Listen Live: 

शहीद स्मृति बहुमुखी क्याम्पसमा स्वतन्त्र विद्यार्थी युनियनको निर्वाचनमा विद्यार्थी नेताहरु राजेन्द्र सापकोटा र मनिष सुवेदी बीच प्रतिस्पर्धा हुँदै

Radio Chitwan
बिहिबार, चैत्र २, २०७९

रत्ननगर । रत्ननगर स्थित शहीद स्मृति बहुमुखी क्याम्पसमा चैत पाँच गते हुने स्वतन्त्र विद्यार्थी युनियनको निर्वाचनमा विद्यार्थी नेताहरु राजेन्द्र सापकोटा र मनिष सुवेदी बीच प्रतिस्पर्धा हुँदैछ ।

सापकोटा अखिल सयुक्त प्यानलबाट र सुवेदी नेपाल विद्यार्थी संघबाट चुनावी मैदानमा छन् । सो क्याम्पसमा नेकपा एमालेको विद्यार्थी संगठन अनेरास्ववियु सहित पाँच दलका विद्यार्थी संगठन बीच चुवानी सहकार्य गरिएको छ । नेपाली कांग्रेस निकट विद्यार्थी संगठन नेपाल विद्यार्थी संघ भने एकल प्रतिस्पर्धामा रहेको छ ।

अखिल संयुक्तबाट नेकपा एमाले निकट अनेरास्ववियु,माओवादी केन्द्र निकट अखिल क्रान्तिकारी,राप्रापा निकट विद्यार्थी राप्राबि संघ, एकीकृत समाजबादी निकट अनेरास्ववियु र विप्लव माओवादी निकट विद्यार्थी संगठनबीच चुनावी तालमेल गरी अखिल सयुक्त प्यानल चुनावी मैदानमा रहेको छ ।

अखिल सयुक्त प्यानलबाट अध्यक्षमा सापकोटा सहित सचिवमा मोनिका सिलवाल र कोषाध्यक्षमा पानस तामाङ, प्रत्यक्ष तर्फ सदस्य अनिता भण्डारी, चिरञ्जवि ढुंगाना, नितिन बस्नेत, विमला चौधरी, विष्णु प्रसाद बगाले, सविना श्रेष्ठ र सुरक्षा गुरुङ चुवानी मैदानमा छन् ।

अखिल सयुक्तबाट समानुपातिक तर्फ सदस्य पदका लागि सन्र्दभ खनाल, समिर अधिकारी, नविन खड्का, रोशन शर्मा कँडेल, सन्ध्या लामिछाने, विपना लम्साल, पुनम रेग्मी, अनिता थापा र सन्देश भण्डारी चुवानी मैदानमा छन् । नेपाल विद्यार्थीसंगबाट अध्यक्षमा सुवेदी सहित सचिवमा अमिरबाबु खनाल,कोषाध्यक्षमा प्रमिला बुढाथोकी र प्रत्यक्ष तर्फ सदस्यहरुमा अफ्सरा विक, अभिषेक खनाल, निशा शर्मा, प्रकृति चौधरी, रोहित चौधरी, सफल रिजाल, सुलभ सुवेदी चुनावी मैदानमा छन् ।

नेविसंघबाट समानुपातिक तर्फ सदस्य पदका लागि शिव लामिछाने, प्रकृति रिजाल, महेश्वर लोहनी, आयुष गौली, रोहित गुप्ता, सुदिप थापा, सरोज शर्मा, सन्तोष पौडेल र प्रमिला नेपाल चुनावी मैदानमा छन् । निर्वाचनबाट पदाधिकारी सहित १९ सदस्यीय स्वतन्त्र विद्यार्थी युनियनको क्याम्पस कमिटी निर्वाचित हुने छ ।

अध्यक्ष, सचिव र कोषाध्यक्ष निर्वाचनबाट निर्वाचित हुने र दुई पदाधिकारी पद उपाध्यक्ष र सहसचिव समानुमातिकबाट निर्वाचित सदस्यबाट मनोनित गर्ने व्यवस्था रहेको छ । सो क्याम्पसमा १ हजार २२४ जना विद्यार्थीले पदाधिकार प्रयोग गर्ने छन् । १४ बर्षपछि हुन लागेको स्ववियु निर्वाचनलाई सफल बनाउन विद्यार्थी नेताहरु सक्रिय भएर लागेका छन् ।

दुबै पक्षबाट विभिन्न पदमा उम्मेदवारी दिएका विद्यार्थी नेताहरु अहिले भोट माग्न विद्यार्थीहरुको घरदैलो गरिरहेका छन् । शहीद स्मृतिमा यस अघि दुई कार्यकाल एमाले निकट विद्यार्थी संगठन अनेरास्ववियुले निर्वाचन जितेको थियो । पाँच विद्यार्थी संगठनको अखिल सयुक्त प्यानलबाट अध्यक्षका उम्मेदवार सापकोटा चुनाव जित्नेमा ढुक्क छन् ।

हामी जितको नजिक छौं सापकोटाले भने यो विश्वास मलाई मतदाता विद्यार्थीहरुले दिलाएका छन् । नेपाल विद्यार्थी संघबाट अध्यक्षका उम्मेदवार सुवेदीले पनि चुनाव जित्नेमा आफु ढुक्क रहेको बताएका छन् । मलाई अधिकाँस विद्यार्थीको साथ छ उनले भने भोट माग्न विद्यार्थीको माझमा पुग्दा उनीहरुले देखाएको सदभावले उत्साहित छु ।

आन्य समाचारहरु:-
June 13, 2024
सौराहामा पर्यटन विकासको लागि अन्तर्किया

रत्ननगर । मुलुकको तेस्रो पर्यटकीय नगरी सौराहा चितवनको पर्यटन विकासको लागि विहीबार सर्वपक्षिय अन्तर्किया कार्यक्रम गरिएको छ । रत्ननगर पर्यटन प्रर्वद्धन समितिले तयार गरेको पर्यटन विकास सम्बन्धी कार्ययोजनाको मस्यौदा माथि […]

June 13, 2024
रत्ननगरका तीनवटा वडामा पिठुवा खानेपानीको सचेतना कार्यक्रम

रत्ननगर। रत्ननगरको वडा नं. १५ माधवपुरमा रहेको पिठुवा खानेपानी तथा सरसफाई उपभोक्ता संस्थाले रत्ननगरका तीनवटा वडामा सरसफाई सम्बन्धी सचेतना कार्यक्रम गरेको छ ।  संस्थाले आफ्नो सेवाक्षेत्र अन्तर्गतका तीनवटा वडाहरू १४,१५ […]

June 12, 2024
कालिकामा आँखा उपचार केन्द्र स्थापना

कालिका,३०जेठ । कालिका नगरपालिकामा आज(बुधवार)देखि आँखा उपचार केन्द्र संचालनमा आएको छ । कालिकाको वडा नं. ६ को कार्यालय परिसरसँगैको भवनलाई तत्कालका लागि आँखा उपचार केन्द्र बनाइएको छ । उपचार केन्द्रको […]

June 12, 2024
कालिकाका ५५ जना एकल महिलालाई आयआर्जनका लागि बाख्राको पाठी वितरण

कालिका, ३० जेठ । कालिका नगरपालिकाका ५५ जना एकल महिलाहरुलाई आयआर्जनका लागि बाख्राको पाठीवितरण गरिएको छ ।  प्रत्येक वडाका पाँच पाँचजना एकल महिलाहरुलाई प्रजनन् योग्य बाख्राको पाठी वितरण गरिएको हो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram