Listen Live: 

चितवनको कालिका नगरपालिका मैरीपालक किसानलाई उपकरण वितरण

Radio Chitwan
सोमवार, फाल्गुन २९, २०७९

रत्ननगन । चितवनको कालिका नगरपालिकाले मैरीपालक किसानलाई उपकरण वितरण गरेको छ । मौरी पकेट क्षेत्र कार्यक्रममा समावेश भएका किसानहरुलाई अफ सिजनको बेला मौरी जोगाउन चिनी सहित घार तथा अन्य उपकरणका सामाग्री प्रदान गरिएको छ ।

कालिका नगरपालिकामा महको उत्पादन बढाउन र किसानलाई सोही पेशामा आत्मनिर्भर बनाउन मौरी पकेट क्षेत्र कार्यक्रम घोषणा गरी प्रर्बधनका कार्यक्रम सञ्चालन गरिएको छ । पकेट क्षेत्र कार्यक्रममा समावेश भएका ६३ जना किसानलाई ५० प्रतिशत अनुदानमा चिनी सहित घार तथा अन्य उपकरणका सामाग्री प्रदान गरिएको नगरपालिकाका कृषि विकास अधिकृत लक्ष्मण पौडेलले जानकारी दिए ।

वडा नं ६ को कार्यालयमा आयोजित एक औपचारिक कार्यक्रममा ६३ जना किसानलाई ११९ बोरा चिनी, २८० वटा मौरीको घार र ४०० वटा चिनी खुवाउने फिडर वितरण गरिएको उनले जानकारी दिए । कार्यक्रममा मेयर विनोद रेग्मी र मौरी पकेट क्षेत्र सञ्चालन समितिका अध्यक्ष तेजप्रसाद लामिछानेले उपकरण सामाग्री हस्तान्तरण गरेका थिए । सो अबसरमा मेयर रेग्मीले कालिकामा मह उत्पादन बढाउन प्रधानमन्त्री कृषि आधुनिकीकरण परियोजना अन्तर्गत पकेट क्षेत्र घोषणा गरी किसानको हितमा काम गरिएको बताए ।

पशुपालक किसानलाई दुध र घाँसमा अनुदान तथा पुरस्कार प्रदान गर्दै आएको सो नगरपालिकाले मौरीपालक किसानलाई मौरी सहितको घार तथा उपकरण प्रदान गर्दै आएको उनले बताए । किसानहरुलाई उत्पादन लागत घटाउन आवश्यक पर्ने सबै सामाग्री हामी उपलब्ध गराउछौं मेयर रेग्मीले भने यसको उद्देश्य कालिकालाई कृषि उत्पादनमा आत्मनिर्भर बनाउने हो ।

प्रमुख प्रशासकीय अधिकृत केशबप्रसाद उपाध्यायले किसानले प्रतिफल प्राप्त गर्ने गरी कालिकाले प्रर्बधनात्मक कार्यक्रम गरिरहेको बताए । वडा जं ६ का वडाध्यक्ष टीकाराम रेग्मीले पशुपालक र मौरीपालक किसानहरुलाई पेशाप्रति प्रतिबद्ध बनाउन र उत्पादन बढाउन प्रतिबद्ध रहेको बताए । कार्यक्रममा सेवा निबृत्त नगरपालिकाका कृषि विकास अधिकृत शिवराज पौडेललाई मौरी पकेट क्षेत्र कार्यक्रमको तर्फबाट सम्मान गरिएको थियो । मह उत्पादन र पकेट क्षेत्र घोषणा गर्न भूमिका खेलेको भन्दै पौडेललाई सम्मान गरिएको हो ।

कालिका नगरपालिका भित्र १२५ जना किसानले व्यवसायिक रुपमा मौरीपालन गर्दै आएका छन् । ६ हजार ५०० घार मौरी रहेको कालिकामा बार्षिक २५० टन मल उत्पादन हुँदै आएको छ । वडा नं १ देखि ८ सम्मका ६३ जना किसानलाई आबद्ध गरी मौरी पकेट क्षेत्र कार्यक्रम सञ्चालन गरिएको छ ।

गत जेठ महिनाबाट कालिकामा मौरी पकेट क्षेत्र कार्यक्रम सञ्चालन गरिएको हो । मौरी पकेट क्षेत्र कार्यक्रमका अध्यक्ष तेजप्रसाद लामिछानेको अध्यक्षतामा भएको कार्यक्रममा उपाध्यक्ष अर्जुन हुमागाईले सञ्चालन गरेका थिए ।

आन्य समाचारहरु:-
June 13, 2024
सौराहामा पर्यटन विकासको लागि अन्तर्किया

रत्ननगर । मुलुकको तेस्रो पर्यटकीय नगरी सौराहा चितवनको पर्यटन विकासको लागि विहीबार सर्वपक्षिय अन्तर्किया कार्यक्रम गरिएको छ । रत्ननगर पर्यटन प्रर्वद्धन समितिले तयार गरेको पर्यटन विकास सम्बन्धी कार्ययोजनाको मस्यौदा माथि […]

June 13, 2024
रत्ननगरका तीनवटा वडामा पिठुवा खानेपानीको सचेतना कार्यक्रम

रत्ननगर। रत्ननगरको वडा नं. १५ माधवपुरमा रहेको पिठुवा खानेपानी तथा सरसफाई उपभोक्ता संस्थाले रत्ननगरका तीनवटा वडामा सरसफाई सम्बन्धी सचेतना कार्यक्रम गरेको छ ।  संस्थाले आफ्नो सेवाक्षेत्र अन्तर्गतका तीनवटा वडाहरू १४,१५ […]

June 12, 2024
कालिकामा आँखा उपचार केन्द्र स्थापना

कालिका,३०जेठ । कालिका नगरपालिकामा आज(बुधवार)देखि आँखा उपचार केन्द्र संचालनमा आएको छ । कालिकाको वडा नं. ६ को कार्यालय परिसरसँगैको भवनलाई तत्कालका लागि आँखा उपचार केन्द्र बनाइएको छ । उपचार केन्द्रको […]

June 12, 2024
कालिकाका ५५ जना एकल महिलालाई आयआर्जनका लागि बाख्राको पाठी वितरण

कालिका, ३० जेठ । कालिका नगरपालिकाका ५५ जना एकल महिलाहरुलाई आयआर्जनका लागि बाख्राको पाठीवितरण गरिएको छ ।  प्रत्येक वडाका पाँच पाँचजना एकल महिलाहरुलाई प्रजनन् योग्य बाख्राको पाठी वितरण गरिएको हो […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
प्राबिधिक : 
अन्जन थापा मगर
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram