भरतपुर । रंगहरुको पर्व होलीको अवसरमा भरतपुर–१३ को हिमाल युवा क्लबले टोलस्तरीय भेटेरानहरुबीचको भलिबल प्रतियोगिता आयोजना गरेको छ ।

भलिबल खेलको प्रवद्र्धन गर्दै नेपाली सांस्कृति होलीको मौलिक संस्कृतिहरूको संरक्षण र संवद्र्धन गर्न ३५ वर्षमाथिको भेटेरान भलिबल आयोजना गरिएको क्लबका अध्यक्ष सञ्जीव न्यौपानेले बताए ।

उनका अनुसार क्लबको कार्यक्षेत्र रहेको भरतपुर–१३ का टोलहरुले प्रतियोगितामा सहभागिता जनाएका छन् ।
हिमालय दण्डपाणि न्यौपाने माध्यमिक विद्यालय, चम्पानगरको खेल मैदानमा आयोजना गरिएको यो प्रतियोगित चौथो संस्करण हो ।

चौथो राइनोकुञ्ज भेटेरान भलिबल प्रतियोगिता–२०७९ सोमबार पहाडी होलीको दिनबाट सुरू भएको प्रतियोगिता मंगलबार तराईं होलीको दिनमा सम्पन्न हुनेछ । क्लबका निर्वतमान अध्यक्ष केशव देवकोटाका अनुसार पहिलो दिन ६ वटा खेल सम्पन्न भएका छन् ।

सोमबार पृथ्वी टोलविकास संस्था र पाखुरीचोक टोलविकास संस्था ९ख०, बाटुली पोखरी टोलविकास संस्था र ब्रह्मपुरी टोलविकास संस्थाबीच क्वाटर फाइनलको खेल हुनेछ । विजयी टिमले सोमिफाइनलमा प्रवेश गरेको धनुकिरण टोलविकास संस्था र पाखुरीचोक टोलविकास ९ए० सँग प्रतिस्पर्धा गर्ने छन् ।

क्लबका कोषाध्यक्ष राजेन्द्र दवाडीका अनुसार विजयी टिमले २० हजार, उपविजेताले १० हजार र तृतीयले पाँच हजारसहित शिल्ड, मेडल र प्रमाणपत्र प्राप्त गर्ने छन् । उनका अनुसार प्रोत्साहन पुरस्कारस्वरुप चौथो हुने टिमलाई नगद तीन हजार पुरस्कार प्रदान गरिनेछ ।

‘प्रगतिको लागि युवा शक्ति, खेल विकासको लागि युवा शक्ति’ भन्ने मूलनाराका साथ २०५७ सालदेखि हिमाल युवा क्लब खेलकुद गतिविधिमा सक्रिय रहँदै आएको छ ।