चितवन, चैत ८(

रोटरी क्लब अफ नारायणगढले भरतपुरको बिपी कोइराला मेमोरियल क्यान्सर अस्पतालमा पाँच थान ह्विल चेयर वितरण गरेको छ ।

क्लबका अध्यक्ष नगेन्द्रबहादुर श्रेष्ठले उक्त ह्विल चेयरहरू क्यान्सर सेवा समाजका संयोजक चिजकुमार मास्केको उपस्थितिमा अस्पतालका निर्देशक डा। देजकुमार गौतमलाई हस्तान्तरण गरेको हो ।

सेवालाई स्वार्थभन्दा माथि राख्नुपर्छ भन्ने मान्यताका साथ अगाडि बढेको रोटरी क्लब अफ नारायणगढले प्रदान गरेको उक्त सहयोगको लागि क्यान्सर सेवा समाजका संयोजक चिजकुमार मास्केले धन्यवाद दिएका छन् । त्यसैगरी अस्पतालका निर्देशक डा। गौतमले नारायणगढ रोटरी क्लबको सहयोगप्रति आभार व्यक्त गर्दै उक्त ह्विल चेयरले अस्पतालका बिरामीहरूलाई उपचारको क्रममा यताउती हिँडडुल गर्न सजिलो पर्ने बताए ।
नारायणगढ रोटरी क्लबका संस्थापक अध्यक्ष रोटरियन निरञ्जन प्रधानले दीनदुःखीहरू र अप्ठ्यारोमा परेकाहरूलाई क्लबले स्थापनाकालदेखि नै धेरै ठाउँमा सहयोग गर्दै आएको जानकारी गराउँदै आगामी दिनहरूमा पनि आवश्यकता हेरी क्लबले अस्पतालका र त्यहाँ उपचारार्थ भर्ना भएका बिरामीहरूका लागि सहयोग गर्ने बताए । उक्त पाँच थान ह्विलचेयरहरू आप्mनो स्वर्गीय पिताजीनारायणबहादुर प्रधानको स्मृतिमा उनले सौजन्य गरेका हुन् ।

कार्यक्रममा क्यान्सर सेवा समाजका अन्य पदाधिकारीहरूका साथै सबैकी आँखाकी नानी छायाँ श्रेष्ठ, नारायणगढ रोटरी क्लबका पूर्वअध्यक्षहरू विज्ञानलाल श्रेष्ठ, रमेश पौडेल, सुसनलाल प्रधानलगायत सदस्यहरू देवमाया श्रेष्ठ, ज्ञानुमाया श्रेष्ठ र अजिता पियाको उपस्थिति रहेको थियो ।