Listen Live: 

विश्व खानेपानी दिवसको अवसरमा बुधबार खानेपानीको मुहान सरसफाइ

Radio Chitwan
बिहिबार, चैत्र ९, २०७९

रत्ननगर । विश्व खानेपानी दिवसको अवसरमा बुधबार खानेपानीको मुहान सरसफाइ गरिएको छ । रत्ननगर खानेपानी तथा सरसफाइ उपभोक्ता संस्थाले सेवा क्षेत्रभित्र रहेको लौरीघोल मुहानको सरसफाइ गरेको हो । खानेपानीको मुहान सरसफाइ तथा पानी सुरक्षाको विषयमा अन्तक्र्रिया कार्यक्रमको आयोजना गरी दिवस मनाइएको हो ।

दिवसको अवसरमा मुहान सरसफाइसँगै विद्युत् महसुलमा ५० प्रतिशत छूटको माग गरिएको छ । जिल्ला खानेपानी तथा सरसफाइ उपभोक्ता महासंघ चितवनको सहकार्यमा आयोजना गरिएको सो कार्यक्रम खानेपानी तथा सरसफाइ डिभिजन नं १ हेटौँडाका प्रमुख सन्तोषकुमार श्रेष्ठले उद्घाटन गरेका थिए ।

कार्यक्रममा सहभागीहरुले मुहानमा फालेका मदिराका बोतल, प्लास्टिकजन्य सामग्री र झाडी संकलन गरी नष्ट गरेको कोषाध्यक्ष तथा खानेपानी सुरक्षा समिति संयोजक सरस्वती लामाले जानकारी दिइन् । सो अवसरमा कार्यक्रमका प्रमुखअतिथिसमेत रहेका डिभिजन प्रमुख श्रेष्ठले खानेपानीको मुहान संरक्षण आवश्यक रहेको भन्दै तारबार, नियमित सरसफाइ गर्नुपर्नेमा जोड दिए । खानेपानीको स्रोत संरक्षण गर्न नसके कालान्तरमा पानीको अभाव सिर्जना हुने उनको भनाइ छ ।

रत्ननगर खानेपानीका अध्यक्ष माधव अर्यालले खोला र नदीको स्रोत नभएका कारण मुहान संरक्षण र मुहानलाई जलाशययुक्त बनाउनुपर्ने बताए । उनले सरकारसँग बजेट माग गरी खानेपानीको मुहान संरक्षण र जलाशययुक्त बनाउने बताए । उनले रत्ननगर खानेपानीको आम्दानीको अधिकांश हिस्सा बिजुलीको महसुलमा खर्च हुने गरेको बताए ।

उनले कृषिलाई जस्तै खानेपानीलाई पनि विद्युत् महसुलमा ५० प्रतिशत छूट दिन प्रदेश सरकारसँग माग गरे । विद्युत् महसुलमा सरकारले छूट दिए त्यसबाट बचत हुने रकम उपभोक्ताको हित र मुहान संरक्षणमा खर्च गर्ने अध्यक्ष अर्यालको भनाइ छ ।

सो संस्थामा विद्युत् महसुलमात्रै वार्षिक ५५ लाख रूपैयाँ खर्च हुँदै आएको छ । सो संस्थाको तीन ठाउँमा ७ वटा मुहान छन् ।

कार्यक्रममा वडा नं–१४ का वडाध्यक्ष होमनाथ रानाभाटले लौरीघोल ऐतिहासिकस्थल रहेको भन्दै खानेपानीको मुहान संरक्षण गर्दा मह¤वपूर्ण क्षेत्र जोगिने बताए । ‘लौरीघोल मह¤वपूर्ण क्षेत्र हो’, उनले भने, ‘सिमसार क्षेत्र भएका कारण यहाँ ठाउँ–ठाउँमा पानीको मुहान छ ।’ उनले ऐतिहासिक मह¤व बोकेको लौरीघोल संरक्षणका लागि सरकारी प्रयास हुन नसकेको भन्दै दुःख व्यक्त गरे ।

कार्यक्रममा डिभिजन कार्यालयअन्तर्गत चितवन साइड प्रमुख हरिराम पौडेल, जिल्ला खानेपानी तथा सरसफाइ उपभोक्ता महासंघ चितवनका अध्यक्ष धनबहादुर गुरूङलगायतले मन्तव्य राखेका थिए । संस्थाका अध्यक्ष अर्यालको अध्यक्षतामा भएको कार्यक्रममा सचिव प्रताप डल्लाकोटीले कार्यक्रम सञ्चालन गरेका थिए ।

२०५८ सालमा स्थापना भएको सो संस्थाको १२ हजार ७०० उपभोक्ता रहेका छन् । दैनिक ७८ लाख लिटर पानी वितरण गर्दै आएको सो संस्थाले वार्षिक एक करोड बढीमा मुनाफासमेत गर्दै आएको छ । अघिल्लो आर्थिक वर्षमा ५ करोड आम्दानी गरेको सो संस्थाले खर्च कटाएर १ करोड २० लाख मुनाफा आर्जन गरेको संस्थाका व्यवस्थापक विश्वनाथ पौडेलले जानकारी दिए ।

सो संस्थामा पानी संकलनका लागि ४५० घनमिटरका ३ वटा ओभरहेड र एउटा ५०० घनमिटरको ग्राउन्ड लेभल ट्याङ्की रहेका छन् । पानी निकासीका लागि ७ वटा डिप बोरिङ सञ्चालनमा रहेका छन् ।

आन्य समाचारहरु:-
April 19, 2024
सकियो २९औं वन्यजन्तु सप्ताह, पत्रकार र संरक्षणकर्मीलाई सम्मान

रत्ननगर। चितवनमा मनाइएको २९औं वन्यजन्तु सप्ताहको अन्तिम दिन शुक्रवार संरक्षणकर्मी र पत्रकारलाई सम्मान गरिएको छ । सप्ताहको समापन कार्यक्रममा संरक्षणमा योगदान दिने १० जनालाई कदरपत्र सहित सम्मान गरिएको थियो । […]

April 7, 2024
नवनियुक्त १० जिल्ला न्यायाधीशको पदस्थापन, को कहाँ ?

काठमाडौँ– नवनियुक्त १० जिल्ला न्यायाधीशहरूको पदस्थापन भएको छ । आइतबार न्याय परिषद्ले १० जिल्ला न्यायाधीशहरूको पदस्थापन गरेको हो ।पदस्थापन हुने न्यायाधीशहरुमा अर्जुप्रसाद कोइरालालाई सरकार वकिलको कार्यालय दोलखाको जिल्ला न्यायाधिवक्ता, नरेन्द्रबहादुर […]

April 5, 2024
खाम थुनामा गएपछि रामहरिकी श्रीमती र छोरा भन्छन्ः ‘थोरै जितेको महसुस गरेका छौं’

चितवन, चैत २३– चितवन जिल्ला अदालतले काठमाडौंको कोटेश्वरका व्यापारी रामहरि श्रेष्ठलाई हत्या गरेको अभियोगमा १५ वर्षपछि पक्राउ परेका माओवादीका पूर्व कमाण्डर कालीबहादुर खाम मगरलाई पूर्पक्षका लागि थुनामा पठाउन आदेश दिएपछि […]

April 5, 2024
सुदूरपश्चिमका मुख्यमन्त्री शाहद्वारा राजीनामा

काठमाण्डौ – सुदूरपश्चिम प्रदेशका मुख्यमन्त्री कमलबहादुर शाहले राजीनामा दिनुभएको छ । उहाँले हिजो प्रदेश प्रमुख नजिर मियाँलाई राजीनामा बुझाउनुभएको हो । मुख्यमन्त्री शाहले हिजो प्रदेश सभाबाट विश्वासको मत लिने तयारी […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram