Listen Live: 

चोरी भएका र हराएका मोवाइल फोन सम्बन्धित धनीलाई हस्तान्तरण

Radio Chitwan
बिहिबार, चैत्र ९, २०७९

रत्ननगर । इलाका प्रहरी कार्यालय रत्ननगरले चोरी भएका र हराएका मोवाइल फोन सम्बन्धित धनीलाई हस्तान्तरण गरेको छ । विहीबार एक औपचारिक कार्यक्रमको आयोजना गरी ११ जनालाई मोबाइल फोन हस्तान्तरण गरिएको हो ।

मोवाइल चोरी तथा हराएपछि सम्बन्ति व्यक्तिले दिएको निवेदनको आधारमा प्रहरीले खोजी गर्दा भेटिएका मोबाइल फोन हस्तान्तरण गरिएको हो । इलाका प्रहरी कार्यालय टाँडीका प्रमुख डिएसपी अनिलकुमार खड्का र प्रहरी निरीक्षक दीपेन्द्र अधिकारीले सम्बन्धित धनीलाई हस्तान्तरण गरेका थिए ।

भेटिएका १९ वटा मोबाइल मध्ये ११ वटा हस्तान्तरण गरिएको र ८ वटा मोवाइल अनुसन्धानमै रहेको डिएसपी खड्काले जानकारी दिए । मोबाइलको आइएमइआइ नम्बरको आधारमा ट्याक गरी चोरी तथा हराएका मोवाइल फेला पारिएको उनको भनाई छ । रत्ननगरबाट हराएका र चोरी भएका अधिकाँस मोबाइल बाहिरी जिल्लामा फेला परेको डिएसपी खड्काले बताए । रत्ननगर १२ शालधारीका अस्मिल मल्लको हराएको ५ महिनापछि आइफोन हात परेको छ ।

उनको गत कार्तिक महिनामा सोही वडाको चिसापानीचोकमा मोबाइल हराएको थियो । मोबाइल हराएको केही दिनपछि उनले प्रहरीमा खोजीकार्यका लागि निबेदन दिएका थिए । १ लाख ८० हजार मुल्य पर्ने आइफोन हात परेपछि मल्लले खुसी व्यक्त गरे । प्रहरीले मल्लको फोन काठमाडौंमा व्यक्तिले प्रयोग गरिरहेको अबस्थामा बरामर गरेको हो ।

राष्टिय प्रजातन्त्र पार्टीका रत्ननगर नगर अध्यक्ष गोविन्द अधिकारीले पनि हराएको मोबाइल पाएका छन् । निपनीमा हराएको उनको मोवाइल प्रहरीले कपिलबस्तुमा फेला पारेको हो । इलाका प्रहरी कार्यालय रत्ननगरमा कार्यरत प्रहरी जवान विकाशकुमार शाहको समेत हराएको मोवाइल फेला परेको छ ।

डियुटिका क्रममा रत्ननगरबाट हराएको उनको मोवाइल सर्लाहीको लालबन्दीमा फेला परेको हो । विहीबार प्रहरीले मल्ल, अधिकारी र शाह सहित सुनिलकुमार शाह, लेखनाथ पौडेल, कमल घिमिरे, केशब सुवेदी, सुमन पौडेल, सोनु महतो, सुनिता तामाङ, प्रियङ्का महतोलाई मोबाइल हस्तान्तरण गरेको हो ।

मोबाइल हस्तान्तरणसंगै प्रहरीले मोबाइल फोन सुरक्षाका विषयमा समेत नागरिकलाई प्रशिक्षण दिएको छ । प्रहरीले हराएको र चोरी भएको मोबाइल सजिलै फेला पार्न गर्नुपर्ने कामको विषयमा जानकारी गराएका प्रहरी निरीक्षक अधिकारीले बताए ।

आन्य समाचारहरु:-
February 12, 2025
लगानी बोर्डका सिईओ ज्ञवालीसँग मेयर रेग्मीको भेट, शक्तिखोर औधोगिक क्षेत्रबारे छलफल

कालिका, माघ ३० । पूर्वी चितवनको कालिका नगरपालिकाका मेयर विनोद रेग्मीले प्रस्तावित शक्तिखोर औधोगिक क्षेत्र तथा कालिका नगरपालिकाको समग्र बिकासको बारेमा लगानी बोर्डका सिईओ सुशिल ज्ञवालीसँग भेट गरी छलफल गरेका […]

February 5, 2025
कालिकामा स्थानीय विपद् तथा जलवायु उत्थानशील योजना

चितवन, माघ २३ । चितवनको कालिका नगरपालिकाले स्थानिय विपद् तथा जलबायु उत्थानशील योजना, कार्यढाँचा अध्यावधिकका लागि सुचना संकलन गरेको छ ।  विपद् तथा जलबायु उत्थानशील योजना, कार्यढाँचा अध्यावधिकका लागि  स्थानीय […]

January 28, 2025
कालिकामा वडागत फाइल सूची तयारी कार्यशाला

रत्ननगर । कालिका नगरपालिकामा बालमैत्री स्थानीय शासन (सिएफएलजी)का आधारमा कागजात व्यवस्थापनका लागि वडागत फाइल सूची तयारीसम्बन्धी कार्यशाला सम्पन्न भएको छ । कालिका नगरपालिकालाई २०८३ असोज मसान्तभित्र बालमैत्री स्थानीय शासन घोषणा […]

January 28, 2025
रत्ननगर १२ मा नकआउट फुटबल सुरु

रत्ननगर नगर पालिका वडा नं० १२ डाफे मुनाल टोल स्थित सालघारी एफ.सि क्लब को आयोजना मा यहि माघ १४ गते देखि माघ २५गते सम्म बागदेवि खेल मैदान रत्ननगर १२ मा […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2025 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram