Listen Live: 

नेपाल नेत्र ज्योति सङ्घ चितवनमार्फत सञ्चालित आँखा अस्पतालबाट एक वर्षमा १२ हजार जनाभन्दा बढीको मोती बिन्दुको शल्यक्रिया

Radio Chitwan
आइतवार, फाल्गुन २८, २०७९

चितवन। नेपाल नेत्र ज्योति सङ्घ चितवनमार्फत सञ्चालित आँखा अस्पतालबाट एक वर्षमा १२ हजार जनाभन्दा बढीको मोती बिन्दुको शल्यक्रिया हुने गरेको छ । सङ्घद्वारा चितवन, बारा, पर्सा, नवलपरासीको कावासोतीमा सञ्चालित अस्पतालबाट सबैभन्दा धेरै मोती बिन्दुको शल्यक्रिया हुने गरेको पाइएको छ । नेपाल नेत्र ज्योति सङ्घ चितवनको शनिबार सम्पन्न २३औँ साधारण सभामा जानकारी दिएअनुसार मोती बिन्दुको शल्यक्रिया चालू आर्थिक वर्ष २०७९र८० को गत माघ महिनासम्ममा तीन हजार ७३२ जनाको उपचार भएको छ । गत वर्ष २०७८ मा तीन हजार ७२६ जनाको आँखाको उपचार भएको थियो ।

अस्पतालले सञ्चालन गरेको बाह्य शिविरबाट मोती बन्दुको समस्या भएर उपचार गर्न आउनेको सङ्ख्या अझ धेरै रहेको नेत्र ज्योति सङ्घ चितवनका सहसचिव केवशप्रसाद अधिकारीले जानकारी दिनुभयो । यसरी उपचार गर्न आउनेको सङ्ख्या चालू आर्थिक वर्षमा मात्रै चार हजार ८४९ जना छन् । सङ्घले जिल्ला र जिल्लाबाहिर गरेको शिविरमा समस्या देखिएपछि अस्पतालमा उपचार गर्न आउनेको सङ्ख्या हो यो । अघिल्लो आर्थिक वर्षमा एक हजार १४३ जना उपचारका लागि आएका थिए ।

आँखामा समस्या भएमा अस्पतालसम्म पुगेर उपचार गराउनुपर्छ भन्ने सचेतना अझै विकास नभएको, उपचारमा धेरै खर्च लाग्छ भन्ने लाग्ने गरेको, समयमा आँखा परीक्षण नगर्ने बानी भएका कारण शिविरमा धेरै बिरामी फेला पर्ने गरेको उहाँले जानकारी दिनुभयो । सङ्घमार्फत सञ्चालनमा रहेका अस्पताल र उपचार केन्द्र गरी १६ वटा स्वास्थ्य संस्थाबाट वार्षिक रूपमा दुई लाखभन्दा धेरैले बहिरङ्ग सेवा लिने गरेको पाइएको छ ।

सङ्घद्वारा सञ्चालित भरतपुर आँखा अस्पतालमा उपचार गर्न आएका गरिब असहाय बिरामीलाई चालू आर्थिक वर्षमा ५९ लाख ४६ हजार ९९६ रुपियाँ बराबरको उपचार सेवा निःशुल्क गरेको जनाइएको छ । सङ्घले आर्थिक वर्ष २०७८।७९ मा सवारीचालकको कलर भिजन परीक्षण क्याम्पमार्फत १२५ जनाको आँखा परीक्षण गरेको भन्दै भरतपुर आँखा अस्पतालले आँखामा देखिने क्यान्सरको उपचार गर्ने तयारी रहेको जानकारी दिएको छ । बीपी कोइराला क्यान्सर अस्पतालबाट एनेस्थेसिया सेवा लिएर क्यान्सर रोगका बिरामीको उपचार गरिने भएको खबर आजको गोरखापत्रमा छापिएको छ।

आन्य समाचारहरु:-
February 25, 2024
आजदेखि २४ जिल्लामा दादुरा–रुबेला खोप अभियान

फागुन १३ । दादुरा–रुबेला खोप अभियान आजदेखि सुरु भएको छ । स्वास्थ्य तथा जनसङ्ख्या मन्त्रालयले आज देखि चैत्र ७ गतेसम्म सो खोप अभियान सञ्चालन गरेको हो । राष्ट्रिय खोप कार्यक्रम […]

February 25, 2024
नारायणगढ-मुग्लिन सडक आजदेखि बन्द नहुने

भरतपुर,फागुन १३- तुइन खोलामा पुल बनाउनका लागि पहाड काट्न सुरू भएपछि दिउँसो चार घण्टा दैनिक बन्द हुँदै आएको नारायणगढ–मुग्लिन सडक आजदेखि बन्द नहुने भएको छ । नागढुङ्गा–मुग्लिन सडक आयोजना पश्चिम […]

February 24, 2024
भरतपुर भ्रमण बर्षको तयारी तीब्रः प्रधानमन्त्रीले उद्घाटन गर्ने,सातै प्रदेशका मुख्यमन्त्रीलाई आमन्त्रण

भरतपुर,फागुन १२- भरतपुर महानगरपालिकाको आयोजनामा हुन लागेको भरतपुर भ्रमण बर्ष २०२४ को उद्घाटनको दिन नजिकिँदै गर्दा तयारी तीव्र पारिएको छ। भरतपुर महानगरका जनप्रतिनिधि ,कर्मचारीहरु र बिभिन्न समितिले भ्रमण बर्षको उद्घाटनका […]

February 24, 2024
प्रधानमन्त्रीद्वारा देशकै लामाे झाेलुङ्गे पुलकाे उद्घाटन

धनुषा – प्रधानमन्त्री पुष्पकमल दाहाल ‘प्रचण्ड’ ले कमला नदीमा निर्माण भएको देशकै लामो झोलुङ्गे पुलको उद्घाटन गर्नुभएको छ । सिरहाको सिरहा नगरपालिका–१३ मल्हनिया र धनुषाको जनकनन्दिनी गाउँपालिका–६ कठाल जोड्ने एक […]

रेडियो चितवन अन्लाईन
" पौरखीको बोली "

सम्पर्क:

+९७७ - ०५६ ५६२६०६
+९७७ - ०५६ ५६२६०७
रत्ननगर २ , आदर्श टोल, टाडी चितवन
कार्यकारी सम्पादक : 
निरु चेपाङ
प्राबिधिक : 
अनुज प्रजा
अध्यक्ष : 
राजेन्द्र कुमार श्रेष्ठ
स्टेशन प्रबन्धक : 
रमेश राना मगर
बिज्ञापनको लागि बजार प्रमुख तिलक थापा मगर :
 ०५६-५६२६०७, ९८४५०५६२२८
copyright © 2022 radiochitwanonline.com
map-markerclock linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram