Listen Live: 

चितवन क्षेत्र नं २ मा हुन लागेको उपनिर्वाचनका लागि दाबी विरोधको कार्यक्रम सकिए

Radio Chitwan
बुधबार, चैत्र १, २०७९

भरतपुर । आगामी वैशाख १० गते चितवन क्षेत्र नं २ मा हुन लागेको उपनिर्वाचनका लागि दाबी विरोधको कार्यक्रम सकिएको छ । जिल्ला निर्वाचन कार्यालय चितवनले वडा कार्यालयबाट मृत्यु भएका मतदाताको विवरण माग गरेको थियो । दाबी विरोधमा नयाँ थपिएका मतदाताको जाँचबुझ र मृत्यु भएका मतदाताको विवरण निर्वाचन कार्यालयले आज बुधबार बेलुका निर्वाचन आयोगमा पठाउँदैछ ।
करिब २०० जनाको नाम मतदाता नामावलीबाट काटिन सक्ने निर्वाचन कार्यालयका प्रमुख भीमसेन कार्की बताउँछन् । ‘नयाँ थपिएका मतदाताको जाँचबुझ र मृत्यु भएका मतदाताको नाम हटाएर मतदाताको नामावली बुधबार आयोगमा पठाउँछौँ । मतदाताको अन्तिम नामावली आयोगले नै सार्वजनिक गर्नेछ’, उनले भने, ‘करिब २०० जना मतदाताको नाम काटिन्छ होला ।’
चितवन क्षेत्र नम्बर २ मा कालिका नगरपालिका, भरतपुर महानगरपालिकाका १० वटा वडा र इच्छाकामना गाउँपालिका पर्दछन् । गत मंसिरमा भएको निर्वाचनमा चितवन–२ मा एक लाख २४ हजार २१५ मतदाता थिए । त्यसयता ६३१ मतदाता थपिएको निर्वाचन कार्यालयले जनाएको छ ।
गत निर्वाचनमा चितवन–२ मा ६७ प्रतिशतमात्रै मतदान भएको थियो । अहिले एक लाख २४ हजार ८४६ जनाको नाम मतदाता नामावलीमा रहेकामा नयाँ थपिएकाको जाँचबुझ र मृत्यु भएकाको नाम हटाउँदा करिब २०० जनाको नाम काटिने अनुमान गरिएको छ । निर्वाचन आयोगले चैत १५ गते मतदाताको अन्तिम नामावली प्रकाशन गर्नेछ ।
निर्वाचन कार्यालयले चैत १८ गते मुख्य निर्वाचन अधिकृतको कार्यालय स्थापना गर्ने कार्कीले जानकारी दिए । चैत २० गते उमेदवारी दर्ता, चैत २१ गते उमेदवारी फिर्ता र दाबी विरोध तथा चैत २३ गते उमेदवारको अन्तिम नामावली प्रकाशन गर्ने निर्वाचन तालिका रहेको उनले बताए ।
प्रमुख जिल्ला अधिकारी सुरेन्द्र पौडेलका अनुसार यसअघि स्थापना भएको भवनमै मुख्य निर्वाचन अधिकृतको कार्यालय रहने सम्भावना छ । ‘हामीले उपनिर्वाचनको प्रारम्भिक तयारी गरिसकेका छौँ । मुख्य निर्वाचन अधिकृतको कार्यालय सम्भवतः पहिलाकै ठाउँमा खुल्छ, त्यो निर्वाचन क्षेत्रमा पनि पर्छ’, उनले भने, ‘उपनिर्वाचनमा सुरक्षा व्यवस्थाका लागि त्यसको विश्लेषण गरी आवश्यकताअनुसार बाहिरी जिल्लाबाट पनि सुरक्षाकर्मी मगाउन सक्छौँ ।’
उपनिर्वाचनका लागि दलहरुले पनि तयारी थालेका छन् । सम्भावित उमेदवारको खोजी र चुनाव प्रचारको तयारीलाई दलले अगाडि बढाएका छन् । राष्ट्रिय स्वतन्त्र पार्टीले चितवन–२ को रामनगरमा सम्पर्क कार्यालय स्थापना गरिसकेको छ ।
सोमबार चितवन आएका रास्वपाका सभापति रवि लामिछानेले यसपटक फरक किसिमले चुनावी प्रचार गर्ने सोच बनाएको बताएका थिए । मंसिरमा भएको निर्वाचनबाट चितवन–२ मा निर्वाचित लामिछाने नागरिकता मुद्दामा दोषी देखिएर उनको सांसद् पद नै खारेज भएपछि उपनिर्वाचन हुन लागेको हो ।
रास्वपाबाट चितवन–२ को उपनिर्वाचनमा फेरि पनि उनैले उमेदवारी दिँदैछन् । नेकपा एमालेबाट जिल्ला अध्यक्ष रामप्रसाद न्यौपाने, नेता तिलचन्द्र भट्टराई र कालिका नगरपालिकाका पूर्वमेयर गोपी श्रेष्ठको नाम चर्चामा छ । नेपाली कांग्रेसबाट जिल्ला सभापति राजेश्वर खनाल, निवर्तमान जिल्ला सभापति जीतनारायण श्रेष्ठ र मंसिर ४ को चुनावमा पराजित उमेश श्रेष्ठको चर्चा छ ।

आन्य समाचारहरु:-
April 21, 2024
रत्ननगरमा बालअधिकारका लागि चर्चा र जागरुकता

रत्ननगर । चितवनको रत्ननगरमा बाल अधिकारको विषयमा चर्चा गर्दै योजना कार्यान्वयको लागि जागरुकताका लागि आइतबार अन्तरक्रिया कार्यक्रम गरिएको छ । रत्ननगर नगरपालिका महिला बालबालिका तथा ज्येष्ठ नागरिक शाखाले बालमैत्री निरन्तरता […]

April 21, 2024
रत्ननगरका संस्थागत विद्यालयलाई भर्ना शुल्क नलिन नगरपालिकाे पत्रचार

रत्ननगर । चितवनकाे रत्ननगर नगरपालिका भित्र रहेका संस्थागत विद्यालयहरुलाई भर्ना शुल्क नलिन नगरपालिकाले निर्देशन दिएकाे छ ।  कार्यपालिकाको  बैशाख ९ गतेकाे निर्णय र नगर  शिक्षा ऐन २०७४ संशोधन सहितको दफा […]

April 20, 2024
चितवनको रत्ननगर वडा नं ५ मा शनिबार आयोजना गरिएको निःशुल्क स्वास्थ्य शिविरमा २६४ जनाले सेवा लिगेका छन ।

रत्ननगर । शिविरमा छालाराेगका २१ जना , बालराेगका ३१ जना, स्त्रीराेगका २२ र हाड जाेर्नी राेगका १९० जना गरि  २६४ जनाले स्वास्थय परिक्षण गराएका हुन। भने  १२२ जनाले प्रयोगशाला सेवाकाे […]

April 20, 2024
समाजवादी प्रेस संगठनद्धारा अन्तरक्रिया र सम्मान कार्यक्रममुलुकलाई उकुसमुकुसबाट निकाल्नुपर्छ : महासचिव भुसाल

बुटवल, बैशाख ८ । नेकपा एकीकृत समाजवादीका महासचिव एवं पूर्वमन्त्री घनश्याम भुसालले मुलुकलाई उकुसमुकुसबाट बाहिर निकाल्नका लागि नेकपा एकिकृत समाजवादी निर्णायक हुने बताएका छन् । उनले आफूहरु अंकगणितको हिसाबले सानो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram