाई उद्यमसँग जोड्ने उद्देश्यले कालिका नगरपालिकाले आयोजना गरेको ४५ दिने आधारभूत सिलाई कटाई तालिम आइतवार सकिएको छ । वडा नं. ४ को सभाहलमा आयोजना गरिएको तालिमको […]

April 21, 2024
रत्ननगरमा बालअधिकारका लागि चर्चा र जागरुकता

रत्ननगर । चितवनको रत्ननगरमा बाल अधिकारको विषयमा चर्चा गर्दै योजना कार्यान्वयको लागि जागरुकताका लागि आइतबार अन्तरक्रिया कार्यक्रम गरिएको छ । रत्ननगर नगरपालिका महिला बालबालिका तथा ज्येष्ठ नागरिक शाखाले बालमैत्री निरन्तरता […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram