रत्ननगन २८ फागुन । रत्ननगर स्थित शहीद स्मृति बहुमुखी क्याम्पसमा स्ववियु निर्वाचनका लागि चार विद्यार्थी संगठनले चुनावी सहकार्य गरेका छन् ।

चैत ५ गते हुने स्वातन्त्र विद्यार्थी युनियनको निर्वाचनमा नेपाल विद्यार्थी संघ बाहेक अन्य चार वटा संगठनले चुवानी तालमेल गरी अखिल संयुक्तको प्यानल बनाएर चुनाव लड्ने घोषणा गरेका हुन ।

नेकपा एमालेको भातृ संगठन अनेरास्ववियु, नेकपा माओवादी केन्द्र को भातृ संगठन अखिल क्रान्तिकारी, नेकपा एकीकृत समाजवादी को भातृ संगठन अनेरास्ववियु र राप्रपाको भातृ संगठन राप्रवि संघ बीच चुनावी सहकार्य भएको हो । उल्लेखित पार्टीका नगर स्तरीय नेताहरुको रोहबरमा विद्यार्थी संगठनले चुनावी तालमेल गर्ने सहमति गरेका हुन ।

चार विद्यार्थी संगठनले पद बाँडफाँड समेत गरेका छन् । नेकपा एमालेको भातृ संगठन अनेरास्ववियुलाई सभापति र सहसचिव सहित तीन सदस्य, नेकपा माओवादी केन्द्र को भातृ संगठन अखिल क्रान्तिकारीलाई उपसभापति र सचिव सहित ३ सदस्य, नेकपा एकीकृत समाजवादी को भातृ संगठन अनेरास्ववियुलाई कोषाध्यक्ष सहित २ सदस्य र राप्रपाको भातृ संगठन राप्रवि संघ दुई वटा सदस्य दिने गरी पद बाँडफाँड गरिएको अनेरास्ववियु क्याम्पस कमिटीका अध्यक्ष तथा सभापति पदका उम्मेदवार राजेन्द्र सापकोटाले जानकारी दिए ।

अखिल सयुक्त प्यानल उम्मेदवारको समेत टुङ्गो लगाएर भोट माग्न समेत सुरु गरिसकेको सापकोटाले जानकारी दिए । सो क्याम्पसमा अखिल सयुक्त प्यानल र नेपाल विद्यार्थी संघ बीच चुनावी प्रतिस्पर्धा हुने भएको छ ।